കാമ്പയിൻ വിജയത്തിലേക്ക്: രണ്ട്​ മില്യൺ ഡോസ്​ പ്രതിരോധ കുത്തിവെപ്പ്​ നൽകി

ദോഹ: കോവിഡ്​ വാക്​സിനേഷൻ കാമ്പയിൻ വിജയത്തിലേക്ക്​. അതിവേഗം പ്രതിരോധ കുത്തിവെപ്പ്​ പുരോഗമിക്കുകയാണ്​. ഇന്നലെയോടെ രണ്ട്​ മില്യൺ പ്രതിരോധ കുത്തിവെപ്പ്​ ഡോസുകൾ നൽകിക്കഴിഞ്ഞു. ഇതോടെ, ഈ രംഗത്തെ​ നിർണായകമായ നാഴികക്കല്ലാണ്​ രാജ്യം പിന്നിട്ടിരിക്കുന്നത്​. കഴിഞ്ഞദിവസം വരെ 20,02,018 ഡോസാണ്​​ ആകെ നൽകിയിരിക്കുന്നത്​. കഴിഞ്ഞ അഞ്ചു ദിവസങ്ങളായി 30,000 ആണ്​ ദിനേന നൽകിക്കൊണ്ടിരിക്കുന്നത്​. മുൻഗണനാപട്ടികയിലുള്ള 51.5 ശതമാനം ആളുകൾക്കും ഇതിനകം ഒരു ഡോസ്​ എങ്കിലും നൽകിക്കഴിഞ്ഞു. 60 വയസ്സിനും അതിനുമുകളിലുമുള്ള 88.3 ശതമാനം പേരും ഒരു ഡോസ്​ എങ്കിലും സ്വീകരിച്ചുകഴിഞ്ഞതായും ആരോഗ്യമന്ത്രാലയം പറയുന്നു. ഇൗ പ്രായക്കാരിൽ രണ്ട്​ ഡോസ്​ പ്രതിരോധ കുത്തിവെപ്പ്​ എടുത്തവരാക​ട്ടെ 82.3 ശതമാനവുമാണ്​. ഇതിനുപുറമെ പുതിയ രോഗികൾ ദിവസവും കുറഞ്ഞുവരുകയാണ്​. ​വെള്ളിയാഴ്​ച ആകെ 244 രോഗികൾക്കാണ്​ പുതുതായി രോഗം സ്​ഥിരീകരിച്ചത്​. പ്രതിരോധ കുത്തിവെപ്പ്​ നടപടികൾ ഊർജിതമായതും രോഗികളുടെ എണ്ണം കുറയാൻ കാരണമായിട്ടുണ്ട്​.

കോവിഡ്​ വാക്​സിൻ സ്വീകരിക്കാനുള്ള മുൻഗണനാപട്ടികയിൽ കഴിഞ്ഞ ദിവസം 30 വയസ്സുള്ളവരെയും ആരോഗ്യമന്ത്രാലയം ഉൾപ്പെടുത്തിയിട്ടുണ്ട്​. ഇനിമുതൽ 30 വയസ്സും അതിന്​ മുകളിലുമുള്ളവർക്ക്​ പി.എച്ച്​.സി.സികളിൽനിന്ന്​ വാക്​സിൻ എടുക്കാനുള്ള അപ്പോയ്​ൻറ്​മെൻറുകൾ അയക്കും. ദീർഘകാലരോഗമുള്ളവർ, ആരോഗ്യപ്രവർത്തകർ, പ്രധാനമന്ത്രാലയങ്ങളുമായി ബന്ധ​െപ്പട്ടവർ, സ്​കൂൾ അധ്യാപകരും ജീവനക്കാരും എന്നിവരാണ്​ നിലവിൽ വാക്​സിൻ മുൻഗണനപ്പട്ടികയിലുള്ള മറ്റുള്ളവർ.ഇൗ ഗണത്തിലുള്ളവരെ പ്രാഥമികാരോഗ്യകേന്ദ്രങ്ങളിൽനിന്ന്​ നേരിട്ട്​ ബന്ധപ്പെടും. ഇതിനുശേഷമാണ്​ അവർ എ​പ്പോഴാണ്​ വാക്​സിൻ സ്വീകരിക്കാനായി ആശുപത്രിയിൽ എത്തേണ്ട​െതന്ന്​ അറിയിക്കുക. രാജ്യത്തെ പ്രവാസികളടക്കമുള്ള ഭൂരിഭാഗം പേരും 30 വയസ്സിന്​ മുകളിലുള്ളവരാണ്​. ഇവരും മുൻഗണനപ്പട്ടികയിൽ ഉൾ​െപ്പട്ടതോടെ ഭൂരിഭാഗം ആളുകൾക്കും പ്രതിരോധ കുത്തിവെപ്പ്​ സ്വീകരിക്കാനുള്ള സൗകര്യമാണ്​ കൈവന്നിരിക്കുന്നത്​.

