ഖ​ത്ത​റി​ന് ഇ​ന്ന് ഉ​സ്ബ​ക് വെ​ല്ലു​വി​ളി

ദോ​ഹ: ലോ​ക​ക​പ്പ് യോ​ഗ്യ​ത സ്വ​പ്ന​വു​മാ​യി പോ​രാ​ടു​ന്ന ഖ​ത്ത​റി​ന് ഇ​ന്ന് സ്വ​ന്തം മു​റ്റ​ത്ത് അ​തി​നി​ർ​ണാ​യ​ക പോ​രാ​ട്ടം. മൂ​ന്നാം റൗ​ണ്ടി​ലെ ഗ്രൂ​പ് ‘എ’​യി​ൽ ആ​ദ്യ സ്ഥാ​ന​ത്തു​ള്ള ഉ​സ്ബ​കി​സ്താ​നെ​തി​രെ ജാ​സിം ബി​ൻ ഹ​മ​ദ് സ്റ്റേ​ഡി​യ​ത്തി​ൽ ബൂ​ട്ടു​കെ​ട്ടു​ന്ന ആ​തി​ഥേ​യ​ർ​ക്ക് വി​ജ​യം എ​ന്ന​ത് അ​നി​വാ​ര്യ ല​ക്ഷ്യ​മാ​ണ്.

രാ​ത്രി 7.15നാ​ണ് മ​ത്സ​രം. നാ​ല് ക​ളി പൂ​ർ​ത്തി​യാ​യ ഗ്രൂ​പ്പി​ൽ പ​ത്ത് പോ​യ​ന്റു​മാ​യി ഇ​റാ​നൊ​പ്പം മു​ൻ​നി​ര​യി​ലാ​ണ് ഉ​സ്ബ​കി​സ്താ​ന്റെ സ്ഥാ​ന​മെ​ങ്കി​ൽ, ഒ​രു ജ​യ​വും ഒ​രു സ​മ​നി​ല​യും ര​ണ്ട് തോ​ൽ​വി​യു​മു​ള്ള ഖ​ത്ത​ർ നാ​ല് പോ​യ​ന്റു​മാ​യി നാ​ലാം സ്ഥാ​ന​ത്താ​ണ്.

ലോ​ക​ക​പ്പ് യോ​ഗ്യ​ത​ക്കു​ള്ള അ​ങ്ക​ത്തി​ന് ചൂ​ട് പി​ടി​ക്ക​വേ ഇ​നി​യു​ള്ള ഓ​രോ ​ക​ളി​യും നി​ർ​ണാ​യ​ക​മെ​ന്ന ബോ​ധ്യ​ത്തി​ലാ​ണ് ഖ​ത്ത​ർ പ​രി​ശീ​ല​ക​ൻ മാ​ർ​ക്വേ​സ് ലോ​പ​സ് ടീ​മി​നെ ഒ​രു​ക്കു​ന്ന​ത്. സ്വ​ന്തം കാ​ണി​ക​ൾ​ക്ക് മു​ന്നി​ലെ മ​ത്സ​രം എ​ന്ന നി​ല​യി​ൽ അ​ന്നാ​ബി​ക​ൾ​ക്ക് ഒ​രു​പാ​ട് അ​നു​കൂ​ല ഘ​ട​ക​ങ്ങ​ൾ ഉ​ണ്ടെ​ങ്കി​ലും എ​തി​രാ​ളി​ക​ൾ ഗ്രൂ​പ്പി​ൽ ഏ​റ്റ​വും പ്ര​ബ​ല​രാ​ണ്.

യു.​എ.​ഇ​യോ​ട് വ​ഴ​ങ്ങി​യ തോ​ൽ​വി​ക്കു ശേ​ഷം, വ​ട​ക്ക​ൻ കൊ​റി​​യ​യെ സ​മ​നി​ല​യി​ൽ പി​ടി​ച്ചും, കി​ർ​ഗി​സ്താ​നെ 3-1ന് ​ത​ക​ർ​ത്തും തി​രി​ച്ചെ​ത്തി​യ ഖ​ത്ത​റി​ന്റെ ആ​ത്മ​വി​ശ്വാ​സ​മെ​ല്ലാം ത​ച്ചു​ട​ക്കു​ന്ന​താ​യി​രു​ന്നു ക​ഴി​ഞ്ഞ മാ​സം ദു​ബൈ​യി​ൽ ഇ​റാ​നെ​തി​രെ ന​ട​ന്ന നാ​ലാം മ​ത്സ​രം.

