ഡ്രൈവർമാരുടെ ശ്രദ്ധക്ക്​​ കുരുക്കൊഴിവാക്കാൻ ആപ്​​ ഉപയോഗിക്കൂ

ദോഹ: ലോകകപ്പ്​ മുന്നിൽ കണ്ടുള്ള ഖത്തറിലെ നിർമാണ പ്രവർത്തനങ്ങൾ അന്തിമ ഘട്ടത്തിലാണ്​. പൊതുമരാമത്ത്​ മന്ത്രാലയമായ അശ്​ഗാലിനു കീഴിലെ ​റോഡ്​ നിർമാണങ്ങളും ദ്രുതഗതിയിൽ മുന്നേറുന്നു. ഇന്ന്​ യാത്രചെയ്​ത റോഡ്​, നാളെ അടച്ച​ുപൂട്ടി അറ്റകുറ്റപ്പണികളോ നിർമാണങ്ങളോ ആയേക്കാം. ഈ സാഹചര്യത്തിൽ ഗതാഗതക്കുരുക്ക്​ ഒഴിവാക്കാൻ ഡ്രൈവർമാർ ​െമാബൈൽ ആപ്ലിക്കേഷനുകൾ ഉപയോഗിച്ച്​ തിരക്കൊഴിഞ്ഞ ബദൽ റൂട്ടുകൾ തിരഞ്ഞെടുക്കണമെന്ന ഓർമപ്പെടുത്തലുമായി ഗതാഗതവകുപ്പ്​. ഖത്തർ ടി.വിക്കു നൽകിയ അഭിമുഖത്തിൽ ട്രാഫിക്​ ബോധവത്​കരണ വിഭാഗം ഡയറക്​ടർ കേണൽ മുഹമ്മദ്​ റാദിൽ അൽ ഹാജിരിയാണ്​ ഇക്കാര്യം വ്യക്തമാക്കിയത്​. യാത്രക്കാർ ഏറ്റവും സുഖമമായ പാത കണ്ടെത്താൻ മൊബൈൽ ആപ്ലിക്കേഷൻ സഹായം ഉപയോഗപ്പെടുത്തുന്നത്​ പ്രോത്സാഹിപ്പിക്കാൻ ഗതാഗത വകുപ്പും അശ്​ഗാലും തമ്മിലെ സംയുക്തയോഗത്തിൽ തീരുമാനിച്ചതായി അദ്ദേഹം പറഞ്ഞു.

'തത്സമയ ട്രാഫിക്​ സംവിധാനം അറിയുന്ന നിരവധി മൊബൈൽ ആപ്ലിക്കേഷനുകൾ ലഭ്യമാണ്​. അടുത്തിടെ പുറത്തിറക്കിയ ഖത്തരി ആപ്ലിക്കേഷൻ ഉൾപ്പെടെയുള്ളവ സജീവമായുണ്ട്​. ഇവയെ ആശ്രയിച്ച്​ വാഹനമോടിക്കാനാണ്​ നിർദേശിക്കുന്നത്​. ഒരു പാതതന്നെ തിരഞ്ഞെടുക്കുന്നതിനു​ പകരം, ബദൽ റൂട്ടുകളെ ആശ്രയിച്ചാൽ ഗതാഗതക്കുരുക്ക്​ കാര്യമായി തന്നെ കുറയ്​ക്കാൻ കഴിയും. ചില ബദൽ പാതകൾ, ദൂരമ​ുണ്ടെങ്കിലും അതിവേഗ ലക്ഷ്യസ്​ഥാനത്തെത്താൻ വഴിയൊരുക്കും' -​അദ്ദേഹം പറഞ്ഞു. (ഗതാഗതക്കുരുക്ക്​ എവിടെയും പുതുമയുള്ള കാര്യമല്ല. നഗരത്തിരക്കി​െൻറയും വ്യാപര-വാണിജ്യപ്രവർത്തനങ്ങളുടെയും ഭാഗമാണ്​ ഗതാഗതക്കുരുക്കും. ഖത്തറിൽ മാത്രമല്ല, ലോകത്തെല്ലായിടത്തും ട്രാഫിക്​ കുരുക്ക്​ സ്വാഭാവികമാണ്​. അതേസമയം, അപകട​മോ മറ്റോ ഉണ്ടെങ്കിലേ ഉദ്യോഗസ്​ഥർക്ക്​ ഇടപെടേണ്ട ആവശ്യമുള്ളൂവെന്നും അദ്ദേഹം പറഞ്ഞു. അപകടമുണ്ടായാൽ, രണ്ടു വാഹനങ്ങളുടെ ഫോട്ടോ എടുത്ത് മെട്രാഷ് 2 ആപ്ലിക്കേഷനിൽ അപ്‌ലോഡ് ചെയ്യാൻ മടിക്കേണ്ടതില്ലെന്നും, ഇത്​ അന്വേഷണവും പ്രശ്ന പരിഹാരവും എളുപ്പമാക്കാൻ ഉപകരിക്കുമെന്നും അൽ ഹജ്‌രി പറഞ്ഞു.

രാജ്യത്ത് ഓക്ടോബര്‍ മൂന്ന് ഞായറാഴ്ച മുതല്‍ കോവിഡ് നിയന്ത്രണങ്ങളില്‍ കൂടുതല്‍ ഇളവുകള്‍ പ്രഖ്യാപിച്ചതിനു പിന്നാലെ റോഡുകളില്‍ തിരക്ക്​ കാര്യമായി വർധിച്ചിരിക്കുകയാണ്​. സ്​കൂളുകൾ പൂർണശേഷയിൽ തുറന്നതും, സർക്കാർ-സ്വകാര്യ ഓഫിസുകളിൽ മുഴുവൻ ജീവനക്കാരും എത്തിച്ചേരുകയും ജനങ്ങൾ കാര്യമായി ​പുറത്തിറങ്ങുകയും ചെയ്​തതോടെ രാവിലെയും വൈകുന്നേരവും ട്രാഫിക്​ രൂക്ഷമായി. പ്രധാന പാതകളിലെല്ലാം അനന്തമായി നീളുന്ന വാഹനനിരയാണിപ്പോൾ കാഴ്​ച.