വളാഞ്ചേരി കൂട്ടായ്മ സംഗമം

ദോഹ: ലോകകപ്പ് ഫുട്ബാളിന് ഐക്യദാർഢ്യം പ്രഖ്യാപിച്ച് ഫെയ്‌സ് വളാഞ്ചേരി കൂട്ടായ്മ സംഘടിപ്പിച്ച 'വളാഞ്ചേരി സംഗമം' ആർ.ജെ പാർവതി ഉദ്ഘാടനം നിർവഹിച്ചു. സംവിധായകൻ അമീൻ അസ്‌ലം മുഖ്യാതിഥിയായി. വിവിധ കലാകായിക മത്സരങ്ങളിൽ പങ്കെടുത്തു വിജയിച്ചവർക്കുള്ള സമ്മാനദാനവും നടന്നു.

ഫെയ്‌സ് വളാഞ്ചേരി കൂട്ടായ്മ ജനറൽ സെക്രട്ടറി അജ്നാസ് ആലുങ്ങൽ സ്വാഗതവും പ്രസിഡന്റ് സൈഫ് വളാഞ്ചേരി അധ്യക്ഷതയും വഹിച്ചു. ഷാജി ഹുസ്സൈൻ, മദനി, നിസാർ, ഷബീർ എന്നിവർ സംസാരിച്ചു. ട്രഷറർ ഷംനാദ് എടയൂർ നന്ദി പറഞ്ഞു.