തുർക്കിയിൽനിന്നുള്ളവർക്ക്​ ഖത്തറിലെത്താൻ: കോവിഡ് നെഗറ്റിവ് സർട്ടിഫിക്കറ്റ് നിർബന്ധം

ദോഹ: തുർക്കിയില അങ്കാറ, അൻതാലിയ, ബോദ്റം നഗരങ്ങളിൽനിന്ന്​ ഖത്തറിലേക്കുള്ള യാത്രക്കാർ നിർബന്ധമായും അംഗീകൃത പരിശോധനാ കേന്ദ്രങ്ങളിൽനിന്നുള്ള കോവിഡ്-19 നെഗറ്റിവ് സ്​ഥിരീകരിക്കുന്ന മെഡിക്കൽ സർട്ടിഫിക്കറ്റ് ചെക്ക് ഇൻ സമയത്ത് ഹാജരാക്കണമെന്ന് ഖത്തർ എയർവേസ്​ അറിയിച്ചു. ആഗസ്​റ്റ് 29 മുതലാണ് പുതിയ നിർദേശം പ്രാബല്യത്തിലാകുക. യാത്രയുടെ 48 മണിക്കൂറിനുള്ളിൽ ലഭിച്ച മെഡിക്കൽ സർട്ടിഫിക്കറ്റാണ് ഹാജരാക്കേണ്ടത്. തുർക്കിയിലെ ഇസ്​താംബൂളിൽനിന്നുള്ള യാത്രക്കാർ കോവിഡ്-19 നെഗറ്റിവ് സർട്ടിഫിക്കറ്റ് ഹാജരാക്കണമെന്ന് നേരത്തേതന്നെ അധികൃതർ നിർദേശം നൽകിയിരുന്നു.