മാ​ലി​ന്യ നി​ർ​മാ​ർ​ജ​നം ഉ​റ​വി​ട​ത്തി​ൽ നി​ന്ന്; നേ​ട്ട​വു​മാ​യി ദോ​ഹ

ദോ​ഹ: മാ​ലി​ന്യ​ങ്ങ​ൾ ഉ​റ​വി​ട​ങ്ങ​ളി​ൽ​നി​ന്നു ത​ന്നെ വേ​ർ​തി​രി​ച്ച്, സം​സ്ക​ര​ണം എ​ളു​പ്പ​മാ​ക്കു​ക എ​ന്ന പ​ദ്ധ​തി​യു​ടെ ഭാ​ഗ​മാ​യി ദോ​ഹ​യി​ലെ 80 ശ​ത​മാ​നം വീ​ടു​ക​ളി​ലും ക​ണ്ടെ​യ്‌​ന​റു​ക​ളു​ടെ വി​ത​ര​ണം പൂ​ർ​ത്തി​യാ​ക്കി മു​നി​സി​പ്പാ​ലി​റ്റി മ​ന്ത്രാ​ല​യം. പ​ദ്ധ​തി​യു​ടെ ര​ണ്ടാം ഘ​ട്ട​ത്തി​ൽ ര​ണ്ട് ക​ണ്ടെ​യ്ന​റു​ക​ളാ​ണ് മ​ന്ത്രാ​ല​യം സ്ഥാ​പി​ക്കു​ന്ന​ത്.

ജൈ​വ മാ​ലി​ന്യ​ങ്ങ​ൾ നി​ക്ഷേ​പി​ക്കു​ന്ന ചാ​ര​നി​റ​ത്തി​ലെ ക​ണ്ടെ​യ്ന​റു​ക​ൾ​ക്കൊ​പ്പം, പ്ലാ​സ്റ്റി​ക്, പേ​പ്പ​ർ, ഗ്ലാ​സ് എ​ന്നീ പു​ന​രു​പ​യോ​ഗി​ക്കാ​വു​ന്ന മാ​ലി​ന്യ​ങ്ങ​ൾ നി​ക്ഷേ​പി​ക്കാ​ൻ നീ​ല നി​റ​ത്തി​ലു​ള്ള ക​ണ്ടെ​യ്‌​ന​റു​ക​ളും പൊ​തു​ശു​ചീ​ക​ര​ണ വി​ഭാ​ഗം സ്ഥാ​പി​ക്കു​ക​യാ​ണെ​ന്ന് മ​ന്ത്രാ​ല​യ​ത്തി​ലെ വേ​സ്റ്റ് റീ​സൈ​ക്ലി​ങ് ആ​ൻ​ഡ് ട്രീ​റ്റ്‌​മെ​ന്റ് വി​ഭാ​ഗം മേ​ധാ​വി എ​ൻ​ജി.

ഹ​മ​ദ് ജാ​സിം അ​ൽ ബ​ഹ​ർ പ​റ​ഞ്ഞു. പ്ര​ദേ​ശി​ക പ​ത്ര​മാ​യ ‘ദി ​പെ​നി​ൻ​സു​ല’​യാ​ണ് എ​ൻ​ജി. ഹ​മ​ദ് ജാ​സിം അ​ൽ ബ​ഹ​റി​നെ ഉ​ദ്ധ​രി​ച്ച് റി​പ്പോ​ർ​ട്ട് ചെ​യ്ത​ത്. ദോ​ഹ​യി​ലെ 80 ശ​ത​മാ​നം പ്ര​ദേ​ശ​ങ്ങ​ളി​ലും ഗാ​ർ​ഹി​ക മാ​ലി​ന്യ​ങ്ങ​ൾ ഉ​റ​വി​ട​ത്തി​ൽ​നി​ന്ന് വേ​ർ​തി​രി​ച്ച് ശേ​ഖ​രി​ക്കു​ന്ന​തി​നാ​യി ര​ണ്ട് ക​ണ്ടെ​യ്‌​ന​റു​ക​ളും ല​ഭ്യ​മാ​ക്കി​യ​താ​യി അ​ൽ ബ​ഹ​ർ കൂ​ട്ടി​ച്ചേ​ർ​ത്തു.

