യു​നെ​സ്കോ​യു​ടെ പൈ​തൃ​ക​ത്തി​ന് മൈ​ലാ​ഞ്ചി​ച്ചോ​പ്പ്

ദോ​ഹ: പെ​ൺ​ക​ര​ങ്ങ​ൾ​ക്ക് മൈ​ലാ​ഞ്ചി​ച്ചോ​പ്പി​ന്റെ ച​ന്തം പ​ക​രു​ന്ന ന​മ്മു​ടെ മൈ​ലാ​ഞ്ചി മ​ര​ത്തി​ന് ഇ​നി ഐ​ക്യ​രാ​ഷ്ട്ര സ​ഭാ പൈ​തൃ​ക പ​ട്ടി​ക​യു​ടെ ത​ല​യെ​ടു​പ്പ്. അ​റ​ബ് നാ​ടു​ക​ളി​ലും വ​ട​ക്ക​ൻ ​ആ​ഫ്രി​ക്ക​ൻ രാ​ജ്യ​ങ്ങ​ളി​ലും നൂ​റ്റാ​ണ്ടു​ക​ൾ പ​ഴ​ക്ക​മു​ള്ള പൈ​തൃ​ക​ത്തി​ന്റെ ഭാ​ഗ​മാ​യ മൈ​ലാ​ഞ്ചി​യെ (ഹെ​ന്ന) ഖ​ത്ത​ർ ഉ​ൾ​പ്പെ​ടെ 16 രാ​ജ്യ​ങ്ങ​ളു​ടെ നി​ർ​ദേ​ശ​ത്തി​ന്റെ അ​ടി​സ്ഥാ​ന​ത്തി​ലാ​ണ് ​യു​നെ​സ്കോ​യു​ടെ സാം​സ്കാ​രി​ക പൈ​തൃ​ക പ​ട്ടി​ക​യി​ൽ ഉ​ൾ​പ്പെ​ടു​ത്തി​യ​ത്.

യു​നെ​സ്‌​കോ​യു​ടെ മാ​ന​വി​ക​ത​യു​ടെ അ​ദൃ​ശ്യ സാം​സ്‌​കാ​രി​ക പൈ​തൃ​കം എ​ന്ന വി​ഭാ​ഗ​ത്തി​ലാ​ണ് മൈ​ലാ​ഞ്ചി ഇ​ടം നേ​ടി​യ​ത്. പ​രാ​ഗ്വേ​യി​ലെ അ​സു​ൻ​സി​യോ​ണി​ൽ ന​ട​ന്ന യു​നെ​സ്കോ ഇ​ന്റ​ർ ഗ​വ​ൺ​മെ​ന്റ​ൽ ക​മ്മി​റ്റി​യു​ടെ 19ാമ​ത് സെ​ഷ​നി​ലാ​ണ് ഹെ​ന്ന​യെ പ​ട്ടി​ക​യി​ലു​ൾ​പ്പെ​ടു​ത്തി​ക്കൊ​ണ്ടു​ള്ള തീ​രു​മാ​ന​മെ​ടു​ത്ത​ത്. ഖ​ത്ത​റി​നു​പു​റ​മെ, ഒ​മാ​ൻ, സൗ​ദി അ​റേ​ബ്യ, യു.​എ.​ഇ, കു​വൈ​ത്ത്, ബ​ഹ്‌​റൈ​ൻ തു​ട​ങ്ങി​യ ഗ​ൾ​ഫ് രാ​ജ്യ​ങ്ങ​ളും യ​മ​ൻ, ജോ​ർ​ഡ​ൻ, ഇ​റാ​ഖ്, ഫ​ല​സ്തീ​ൻ, ഈ​ജി​പ്ത്, സു​ഡാ​ൻ, തു​നീ​ഷ്യ, അ​ൾ​ജീ​രി​യ, മൊ​റോ​ക്കോ, മോ​റി​ത്താ​നി​യ എ​ന്നീ രാ​ജ്യ​ങ്ങ​ളും ആ​വ​ശ്യ​വു​മാ​യി രം​ഗ​ത്തു​വ​ന്നി​രു​ന്നു.

കേ​ര​ളം ഉ​ൾ​പ്പെ​ടെ ഇ​ന്ത്യ​യി​ലും മൈ​ലാ​ഞ്ചി ഏ​റെ ജ​ന​പ്രീ​തി​യാ​ർ​ജി​ച്ച ​​അ​ല​ങ്കാ​ര​ങ്ങ​ളി​ൽ ഒ​ന്നാ​ണെ​ങ്കി​ലും ഇ​വ​യു​ടെ വേ​രു​ക​ൾ മി​ഡി​ൽ ഈ​സ്റ്റ് വ​ട​ക്ക​ൻ ആ​ഫ്രി​ക്ക​യി​ൽ നി​ന്നാ​ണ്.

