‘ഈ ​വം​ശ​ഹ​ത്യ അ​വ​സാ​നി​പ്പി​ക്ക​ണം’

ദോ​ഹ: ഗ​സ്സ​യി​ലെ ഇ​സ്രാ​യേ​ൽ വം​ശ​ക്കു​രു​തി​യെ ഐ​ക്യ​രാ​ഷ്ട്ര​സ​ഭ പൊ​തു​സ​ഭ​യി​ൽ രൂ​ക്ഷ​മാ​യി വി​മ​ർ​ശി​ച്ച് ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി. അ​ന്താ​രാ​ഷ്ട്ര സ​മ്മ​ർ​ദ​ങ്ങ​ളെ​യും ആ​വ​ശ്യ​ങ്ങ​ളെ​യു​മെ​ല്ലാം ത​ള്ളി​ക്കൊ​ണ്ട് ഒ​രു വ​ർ​ഷ​മാ​യി തു​ട​രു​ന്ന ഇ​സ്രാ​യേ​ലി​ന്റെ ആ​ക്ര​മ​ണ​ങ്ങ​ൾ കു​റ്റ​ക​ര​മാ​യ വം​ശ​ഹ​ത്യ​യാ​ണെ​ന്ന് അ​മീ​ർ തു​റ​ന്ന​ടി​ച്ചു.

20 മി​നി​റ്റി​ലേ​റെ നീ​ണ്ടു​നി​ന്ന പ്ര​സം​ഗ​ത്തി​ലു​ട​നീ​ളം ഗ​സ്സ​യി​ലും ഫ​ല​സ്തീ​നി​ലെ മ​റ്റു പ്ര​ദേ​ശ​ങ്ങ​ളും ല​ബ​നാ​ൻ ഉ​ൾ​പ്പെ​ടെ അ​യ​ൽ പ്ര​ദേ​ശ​ങ്ങ​ളി​ലും ഇ​സ്രാ​യേ​ൽ ന​ട​ത്തു​ന്ന ആ​ക്ര​മ​ണ​ങ്ങ​ൾ വി​ശ​ദീ​ക​രി​ച്ചു​കൊ​ണ്ടാ​യി​രു​ന്നു അ​മീ​ർ ലോ​ക ശ്ര​ദ്ധ ക്ഷ​ണി​ച്ച​ത്. ‘ഗ​സ്സ​യി​ൽ ഫ​ല​സ്തീ​ൻ ജ​ന​ത​ക്കു​നേ​രെ ന​ട​ക്കു​ന്ന ആ​ക്ര​മ​ണം ഏ​റ്റ​വും നി​ഷ്ഠൂ​ര​വും ഹീ​ന​വും മാ​നു​ഷി​ക മൂ​ല്യ​ങ്ങ​ളും അ​ന്താ​രാ​ഷ്ട്ര ചാ​ർ​ട്ട​റു​ക​ളും മാ​ന​ദ​ണ്ഡ​ങ്ങ​ളും ലം​ഘി​ക്കു​ന്ന​തു​മാ​ണ്.

യു​ദ്ധം എ​ന്ന​തി​ന​പ്പു​റം, എ​ല്ലാ അ​ത്യാ​ധു​നി​ക ആ​യു​ധ​ങ്ങ​ളും ഉ​പ​യോ​ഗ​പ്പെ​ടു​ത്തി ന​ട​ത്തു​ന്ന വം​ശീ​യ ഉ​ന്മൂ​ല​ന​മാ​ണ് അ​ര​ങ്ങേ​റു​ന്ന​ത്. നി​ര​പ​രാ​ധി​ക​ളാ​യ സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ ജ​ന​ങ്ങ​ളെ കൂ​ട്ട​ക്കൊ​ല ചെ​യ്യു​ക മാ​ത്ര​മ​ല്ല, ഭ​ക്ഷ​ണ​വും മ​രു​ന്നും വെ​ള്ള​വും വ​രെ അ​ധി​നി​വേ​ശ​സേ​ന ആ​ക്ര​മ​ണ ആ​യു​ധ​മാ​ക്കി മാ​റ്റു​ന്നു’ -അ​മീ​ർ ചൂ​ണ്ടി​ക്കാ​ണി​ച്ചു.

ക​ഴി​ഞ്ഞ വ​ർ​ഷം ഒ​ക്ടോ​ബ​റി​ൽ ആ​രം​ഭി​ച്ച യു​ദ്ധം ഒ​രു വ​ർ​ഷ​ത്തി​ലേ​ക്ക് നീ​ളു​മ്പോ​ൾ ഇ​സ്രാ​യേ​ലി​ന്റെ ആ​ക്ര​മ​ണം ത​ട​യു​ന്ന​തി​ൽ അ​ന്താ​രാ​ഷ്ട്ര സ​മൂ​ഹ​വും അ​ന്താ​രാ​ഷ്ട്ര ഏ​ജ​ൻ​സി​ക​ളും വീ​ണ്ടും പ​രാ​ജ​യ​പ്പെ​ട്ട​താ​യും അ​മീ​ർ വ്യ​ക്ത​മാ​ക്കി. സാ​ധ്യ​മാ​യ എ​ല്ലാ വ​ഴി​ക​ളും ഉ​പ​യോ​ഗ​പ്പെ​ടു​ത്തി യു​ദ്ധം അ​വ​സാ​നി​പ്പി​ക്കു​ക​യാ​ണ് ഏ​ക പ​രി​ഹാ​ര​മെ​ന്നും പ​റ​ഞ്ഞു. ‘ഫലസ്തീനിലെ അധിനിവേശം 21ാം നൂറ്റാണ്ടിൽ വർണവിവേചന വ്യവസ്ഥയായി രൂപമെടുത്തിട്ടുണ്ട്. ഇത് അവഗണിക്കാനാകുമോ?വെ​ടി​നി​ർ​ത്ത​ൽ സാ​ധ്യ​മാ​ക്കു​ന്ന​തി​ൽ സു​ര​ക്ഷാ കൗ​ൺ​സി​ൽ പ​രാ​ജ​യ​മാ​യി​രി​ക്കു​ന്നു.

