വ്യ​ത്യ​സ്​​ത താ​മ​സ​സൗ​ക​ര്യ​ങ്ങ​ൾ; പ്ര​ശം​സ​യോ​ടെ രാ​ജ്യാ​ന്ത​ര മാ​ധ്യ​മ​ങ്ങ​ൾ

ദോ​ഹ: ലോ​ക​ക​പ്പി​നെ​ത്തു​ന്ന ആ​രാ​ധ​ക​ർ​ക്കാ​യു​ള്ള ഖ​ത്ത​റി​ന്‍റെ ത​യാ​റെ​ടു​പ്പി​നെ പ്ര​ശം​സി​ച്ച്​ രാ​ജ്യാ​ന്ത​ര മാ​ധ്യ​മ​മാ​യ സി.​എ​ൻ.​എ​ൻ റി​പ്പോ​ർ​ട്ട്. വൈ​വി​ധ്യ​മാ​ർ​ന്ന നി​ര​വ​ധി താ​മ​സ​സൗ​ക​ര്യ​ങ്ങ​ളാ​ണ് ഖ​ത്ത​ർ ആ​രാ​ധ​ക​ർ​ക്കാ​യി ഒ​രു​ക്കു​ന്ന​തെ​ന്ന് റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടി. ലോ​ക​ക​പ്പ് വേ​ള​യി​ൽ ദ​ശ​ല​ക്ഷ​ത്തി​ല​ധി​കം പേ​ർ ഖ​ത്ത​റി​ലേ​ക്ക് സ​ഞ്ച​രി​ക്കു​മെ​ന്നും വ്യ​ക്ത​മാ​ക്കി.

ലോ​ക​ത്ത് ന​ട​ക്കു​ന്ന വ​മ്പ​ൻ പ​രി​പാ​ടി​ക​ളെ​ല്ലാം നേ​രി​ടു​ന്ന പ്ര​ധാ​ന പ്ര​ശ്നം സ​ന്ദ​ർ​ശ​ക​രു​ടെ​യും ആ​രാ​ധ​ക​രു​ടെ​യും താ​മ​സ​പ്ര​ശ്ന​മാ​ണ്. അ​തേ​സ​മ​യം, ഖ​ത്ത​ർ ആ​രാ​ധ​ക​ർ​ക്കാ​യി ഒ​രു​ക്കു​ന്ന​ത് വ്യ​ത്യ​സ്​​ത​വും വൈ​വി​ധ്യ​വു​മാ​ർ​ന്ന താ​മ​സ​സൗ​ക​ര്യ​ങ്ങ​ളാ​ണെ​ന്നും അ​തി​ൽ ആ​ധു​നി​ക സൗ​ക​ര്യ​ങ്ങ​ളോ​ടു​കൂ​ടി​യ ര​ണ്ട് ആ​ഡം​ബ​ര ക്രൂ​സ്​ ക​പ്പ​ലു​ക​ൾ വ​രെ​യു​ണ്ടെ​ന്നും റി​പ്പോ​ർ​ട്ടി​ൽ പ​റ​യു​ന്നു. ഒ​മ്പ​ത് പൂ​ളു​ക​ൾ, 3898 കാ​ബി​നു​ക​ൾ, 10 ഡൈ​നി​ങ് ഓ​പ്ഷ​നു​ക​ൾ, സ്​​പാ, ടെ​ന്നി​സ്​ കോ​ർ​ട്ട് തു​ട​ങ്ങി​യ സൗ​ക​ര്യ​ങ്ങ​ൾ ഇ​വ​യി​ലു​ണ്ട്.

ദോ​ഹ ന​ഗ​ര​മ​ധ്യ​ത്തി​ലേ​ക്ക് ക​പ്പ​ലു​ക​ളി​ൽ​നി​ന്ന് 10 മി​നി​റ്റ്​ ദൂ​രം മാ​ത്ര​മാ​ണു​ള്ള​ത്. ഒ​രു രാ​ത്രി​ക്ക് റൂ​മി​ന് 605 ഡോ​ള​ർ മു​ത​ൽ 2779 ഡോ​ള​ർ വ​രെ​യാ​ണ് നി​ര​ക്ക്. 28 ദി​വ​സം നീ​ണ്ടു​നി​ൽ​ക്കു​ന്ന ടൂ​ർ​ണ​മെൻറി​നാ​യി ഒ​രു ല​ക്ഷം മു​ത​ൽ 1,30,000 റൂ​മു​ക​ൾ വ​രെ​യാ​ണ് ഖ​ത്ത​ർ ത​യാ​റാ​ക്കു​ന്ന​തെ​ന്നും സി.​എ​ൻ.​എ​ൻ റി​പ്പോ​ർ​ട്ട് ചെ​യ്യു​ന്നു.

