സൗ​ഹൃ​ദം ശ​ക്ത​മാ​ക്കി കു​വൈ​ത്ത് അ​മീ​റി​ന്റെ സ​ന്ദ​ർ​ശ​നം

ദോ​ഹ: ഗ​ൾ​ഫ് മേ​ഖ​ല​യി​ൽ അ​ടു​ത്ത സൗ​ഹൃ​ദം നി​ല​നി​ർ​ത്തു​ന്ന രാ​ഷ്ട്ര​ങ്ങ​ൾ​ക്കി​ട​യി​ലെ ബ​ന്ധം കൂ​ടു​ത​ൽ ഊ​ഷ്മ​ള​മാ​ക്കി കു​വൈ​ത്ത് അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ ഖ​ത്ത​ർ സ​ന്ദ​ർ​ശ​നം. ​ക​ഴി​ഞ്ഞ ഡി​സം​ബ​റി​ൽ സ്ഥാ​ന​മേ​റ്റ​ശേ​ഷം ആ​ദ്യ ഖ​ത്ത​ർ സ​ന്ദ​ർ​ശ​ന​ത്തി​നെ​ത്തി​യ കു​വൈ​ത്ത് അ​മീ​റി​​​നെ ഹ​മ​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ അ​മീ​രി ടെ​ർ​മി​ന​ലി​ൽ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി നേ​രി​ട്ടെ​ത്തി​യാ​ണ് സ്വീ​ക​രി​ച്ച​ത്. ഇ​രു​രാ​ഷ്ട്ര​ങ്ങ​ളും ത​മ്മി​ൽ പ​തി​റ്റാ​ണ്ടു​ക​ളാ​യി നി​ല​നി​ൽ​ക്കു​ന്ന ഹൃ​ദ്യ​മാ​യ സൗ​ഹൃ​ദ​ത്തി​ന്റെ അ​ട​യാ​ളം കൂ​ടി​യാ​യി കു​വൈ​ത്ത് അ​മീ​റി​നു​ള്ള ഖ​ത്ത​റി​ന്റെ ഔ​ദ്യോ​ഗി​ക സ്വീ​ക​ര​ണം.

തു​ട​ർ​ന്ന് അ​മീ​രി ദി​വാ​നി​ൽ കു​തി​ര​പ്പ​ട​യാ​ളി​ക​ളും ഒ​ട്ട​ക​നി​ര​യും ഖ​ത്ത​രി അ​ർ​ദ നൃ​ത്ത​ത്തി​ന്റെ​യും അ​ക​മ്പ​ടി​യോ​ടെ കു​വൈ​ത്ത് അ​മീ​റി​ന് ആ​ചാ​ര​പ​ര​മാ​യ വ​ര​വേ​ൽ​പ് ന​ൽ​കി. കു​വൈ​ത്തി​ന്റെ​യും ഖ​ത്ത​റി​ന്റെ​യും ദേ​ശീ​യ​ഗാ​ന​ങ്ങ​ളും ആ​ല​പി​ച്ചു. ഖ​ത്ത​ർ അ​മീ​റു​മാ​യു​ള്ള കൂ​ടി​ക്കാ​ഴ്ച​യി​ൽ ഇ​രു​രാ​ജ്യ​ങ്ങ​ളും ത​മ്മി​ലെ പ​ര​മ്പ​രാ​ഗ​ത സൗ​ഹൃ​ദ​ബ​ന്ധം, ഉ​ഭ​യ​ക​ക്ഷി ബ​ന്ധം വി​ക​സി​പ്പി​ക്ക​ൽ, മേ​ഖ​ല​യി​ലെ​യും അ​ന്താ​രാ​ഷ്ട്ര​ത​ല​ത്തി​ലെ​യും വി​വി​ധ വി​ഷ​യ​ങ്ങ​ൾ, ഇ​ട​പെ​ട​ലു​ക​ൾ എ​ന്നി​വ ച​ർ​ച്ച ചെ​യ്തു. പ്രാ​ദേ​ശി​ക സു​ര​ക്ഷ​യും സ്ഥി​ര​ത​യും വ​ർ​ധി​പ്പി​ക്കു​ന്ന​തി​ന് സം​യു​ക്ത ന​ട​പ​ടി പ്രോ​ത്സാ​ഹി​പ്പി​ക്കു​ന്ന​തി​നു​ള്ള സാ​ധ്യ​ത​ക​ളെ​യും പ്രാ​ദേ​ശി​ക, അ​ന്ത​ർ​ദേ​ശീ​യ വി​ഷ​യ​ങ്ങ​ളെ​യും കു​റി​ച്ച് ഇ​രു​പ​ക്ഷ​വും ച​ർ​ച്ച ന​ട​ത്തി.