സ്വ​യം പ്ര​തി​രോ​ധി​ക്കാ​നു​ള്ള ഇ​സ്രാ​യേ​ലി​ന്റെ അ​വ​കാ​ശം പ​റ​ഞ്ഞു​കൊ​ണ്ട് കു​റ്റ​കൃ​ത്യ​ങ്ങ​ളെ ഇ​നി​യും ന്യാ​യീ​ക​രി​ക്കാ​ൻ ശ്ര​മി​ക്ക​രു​ത്. സാ​ധ്യ​മാ​യ എ​ല്ലാ വ​ഴി​ക​ളി​ലൂ​ടെ​യും അ​ധി​നി​വേ​ശ സേ​ന​യു​ടെ വം​ശ​ഹ​ത്യാ ന​ട​പ​ടി തു​ട​രു​ക​യാ​ണ്.

എ​ല്ലാ വ​ർ​ഷ​ങ്ങ​ളി​ലും യു.​എ​ൻ വേ​ദി​യി​ൽ ഫ​ല​സ്തീ​നി​ലെ മ​നു​ഷ്യാ​വ​കാ​ശ, നീ​തി​നി​ഷേ​ധ​ത്തി​നെ​തി​രെ സം​സാ​രി​ക്കു​ന്നു. എ​ന്നാ​ൽ, എ​ക്കാ​ല​വും ഫ​ല​സ്തീ​നി​യ​ൻ പ്ര​ശ്നം ശ​ക്ത​മാ​യി​ത​ന്നെ തു​ട​രു​ന്ന സാ​ഹ​ച​ര്യ​മാ​ണു​ള്ള​ത്. ഏ​റ്റ​വും വ​ലി​യ മാ​നു​ഷി​ക ദു​ര​ന്ത​ത്തി​നാ​ണ് ഫ​ല​സ്തീ​നും ഗ​സ്സ​യും സാ​ക്ഷി​യാ​വു​ന്ന​ത് -അ​ദ്ദേ​ഹം പ​റ​ഞ്ഞു. ഈ​ജി​പ്ത്, അ​മേ​രി​ക്ക എ​ന്നീ പ​ങ്കാ​ളി​ക​ളു​മാ​യി ചേ​ർ​ന്ന് ഖ​ത്ത​ർ ന​ട​ത്തു​ന്ന മ​ധ്യ​സ്ഥ ദൗ​ത്യം തു​ട​രു​ക​യും വെ​ടി​നി​ർ​ത്ത​ൽ സാ​ധ്യ​മാ​ക്കാ​ൻ ശ്ര​മി​ക്കു​ക​യും ചെ​യ്യും.

സ്വ​ത​ന്ത്ര ഫ​ല​സ്തീ​ൻ രാ​ജ്യം യാ​ഥാ​ർ​ഥ്യ​മാ​ക്കു​ക മാ​ത്ര​മാ​ണ് പ്ര​ശ്ന​പ​രി​ഹാ​ര​ത്തി​ന് മാ​ർ​ഗ​മെ​ന്ന് ഖ​ത്ത​ർ വി​ശ്വ​സി​ക്കു​ന്നു. ഇ​സ്രാ​യേ​ൽ യു​ദ്ധം ല​ബ​നാ​നി​ലേ​ക്കും വ്യാ​പി​പ്പി​ച്ച​ത് ആ​ശ​ങ്ക​യു​ണ്ടാ​ക്കു​ന്ന​താ​ണ്. യു​ദ്ധം മ​റ്റി​ട​ങ്ങ​ളി​ലേ​ക്ക് വ്യാ​പി​പ്പി​ക്കു​ന്ന​ത് ത​ട​യാ​ൻ ലോ​ക​രാ​ജ്യ​ങ്ങ​ളു​ടെ ശ​ക്ത​മാ​യ ഇ​ട​പെ​ട​ൽ ആ​വ​ശ്യ​മാ​ണ് -അ​മീ​ർ വ്യ​ക്ത​മാ​ക്കി. യെ​മ​ൻ, സി​റി​യ, സു​ഡാ​ൻ, റ​ഷ്യ-​യു​ക്രെ​യ്ൻ സം​ഘ​ർ​ഷം ഉ​ൾ​പ്പെ​ടെ വി​ഷ​യ​ങ്ങ​ളി​ലേ​ക്കും അ​മീ​ർ ലോ​ക​ത്തി​ന്റെ ശ്ര​ദ്ധ ക്ഷ​ണി​ച്ചു.