ലാ​സ്റ്റ് മി​നി​റ്റി​ൽ ത്രി​ല്ല​ർ ജ​യം

ദോ​ഹ: സ​മ​നി​ല ഉ​റ​പ്പി​ച്ച മ​ത്സ​ര​ത്തി​ന്റെ അ​വ​സാ​ന മി​നി​റ്റി​ൽ പി​റ​ന്ന ത​ക​ർ​പ്പ​ൻ ഗോ​ളി​ലൂ​ടെ ലോ​ക​ക​പ്പ് യോ​ഗ്യ​ത റൗ​ണ്ടി​ൽ മി​ന്നും ജ​യ​വു​മാ​യി ഖ​ത്ത​ർ. ക​രു​ത്ത​രാ​യ ഉ​സ്ബ​കി​സ്താ​നെ​തി​രെ ജാ​സിം ബി​ൻ ഹ​മ​ദ് സ്റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ൽ 3-2നാ​യി​രു​ന്നു ഖ​ത്ത​റി​ന്റെ ഉ​ശി​ര​ൻ ജ​യം. 101ാം മി​നി​റ്റി​ലേ​ക്ക് നീ​ങ്ങി​യ ഇ​ഞ്ചു​റി ടൈ​മി​ൽ 2-2 സ​മ​നി​ല ഉ​റ​പ്പി​ച്ചി​രി​ക്കെ​യാ​ണ് ഖ​ത്ത​റി​ന് അ​നു​കൂ​ല​മാ​യി പി​റ​ന്ന ഫ്രീ​കി​ക്കി​നെ പ്ര​തി​രോ​ധ താ​രം ലൂ​കാ​സ് മെ​ൻ​ഡി​സ് ഗോ​ളാ​ക്കി​യ​ത്.

അ​ക്രം അ​ഫീ​ഫ് മ​ധ്യ​വ​ര​ക്ക​രി​കി​ൽ​നി​ന്നും തൊ​ടു​ന്ന ഫ്രീ​കി​ക്ക്, പോ​സ്റ്റി​ന് ഇ​ട​തു മൂ​ല​യി​ൽ നി​ന്ന ബൗ​ലം ഖൗ​കി ഹെ​ഡ് ചെ​യ്ത് ന​ൽ​കി​യ​പ്പോ​ൾ, മാ​ർ​ക്ക് ചെ​യ്യ​പ്പെ​ടാ​തെ​നി​ന്ന മെ​ൻ​ഡി​സ് മ​നോ​ഹ​ര​മാ​യി വ​ല​യി​ലേ​ക്ക് അ​ടി​ച്ചു ക​യ​റ്റി അ​വ​സാ​ന മി​നി​റ്റി​ൽ വി​ജ​യം സ​മ്മാ​നി​ച്ചു.

ക​ളി​യു​ടെ ആ​ദ്യ പ​കു​തി ഉ​ജി​ജ്വ​ല നീ​ക്ക​ങ്ങ​ളി​ലൂ​ടെ ത​ങ്ങ​ളു​ടേ​താ​ക്കി​യ ഖ​ത്ത​ർ ര​ണ്ടാം പ​കു​തി​യി​ലാ​ണ് പ്ര​തി​രോ​ധ​ത്തി​ലാ​യ​ത്. അ​ക്രം അ​ഫീ​ഫ് നാ​യ​ക​ത്വം വ​ഹി​ച്ച നീ​ക്ക​ങ്ങ​ൾ​ക്കൊ​ടു​വി​ൽ അ​ൽ മു​ഈ​സ് അ​ലി​യാ​യി​രു​ന്നു ക​ളി​യു​ടെ 25, 41 മി​നി​റ്റു​ക​ളി​ൽ ഖ​ത്ത​റി​നെ മു​ന്നി​ലെ​ത്തി​ച്ച​ത്.

മ​ധ്യ​നി​ര​യും മു​ന്നേ​റ്റ​വും മി​ക​ച്ച ഏ​കോ​പ​ന​ത്തോ​ടെ ക​ളി​ച്ച മ​ത്സ​ര​ത്തി​ൽ ഉ​സ്ബ​കി​സ്താ​ന്റെ യു​വ​നി​ര​യെ ഖ​ത്ത​ർ ത​ള​ച്ചു. ഗോ​ൾ കീ​പ്പ​ർ മി​ഷാ​ൽ ബ​ർ​ഷിം മി​ന്നു​ന്ന സേ​വു​ക​ളു​മാ​യി ക​ള​വും നി​റ​ഞ്ഞു. എ​ന്നാ​ൽ, ര​ണ്ടാം പ​കു​തി​യി​ൽ 75,80 മി​നി​റ്റു​ക​ളി​ലാ​യി യു​വ​താ​രം അ​ബ്ബാ​സ്ബെ​ക് ഫൈ​​സ​ലേ​വ് ഉ​സ്ബ​കി​സ്താ​നെ ഒ​പ്പ​മെ​ത്തി​ച്ചു.

ര​ണ്ട് ഗോ​ൾ ലീ​ഡ് നേ​ടി​യ​ശേ​ഷം സ​മ​നി​ല​യി​ലേ​ക്ക് നീ​ങ്ങി​യ ഖ​ത്ത​റി​ന്റെ ആ​രാ​ധ​ക​രെ നി​രാ​ശ​പ്പെ​ടു​ത്തു​ന്ന​താ​യി​രു​ന്നു ഈ ​നി​മി​ഷ​ങ്ങ​ൾ. ഒ​ടു​വി​ൽ നീ​ണ്ടു പോ​യ ഇ​ഞ്ചു​റി ടൈം ​ആ​രാ​ധ​ക​രു​ടെ മി​ന്നും വി​ജ​യ​മെ​ന്ന സ്വ​പ്നം കാ​ത്തു. ര​ണ്ടാം ജ​യ​ത്തോ​ടെ ഖ​ത്ത​റി​ന് ഏ​ഴ് പോ​യ​ന്റാ​യി.