ഒ​ന്ന് മു​ത​ൽ ആ​റ് ബെ​ഡ്റൂ​മു​ക​ൾ വ​രെ​യു​ള്ള അ​പ്പാ​ർ​ട്ട്മെൻറു​ക​ളും വി​ല്ല​ക​ളും അ​ധി​കൃ​ത​ർ ഓ​ഫ​ർ ചെ​യ്യു​ന്നു​ണ്ട്. 84 ഡോ​ള​ർ മു​ത​ൽ 875 ഡോ​ള​ർ വ​രെ​യാ​ണ് ഇ​വി​ടെ ഒ​രു രാ​ത്രി താ​മ​സി​ക്കു​ന്ന​തി​നു​ള്ള ചെ​ല​വ്. പൊ​തു ഗ​താ​ഗ​ത സം​വി​ധാ​ന​ങ്ങ​ളു​മാ​യി ഏ​റ്റ​വും അ​ടു​ത്താ​ണ് ഇ​വ സ്​​ഥാ​പി​ച്ചി​രി​ക്കു​ന്ന​തെ​ന്നും റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടി. ഖ​ത്ത​റി​ലെ താ​മ​സ​ക്കാ​ർ​ക്കും ത​ങ്ങ​ളു​ടെ വീ​ടു​ക​ൾ ഖ​ത്ത​റി​ലെ​ത്തു​ന്ന ആ​രാ​ധ​ക​ർ​ക്കാ​യി വാ​ട​ക​ക്ക് ന​ൽ​കാ​നു​ള്ള സൗ​ക​ര്യ​വും അ​ധി​കൃ​ത​ർ ഒ​രു​ക്കി​യി​ട്ടു​ണ്ട്. ഖ​ത്ത​ർ ടൂ​റി​സ​ത്തി​ൽ​നി​ന്നു​ള്ള അ​നു​മ​തി​യോ​ടെ മാ​ത്ര​മേ ഇ​ത് സാ​ധ്യ​മാ​കൂ.

ഫാ​ൻ വി​ല്ലേ​ജു​ക​ളി​ലെ കാ​ബി​ൻ രീ​തി​യു​ള്ള താ​മ​സ​ത്തി​ന് ഒ​രു ദി​വ​സ​ത്തി​ന് 207 ഡോ​ള​റാ​ണ് ചെ​ല​വ്. ദോ​ഹ​ക്ക് പു​റ​ത്താ​ണ് ഇ​വ നി​ർ​മി​ക്കു​ന്ന​ത്. അ​തോ​ടൊ​പ്പം പൗ​രാ​ണി​ക ബ​ദൂ​യി​ൻ ത​മ്പു​ക​ൾ​ക്ക് സ​മാ​ന​മാ​യ മ​രു​ഭൂ​മി​യി​ലെ ക്യാ​മ്പി​ങ്ങും സ​ന്ദ​ർ​ശ​ക​ർ​ക്ക് ഉ​പ​യോ​ഗ​പ്പെ​ടു​ത്താം. എ​ന്നാ​ൽ, ഇ​വ നി​ല​വി​ൽ ബു​ക്കി​ങ്ങി​നാ​യി ല​ഭ്യ​മ​ല്ല. 1000 ബ​ദൂ​യി​ൻ ത​മ്പു​ക​ൾ ടൂ​ർ​ണ​മെൻറി​നാ​യി സ​ജ്ജ​മാ​ക്കു​മെ​ന്ന് സു​പ്രീം ക​മ്മി​റ്റി അ​ക്ക​മ​ഡേ​ഷ​ൻ മേ​ധാ​വി ഒ​മ​ർ അ​ൽ ജാ​ബി​ർ നേ​ര​ത്തെ സ്​​ഥി​രീ​ക​രി​ച്ചി​ട്ടു​ണ്ട്. ഇ​തി​ൽ 200 ത​മ്പു​ക​ൾ ആ​ഡം​ബ​ര വി​ഭാ​ഗ​ത്തി​ലാ​യി​രി​ക്കും ഉ​ൾ​പ്പെ​ടു​ത്തു​ക.

ഖ​ത്ത​റി​ലെ​ത്തു​ന്ന​വ​ർ​ക്കാ​യി ന്യാ​യ​വി​ല​യി​ൽ മി​ക​ച്ച താ​മ​സ​സൗ​ക​ര്യം ഉ​റ​പ്പാ​ക്കു​ക​യാ​ണ് ല​ക്ഷ്യ​മെ​ന്ന് സു​പ്രീം ക​മ്മി​റ്റി വ​ക്താ​വ് നേ​ര​ത്തെ വ്യ​ക്ത​മാ​ക്കി​യി​രു​ന്നു. പ്ര​ധാ​ന പ​ങ്കാ​ളി​ക​ളു​മാ​യി സ​ഹ​ക​രി​ച്ച് മി​ക​ച്ച​വി​ല​യി​ൽ താ​മ​സ​സൗ​ക​ര്യ​ങ്ങ​ൾ ല​ഭ്യ​മാ​ക്കു​ന്ന​തി​നു​ള്ള ശ്ര​മ​ങ്ങ​ൾ തു​ട​രു​ക​യാ​ണെ​ന്നും അ​ദ്ദേ​ഹ​ത്തെ ഉ​ദ്ധ​രി​ച്ച് സി.​എ​ൻ.​എ​ൻ റി​പ്പോ​ർ​ട്ട് ചെ​യ്യു​ന്നു.