ഖത്തറിൽനിന്ന്​ കോവിഡ്​ പ്രതിരോധ കുത്തിവെപ്പ്​ സ്വീകരിച്ചവർ ഒമ്പത്​ മാസത്തിനുള്ളിൽ തിരിച്ചെത്തിയാൽ ക്വാറൻറീൻ വേണ്ട എന്ന ഇളവും കഴിഞ്ഞദിവസം പ്രാബല്യത്തിൽ വന്നിട്ടുണ്ട്​. ഇന്ത്യയടക്കമുള്ള ആറ്​ രാജ്യങ്ങളിൽനിന്നുള്ള എല്ലാവർക്കും ഖത്തറിൽ പത്തുദിവസം ക്വാറൻറീൻ നിർബന്ധമായതിനാൽ ഇവർക്ക്​ പുതിയ ഇളവ്​ ലഭ്യമാകില്ല. ആഗോളതലത്തിൽ വാക്​സിനുകളുടെ ഫലപ്രാപ്​തിയുടെ കാലയളവുമായി ബന്ധപ്പെട്ട പഠനങ്ങളും നിലവിലെ സാഹചര്യങ്ങളും വിലയിരുത്തിയാണ്​ ഖത്തർ ആറുമാസമെന്ന കാലയളവ്​ ഒമ്പതു​ മാസമാക്കി ദീർഘിപ്പിച്ചിരിക്കുന്നത്​. മേയ്​ 28 മുതൽ കൂടുതൽ കോവിഡ്​ നിയന്ത്രണങ്ങൾകൂടി പിൻവലിക്കുകയാണ്​. നാലുഘട്ടങ്ങളിലായി നിയന്ത്രണങ്ങൾ പൂർണമായും പിൻവലിക്കുകയാണ്​ ചെയ്യുക. ഇതി​െൻറ ആദ്യഘട്ടം മേയ്​ 28 മുതലാണ്​ നിലവിൽ വരുക.

ഈ ഘട്ടത്തിൽ വാക്​സിൻ രണ്ടുഡോസും എടുത്തവർക്ക്​ കൂടുതൽ ഇളവുകൾ നൽകും. 28 മുതൽ അടച്ചിട്ട സ്​ഥലങ്ങളിൽ വാക്​സിൻ സ്വീകരിച്ച അഞ്ചുപേർക്ക്​ ഒത്തുകൂടാം. തുറന്ന സ്​ഥലങ്ങളിൽ 10 പേർക്കും. ഇതല്ലാത്ത പരമാവധി അഞ്ചുപേർക്ക് മാത്രമാണ്​ പുറത്ത്​ ഒത്തുകൂടാൻ അനുമതിയുണ്ടാകൂ.​ 50 ശതമാനം ശേഷിയിൽ തൊഴിൽ കേന്ദ്രങ്ങൾക്ക്​ പ്രവർത്തിക്കാം. ബിസിനസ്​ യോഗങ്ങൾ വാക്​സിൻ സ്വീകരിച്ച 15 പേരെ വെച്ച്​ ചേരാം. റെസ്​​റ്റാറൻറുകൾക്ക്​ 30 ശതമാനം ശേഷിയിൽ പ്രവർത്തിക്കാം. ക്ലീൻ ഖത്തർ സർട്ടിഫിക്കറ്റുള്ള റെസ്​റ്റാറൻറുകൾ ആകെ ശേഷിയുടെ 30 ശതമാനത്തിൽ അകത്തിരുത്തി ഭക്ഷണം നൽകാം. എന്നാൽ ഇത്​ പ്രതിരോധ കുത്തിവെപ്പ്​ എടുത്തവർക്ക്​ മാത്രമായിരിക്കും.

ജിം, സ്​പാ: ഹെൽത്ത്​, ഫിറ്റ്​നസ്​ ക്ലബുകൾ, സ്​പാ എന്നിവക്കും പ്രതിരോധ കുത്തിവെപ്പ്​ എടുത്ത ഉപഭോക്താക്കൾക്ക്​ മാത്രം പ്രവേശനം നൽകി പ്രവർത്തിക്കാം.