ആ​ദ്യം ഗോ​ള​ടി​ച്ച് ലീ​ഡ് നേ​ടി​യ ഖ​ത്ത​റി​നെ 4-1നാ​ണ് ഇ​റാ​ൻ വീ​ഴ്ത്തി​യ​ത്. ഈ ​തോ​ൽ​വി​യു​ടെ ആ​ഘാ​ത​ത്തി​ൽ​നി​ന്നും പ​തി​യെ ക​ര​ക​യ​റി​യാ​ണ് കോ​ച്ച് ലോ​പ​സും സം​ഘ​വും ഉ​സ്ബ​കി​നെ​തി​രെ സ്വ​ന്തം മ​ണ്ണി​ൽ ബൂ​ട്ടു​കെ​ട്ടു​ന്ന​ത്. ​ഏ​ഷ്യ​ൻ ഫു​ട്ബാ​ള​ർ പു​ര​സ്കാ​രം നേ​ടി​യെ​ത്തി​യ അ​ക്രം അ​ഫീ​ഫി​ന്റെ ഫോ​മും, അ​ൽ​മു​ഈ​സ് അ​ലി​യു​ടെ ഗോ​ൾ വേ​ട്ട​യും ഒ​പ്പം മു​ഹ​മ്മ​ദ് മു​ൻ​താ​രി ഉ​ൾ​പ്പെ​ടെ സീ​നി​യ​ർ താ​ര​ങ്ങ​ളു​ടെ തി​രി​ച്ചു​വ​ര​വു​മാ​യാ​ണ് ഖ​ത്ത​ർ യൂ​ത്ത് ഫു​ട്ബാ​ളി​ലെ ഏ​ഷ്യ​ൻ ചാ​മ്പ്യ​ന്മാ​ർ​ക്കെ​തി​രെ ഒ​രു​ങ്ങു​ന്ന​ത്.

പ്ര​തി​രോ​ധ​ത്തി​ലും മാ​ധ്യ​നി​ര​യി​ലും നി​റ​ഞ്ഞാ​ടാ​ൻ ബൗ​ലം കൗ​ഖി, ലൂ​കാ​സ് മെ​ൻ​ഡ​സ്, മു​സ്ത​ഫ മി​ഷാ​ൽ, എ​ഡ്മി​ൽ​സ​ൺ ജൂ​നി​യ​ർ എ​ന്നി​വ​രു​ണ്ടെ​ങ്കി​ലും ഉ​സ്ബ​കി​സ്താ​ൻ കൂ​ടു​ത​ൽ യു​വ​ത്വ​വും ക​രു​ത്തും നി​റ​ഞ്ഞ​താ​ണ്.

ഏ​ഷ്യ​ൻ ക​പ്പി​ൽ ഖ​ത്ത​റി​ന്റെ മ​ണ്ണി​ൽ നി​റ​ഞ്ഞാ​ടി​യ ഫൈ​സ​ലോ​വ്, സു​ഖ്റോ​വ്, മ​ഷാ​രി​പോ​വ് തു​ട​ങ്ങി​യ താ​ര​ങ്ങ​ൾ അ​ണി​നി​ര​ക്കു​ന്ന ടീ​മി​നെ 90 മി​നി​റ്റ് ക​ടി​ഞ്ഞാ​ണി​ട്ട് നി​ർ​ത്തു​ക​യാ​വും ഖ​ത്ത​ർ പ​രി​ശീ​ല​ക​നു​ള്ളി​ലെ സു​പ്ര​ധാ​ന വെ​ല്ലു​വി​ളി. നാ​യ​ക​ൻ കൂ​ടി​യാ​യ റോ​മ സ്ട്രൈ​ക​ർ എ​ൽ​ഡ​ർ ഷു​മ​റോ​ദോ​വ് സ്റ്റാ​ർ​ട്ടി​ങ് ഇ​ല​വ​നി​ൽ ത​ന്നെ ഇ​ടം നേ​ടും.