ഇത്തവണയും ദർബുസ്സാഇ ഇല്ലാതെ ദേശീയദിനാഘോഷം

ദോഹ: ഖത്തർ ദേശീയദിനാഘോഷങ്ങളുടെ പ്രധാന ആകർഷണങ്ങളിൽ ഒന്നായ ദർബുസ്സാഇയിലെ പരിപാടികൾ ഇത്തവണയും ഉണ്ടാകില്ലെന്ന്​ അധികൃതർ അറിയിച്ചു. അതേസമയം, മറ്റു പല സ്​ഥലങ്ങളിലുമായി വൈവിധ്യമാർന്ന പരിപാടികൾ ഉൾപ്പെടുത്തിയാവും 2021ലെ ദേശീയ ദിനാഘോഷം. ഖത്തർ ദേശീയദിനാഘോഷങ്ങളുടെ പ്രധാന വേദികളിലൊന്നാണ്​ ദർബുസ്സാഇ. കുടുംബങ്ങൾക്കും കുട്ടികൾക്കുമായി നിരവധി ആ​േഘാഷപരിപാടികളടക്കം ഒരുക്കുന്ന താൽക്കാലിക നഗരിയാണ്​ ദർബുസ്സാഇ. 2020ലും ദർബുസ്സാഇയിലെ പരിപാടികൾ ഒഴിവാക്കിയിരുന്നു. കോവിഡ് പശ്ചാത്തലത്തിലായിരുന്നു കഴിഞ്ഞ തവണ ദർബുസ്സാഇ ഒഴിവാക്കാൻ തീരുമാനിച്ചത്​.

ഡിസംബർ 18നാണ് ഖത്തർ ദേശീയദിനം. ഇത്തവണ ​ഖത്തർ ലോകകപ്പി​െൻറ വിളംബരമായ ഫിഫ അറബ്​ കപ്പി​െൻറ ഫൈനൽ ദിനം കുടിയാണ്​ ഡിസംബർ 18. ദേശീയ ദിനാഘോഷത്തി​െൻറ ഭാഗമായി ദിവസങ്ങൾക്ക് മുമ്പുതന്നെ ദർബുസ്സാഇ അണിഞ്ഞൊരുങ്ങുകയും വൈവിധ്യമാർന്ന പരിപാടികളും മത്സരങ്ങളും സാംസ്​കാരിക പരിപാടികളുമായി ജനങ്ങളെ ആകർഷിക്കുകയും ചെയ്യും. ആയിരക്കണക്കിന് ആളുകളാണ് ഓരോ വർഷവും ഇവിടെ എത്തുക. ദർബുസ്സാഇക്കായി സ്​ഥിരം വേദി തയാറാവുന്നതായി അധികൃതർ അറിയിച്ചു. സ്​പെഷൽ എൻജിനീയറിങ്​ ഓഫിസുമായി സഹകരിച്ച്​ ഉംസലാൽ മുഹമ്മദിൽ ഒരുങ്ങുന്ന വേദി 2022ഓടെ പൂർണ സജ്ജമാവുമെന്ന്​ അധികൃതർ വ്യക്​തമാക്കി. 'പൂർവികർ കൈമാറിയ സൗഭാഗ്യങ്ങളുടെ സംരക്ഷണം നമ്മുടെ കർത്തവ്യം' എന്ന അർഥം വരുന്ന 'മറാബിഉൽ അജ്​ദാദി... അമാന' എന്നാണ്​ ഈ വർഷത്തെ ദേശീയദിന മുദ്രാവാക്യം.

കുട്ടികൾക്ക്​ വെർച്വൽ റൺ

ദോഹ: ​ഗൾഫ്​ മാധ്യമം സംഘടിപ്പിക്കുന്ന 'ഖത്തർ റൺ 2021'ൽ 12 വയസ്സിന്​ താഴെയുള്ളവർക്ക്​ നേരിട്ട്​ പ​ങ്കെടുക്കാൻ കഴിയില്ലെങ്കിലും നിങ്ങൾ നിരാശപ്പെടേണ്ട. വീട്ടിലും പരിസരങ്ങളിലുമായി ഓടി തന്നെ നിങ്ങൾക്ക്​ ഖത്തറി​െൻറ ഹ്രസ്വദൂര മാരത്തൺ കുതിപ്പിൽ പങ്കാളികളാവാം. ഡിജിറ്റൽ ടൈ സെറ്റിങ്ങിലൂടെ നിങ്ങൾ ഓടിപ്പൂർത്തിയാക്കിയ സമയം അയച്ചുതന്ന്്​ മത്സരത്തിൽ പ​ങ്കെടുക്കാൻ സംഘാടകർ അവസരം ഒരുക്കുന്നതാണ്​. മൂന്ന്​ കി.മീ ദൂരമാണ്​ വെർച്വൽ പ്ലാറ്റ്​ഫോമിലൂടെ പുർത്തിയാക്കേണ്ടത്​. മത്സരം പൂർത്തിയാക്കുന്നവർക്ക്​ മെഡലുകളും ജേതാവാകുന്നവർക്ക്​ ആകർഷകമായ സമ്മാനങ്ങളുമുണ്ടാവും. നേരത്തെ രജിസ്​റ്റർ ചെയ്​ത 12ന്​ താഴെ പ്രായമുള്ളവർക്ക്​ മാത്രമായിരിക്കും വെർച്വൽ റണ്ണിന്​ അവസരം.

ഒക്​ടോബർ 15ന്​ മു​മ്പായി വെർച്വൽ റൺ പൂർത്തിയാക്കി ബന്ധപ്പെട്ട രേഖകൾ സംഘാടകർക്ക്​ എത്തിക്കണം. ഒക്​ടോബർ 15ന്​ ആസ്​പയർ പാർക്കിലാണ്​ ഖത്തർ റൺ സംഘടിപ്പിക്കുന്നത്​. കോവിഡ്​ പശ്ചാത്തലത്തിൽ അണ്ടർ 12 കുട്ടികളുടെ നേരിട്ടുള്ള പങ്കാളിത്തം ഒഴിവാക്കാൻ തീരുമാനിക്കുകയായിരുന്നു.