മ​രു​ഭൂ​മി ഉ​ൾ​പ്പെ​ടെ ചൂ​ടു​ള്ള പ്ര​ദേ​ശ​ങ്ങ​ളി​ൽ സ​ജീ​വ​മാ​യി വ​ള​രു​ന്ന ഒ​രി​നം ചെ​ടി​യാ​ണ് മൈ​ലാ​ഞ്ചി​യെ​ന്ന് പ്ര​ഖ്യാ​പ​നം ന​ട​ത്തി​ക്കൊ​ണ്ടു​ള്ള കു​റി​പ്പി​ൽ ​യു​നെ​സ്കോ വ്യ​ക്ത​മാ​ക്കു​ന്നു. വി​വി​ധ വ​ട​ക്ക​ൻ ആ​ഫ്രി​ക്ക​ൻ, അ​റ​ബ് രാ​ജ്യ​ങ്ങ​ളി​ൽ വ​ർ​ധി​ച്ച തോ​തി​ൽ ത​ന്നെ കൃ​ഷി ചെ​യ്യു​ന്ന മൈ​ലാ​ഞ്ചി​യു​ടെ ഇ​ല​യും കാ​യും ഉ​ണ​ക്കി​യെ​ടു​ത്തും അ​ല്ലാ​തെ​യും അ​ര​ച്ചെ​ടു​ത്ത് അ​ല​ങ്കാ​ര​ത്തി​നാ​യി ത​യാ​റാ​ക്കു​ന്നു.

മൈ​ലാ​ഞ്ചി കൃ​ഷി​യു​ടെ​യും ​ഹെ​ന്ന ത​യാ​റാ​ക്കു​ന്ന​തി​ന്റെ​യും മ​നോ​ഹ​ര​മാ​യ ഡി​സൈ​നി​ങ്ങി​ന്റെ​യും രീ​തി​ക​ൾ പ​രി​ച​യ​പ്പെ​ടു​ത്തു​ന്ന വി​ഡി​യോ​യും ‘യു​നെ​സ്കോ’ വെ​ബ്സൈ​റ്റി​ൽ പ്ര​സി​ദ്ധീ​ക​രി​ച്ചി​ട്ടു​ണ്ട്.

അ​റ​ബ് നാ​ടു​ക​ളി​ലെ ആ​ഘോ​ഷ വേ​ദി​ക​ളി​ലെ പ്ര​ധാ​ന​പ്പെ​ട്ട പൈ​തൃ​ക കാ​ഴ്ച കൂ​ടി​യാ​ണ് ഹെ​ന്ന. വ​ലി​യ വ​ലി​യ ആ​ഘോ​ഷ പ​രി​പാ​ടി​ക​ളി​ലും സൂ​ഖു​ക​ളി​ലും പ​ർ​ദ​യും മു​ഖാ​വ​ര​ണ​മാ​യ ബ​തൂ​ല​യും അ​ണി​ഞ്ഞ് മൈ​ലാ​ഞ്ചി ട്യൂ​ബു​ക​ളി​ൽ സ​ന്ദ​ർ​ശ​ക​രു​ടെ ക​ര​ങ്ങ​ളി​ൽ ആ​ക​ർ​ഷ​ക​മാ​യ രൂ​പ​ങ്ങ​ൾ ഡി​സൈ​ൻ ചെ​യ്യു​ന്ന അ​റ​ബ് വ​നി​ത​ക​ൾ ഗ​ൾ​ഫ് നാ​ടു​ക​ളി​ൽ പ​തി​വ് കാ​ഴ്ച​യാ​ണ്.

വീ​ടു​ക​ളി​ലെ​ത്തു​ന്ന സ​ന്ദ​ർ​ശ​ക​രെ​യും മൈ​ലാ​ഞ്ചി അ​ണി​യി​ച്ച് വ​ര​വേ​ൽ​ക്കു​ന്ന​തും പൈ​തൃ​ക​ത്തി​ന്റെ ഭാ​ഗ​മാ​യി പി​ന്തു​ട​രു​ന്ന​വ​രു​ണ്ട്.

ദേ​ഹാ​ല​ങ്കാ​ര​ത്തി​നൊ​പ്പം ത്വ​ഗ്​ രോ​ഗ​ങ്ങ​ൾ​ക്കു​ള്ള പ്ര​തി​വി​ധി​യെ​ന്ന നി​ല​യി​ൽ ഔ​ഷ​ധ​ച്ചെ​ടി​യു​ടെ സ്ഥാ​ന​വും ഹെ​ന്ന​ക്കു​ണ്ട്. ന​മ്മു​ടെ മ​ല​യാ​ള നാ​ട്ടി​ൽ ന​ര​ക​യ​റു​ന്ന മു​ടി​ക​ൾ​ക്ക് ചു​വ​പ്പി​​ന്റെ ച​ന്ത​മാ​യും മൈ​ലാ​ഞ്ചി​ക്ക് സ്ഥാ​ന​മു​ണ്ട്. ദേ​ഹാ​ല​ങ്കാ​ര​ത്തി​നു​പു​റ​മെ അ​റ​ബ്, ആ​ഫ്രി​ക്ക​ൻ സാ​ഹി​ത്യ​ത്തി​ലും ക​വി​ത​ക​ളി​ലും മ​റ്റു​മു​ള്ള സ്ഥാ​ന​വും ‘യു​നെ​സ്കോ’ പു​റ​ത്തി​റ​ക്കി​യ ഡോ​ക്യു​മെ​ന്റ​റി​യി​ൽ വി​ശ​ദീ​ക​രി​ക്കു​ന്നു.