ഡെ​പ്യൂ​ട്ടി അ​മീ​ർ ശൈ​ഖ് അ​ബ്ദു​ല്ല ബി​ൻ ഹ​മ​ദ് ആ​ൽ​ഥാ​നി, അ​മീ​റി​ന്റെ വ്യ​ക്തി​ഗ​ത പ്ര​തി​നി​ധി ശൈ​ഖ് ജാ​സിം ബി​ൻ ഹ​മ​ദ് ആ​ൽ​ഥാ​നി, പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ​റ​ഹ്മാ​ൻ ആ​ൽ​ഥാ​നി, ആ​ഭ്യ​ന്ത​ര മ​ന്ത്രി​യും ല​ഖ്‍വി​യ ക​മാ​ൻ​ഡ​റു​മാ​യ ശൈ​ഖ് ഖ​ലീ​ഫ ബി​ൻ ഹ​മ​ദ് ആ​ൽ​ഥാ​നി, അ​മീ​രി ദി​വാ​ൻ ചീ​ഫ് ശൈ​ഖ് സൗ​ദ് ബി​ൻ അ​ബ്ദു​ൽ റ​ഹ്മാ​ൻ ആ​ൽ​ഥാ​നി എ​ന്നി​വ​രും സ്വീ​ക​ര​ണ​ത്തി​ലും കൂ​ടി​ക്കാ​ഴ്ച​യി​ലും പ​​ങ്കെ​ടു​ത്തു. പി​താ​വ് അ​മീ​ർ ശൈ​ഖ് ഹ​മ​ദ് ബി​ൻ ഖ​ലീ​ഫ ആ​ൽ​ഥാ​നി​യെ​യും കു​വൈ​ത്ത് അ​മീ​ർ സ​ന്ദ​ർ​ശി​ച്ചു. അ​ൽ വ​ജ്ബ പാ​ല​സി​ലാ​യി​രു​ന്നു കൂ​ടി​ക്കാ​ഴ്ച.

ശൈ​ഖ് അ​ലി ജ​റ​ഹ് സ​ബാ​ഹ് അ​ൽ മു​ഹ​മ്മ​ദ് അ​സ്സ​ബാ​ഹ്, ശൈ​ഖ് അ​ബ്ദു​ല്ല ഫ​ഹ​ദ് അ​ൽ മാ​ലി​ക് അ​ൽ സ​ൽ​മാ​ൻ അ​സ്സ​ബാ​ഹ്, കു​വൈ​ത്ത് നാ​ഷ​ന​ൽ ഗാ​ർ​ഡ് (കെ.​എ​ൻ.​ജി) ഡെ​പ്യൂ​ട്ടി ചീ​ഫ് ശൈ​ഖ് ഫൈ​സ​ൽ ന​വാ​ഫ് അ​ൽ അ​ഹ​മ്മ​ദ് അ​സ്സ​ബാ​ഹ്, ശൈ​ഖ് സ​ലാ​ഹ് നാ​സ​ർ അ​ൽ അ​ലി അ​ൽ മു​ഹ​മ്മ​ദ് അ​സ്സ​ബാ​ഹ്, ശൈ​ഖ് ഫ​ഹ​ദ് സേ​ലം സ​ബാ​ഹ് അ​ൽ നാ​സ​ർ അ​സ്സ​ബാ​ഹ്, ശൈ​ഖ് ഡോ. ​ത​ലാ​ൽ ഫ​ഹ​ദ് അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്, ശൈ​ഖ് അ​ബ്ദു​ല്ല സാ​ലിം സ​ബാ​ഹ് അ​സ്സ​ബാ​ഹ്, ശൈ​ഖ് മു​ബാ​റ​ക് അ​ബ്ദു​ല്ല അ​ൽ മു​ബാ​റ​ക് അ​സ്സ​ബാ​ഹ്, അ​മീ​രി ദി​വാ​നി​ലെ മു​തി​ർ​ന്ന ഉ​ദ്യോ​ഗ​സ​ഥ​ർ എ​ന്നി​വ​ർ കു​വൈ​ത്ത് അ​മീ​റി​നെ അ​നു​ഗ​മി​ക്കു​ന്നു​ണ്ട്.