നീ​ല നി​റ​ത്തി​ലു​ള്ള ക​ണ്ടെ​യ്‌​ന​റു​ക​ളി​ലാ​ണ് റീ​സൈ​ക്കി​ൾ ചെ​യ്യാ​ൻ സാ​ധി​ക്കു​ന്ന മാ​ലി​ന്യ​ങ്ങ​ൾ ശേ​ഖ​രി​ക്കു​ക. ഇ​ത് അ​ൽ അ​ഫ്ജ, മി​സ​ഈ​ദ് എ​ന്നി​വി​ട​ങ്ങ​ളി​ൽ പ്ര​വ​ർ​ത്തി​ക്കു​ന്ന റീ​സൈ​ക്ലി​ങ് പ്ലാ​ന്റു​ക​ളി​ലെ​ത്തി​ക്കും. 2023ലെ ​ക​ണ​ക്കു​ക​ൾ പ്ര​കാ​രം ഇ​ൻ​ഡ​സ്ട്രി​യ​ൽ ഏ​രി​യ​യി​ൽ 11 ഫാ​ക്ട​റി​ക​ൾ മാ​ലി​ന്യ നി​ർ​മാ​ർ​ജ​ന​ത്തി​നാ​യി പ്ര​വ​ർ​ത്തി​ക്കു​ന്നു​ണ്ട്.

ഏ​ഴെ​ണ്ണം ഏ​താ​ണ്ട് പ്ര​വ​ർ​ത്ത​ന സ​ജ്ജ​മാ​വു​ക​യും, 12 എ​ണ്ണം നി​ർ​മാ​ണ​ഘ​ട്ട​ത്തി​ലു​മാ​ണ്. പു​ന​രു​പ​യോ​ഗം പ്രോ​ത്സാ​ഹി​പ്പി​ക്കു​ക എ​ന്ന ല​ക്ഷ്യ​വു​മാ​യി റീ​സൈ​ക്ലി​ങ് ടു​വേ​ർ​ഡ്‌​സ് സ​സ്റ്റൈ​ന​ബി​ലി​റ്റി കോ​ൺ​ഫ​റ​ൻ​സി​ന്റെ അ​ഞ്ചാ​മ​ത് എ​ഡി​ഷ​ൻ ഈ ​വ​ർ​ഷം ന​ട​ക്കു​മെ​ന്നും അ​ൽ ബ​ഹ​ർ വി​ശ​ദീ​ക​രി​ച്ചു.

പ്ലാ​സ്റ്റി​ക്, പേ​പ്പ​ർ, മ​രം, എ​ണ്ണ, മെ​ഡി​ക്ക​ൽ അ​വ​ശി​ഷ്ട​ങ്ങ​ൾ, ജൈ​വ മാ​ലി​ന്യ​ങ്ങ​ൾ എ​ന്നി​വ​ക്കാ​യി അ​ൽ അ​ഫ്ജ​യി​ൽ റീ​സൈ​ക്ലി​ങ് ഫാ​ക്ട​റി​ക​ൾ നി​ർ​മി​ക്കു​ന്ന​തി​ന് അ​മ്പ​ത് പ്ലോ​ട്ടു​ക​ൾ അ​നു​വ​ദി​ച്ചി​ട്ടു​ണ്ട്. മാ​ലി​ന്യം സം​സ്‌​ക​രി​ക്കാ​നും അ​വ​യു​ടെ അ​ള​വ് കു​റ​ക്കാ​നും റീ​സൈ​ക്ലി​ങ് ഫാ​ക്ട​റി​ക​ൾ രാ​ജ്യ​ത്ത് അ​ത്യാ​വ​ശ്യ​മാ​ണ്.

ഉം ​ല​ഖ്ബ, മ​ദീ​ന ഖ​ലീ​ഫ നോ​ർ​ത്ത്, അ​ൽ മ​ർ​ഖി​യ, നു​ഐ​ജ, ഹി​ലാ​ൽ എ​ന്നി​വി​ട​ങ്ങ​ളി​ൽ നി​ല​വി​ലെ ചാ​ര​നി​റ​ത്തി​ലു​ള്ള ക​ണ്ടെ​യ്‌​ന​റു​ക​ൾ​ക്ക് പു​റ​മേ 1049 നീ​ല ക​ണ്ടെ​യ്‌​ന​റു​ക​ളും പൊ​തു ശു​ചി​ത്വ വ​കു​പ്പ് സ്ഥാ​പി​ച്ചി​ട്ടു​ണ്ട്. ലെ​ജ്‌​ബൈ​ലാ​ത്ത്, ഹ​സ്ം അ​ൽ മ​ർ​ഖി​യ, അ​ൽ ഖ​സ്സാ​ർ എ​ന്നി​വി​ട​ങ്ങ​ളി​ൽ 934 ക​ണ്ടെ​യ്‌​ന​റു​ക​ൾ അ​നു​വ​ദി​ച്ചു. ആ​ദ്യം ദോ​ഹ​യി​ൽ ന​ട​പ്പാ​ക്കു​ന്ന പ​ദ്ധ​തി​യു​ടെ ര​ണ്ടാം ഘ​ട്ടം 2025 വ​രെ ര​ണ്ട് വ​ർ​ഷ​ത്തോ​ളം നീ​ളു​ക​യും എ​ല്ലാ വീ​ടു​ക​ളി​ലേ​ക്കും എ​ത്തി​ക്കു​ക​യും ചെ​യ്യും.