കതാറയിൽ പരമ്പരാഗത കരകൗശല പ്രദർശനം തുടങ്ങി

ദോഹ: മൂന്നാമത് പരമ്പരാഗത കരകൗശല പ്രദർശനത്തിന് കതാറ കൾച്ചറൽ വില്ലേജിൽ തുടക്കമായി. 10 ദിവസം നീളുന്ന പ്രദർശനത്തി‍െൻറ ഉദ്ഘാടനം കതാറ ജനറൽ മാനേജർ ഡോ. ഖാലിദ് ബിൻ ഇബ്റാഹിം അൽ സുലൈതി നിർവഹിച്ചു. ബിൽഡിങ്​ നമ്പർ 48ലാണ് പ്രദർശനം.

എല്ലാ ദിവസവും രാവിലെ ഒമ്പതുമുതൽ 12 വരെയും വൈകീട്ട് നാലുമുതൽ രാത്രി 10 വരെയുമാണ് പ്രദർശന സമയം. എന്നാൽ ഇത്യോപ്യ, സിറിയ, ഫലസ്​തീൻ, തുനീഷ്യ, മൊറോക്കോ, സുഡാൻ, ഇറാൻ എന്നിവിടങ്ങളിൽനിന്നുള്ള പരമ്പരാഗത കരകൗശല സൃഷ്​ടികളുടെ പ്രദർശന കൗണ്ടറുകൾ വൈകീട്ട് നാല്മുതൽ രാത്രി 10 വരെയായിരിക്കും പ്രവർത്തിക്കുക.

ഖത്തർ ഉൾപ്പെടെ എട്ടു രാജ്യങ്ങളാണ് പ്രധാനമായും പ്രദർശനത്തിൽ പങ്കെടുക്കുന്നത്. കരകൗശല മേഖലയിലെ വിദഗ്ധരുടെയും പരിചയസമ്പന്നരുടെയും വ്യത്യസ്​തവും വൈവിധ്യവുമാർന്ന കലാസൃഷ്​ടികളാണ് പ്രദർശനത്തിനെത്തിയിരിക്കുന്നത്.

കല േപ്രാത്സാഹിപ്പിക്കുകയെന്നത് കതാറയുടെ നയമാണെന്നും കലാ സാംസ്​കാരിക പ്രവർത്തനങ്ങളെ ഉയർത്തിക്കൊണ്ടുവരുന്നതിൽ കതാറക്ക് വലിയ പങ്കാണുള്ളതെന്നും ഉദ്ഘാടനത്തോടനുബന്ധിച്ച് ഡോ. സുലൈതി പറഞ്ഞു. ഇത്തരം മേഖലകളിൽ പ്രവർത്തിക്കുന്നവർക്കുള്ള അതിജീവന സാധ്യതകൾ കൂടിയാണ് കതാറ തുറന്നുവെച്ചിരിക്കുന്നതെന്നും അവരുടെ ഉന്നമനത്തിനായി കതാറ പ്രതിജ്ഞാബദ്ധമാണെന്നും അദ്ദേഹം വ്യക്തമാക്കി.

ഖത്തറിൽനിന്നുള്ള ഏറ്റവും മികച്ച കരകൗശല സൃഷ്​ടികളാണ് പ്രദർശിപ്പിക്കുന്നത്. കോവിഡ്–19 പശ്ചാത്തലത്തിൽ രോഗപ്രതിരോധ പ്രവർത്തനങ്ങളുടെ ഫലമായി വിവിധ അതോറിറ്റികൾ മുന്നോട്ടുവെച്ച മാനദണ്ഡങ്ങളും നിയന്ത്രണങ്ങളും അടിസ്​ഥാനമാക്കി എല്ലാ മുൻകരുതലുകളും സ്വീകരിച്ചിട്ടുണ്ടെന്നും കതാറ ജനറൽ മാനേജർ അറിയിച്ചു.