വി​ദേ​ശി​ക​ൾ​ക്ക്​ ജ​നു​വ​രി മു​ത​ൽ വെ​ള്ള​ക്കരം 20 ശ​ത​മാ​നം കൂ​ടും

ദോ​ഹ: ഖ​ത്ത​റി​ൽ വി​ദേ​ശി​ക​ൾ​ക്കും വാ​ണി​ജ്യ​സ്ഥാ​പ​ന​ങ്ങ​ൾ​ക്കു​മു​ള്ള വെ​ള്ള​ക്ക​രം ജ​നു​വ​രി മു​ത​ൽ കൂ​ടും. ജ​ല ഉ​പ​ഭോ​ഗ​ത്തി​െൻറ ബി​ല്ലി​ൽ 20 ശ​ത​മാ​ന​ത്തി​ൻെ​റ വ​ർ​ധ​ന​യാ​ണ്​ ഉ​ണ്ടാ​വു​ക. ജ​നു​വ​രി മു​ത​ലാ​ണ്​ ഇ​ത്​ ക​ണ​ക്കാ​ക്കു​ക. 2021 ഫെ​ബ്രു​വ​രി​യി​ലെ ബി​ൽ​ മു​ത​ലാ​ണ്​ കൂ​ടി​യ തു​ക ഈ​ടാ​ക്കു​ക​യെ​ന്നും പൊ​തു​മ​രാ​മ​ത്ത്​ വ​കു​പ്പ്​ അ​ശ്​​ഗാ​ൽ അ​റി​യി​ച്ചു.

താ​മ​സ​സ്ഥ​ല​ത്തു​നി​ന്ന്​​ മ​ലി​ന​ജ​ലം ഒ​ഴി​വാ​ക്കു​ന്ന​തു​മാ​യി ബ​ന്ധ​പ്പെ​ട്ടു​ള്ള സേ​വ​ന​നി​ര​ക്ക്​ ജ​ന​റ​ൽ ഇ​ല​ക്​ ട്രി​സി​റ്റി ആ​ൻ​ഡ്​ വാ​ട്ട​ർ കോ​ർ​പ​റേ​ഷ(​ക​ഹ്​​റ​മ)​െൻറ മാ​സാ​ന്ത​ബി​ല്ലി​ൽ കൂ​ടു​ത​ലാ​യി വ​രു​ന്ന​തു​മൂ​ല​മാ​ണി​ത്. ഖ​ത്ത​രി പൗ​ര​ന്മാ​രു​ടെ വീ​ടു​ക​ൾ​ക്ക്​ ഇ​തു​ ബാ​ധ​ക​മ​ല്ല. ഖ​ത്ത​രി​ക​ള​ല്ലാ​ത്ത താ​മ​സ​ക്കാ​രു​ടെ​യും വാ​ണി​ജ്യ​സ്ഥാ​പ​ന​ങ്ങ​ളു​​ടെ​യും ജ​ല​ഉ​പ​ഭോ​ഗ​ത്തി​െൻറ ബി​ല്ലി​ൽ 20 ശ​ത​മാ​ന​ത്തി​െൻറ വ​ർ​ധ​ന​യാ​ണ്​ ഉ​ണ്ടാ​വു​ക​യെ​ന്ന്​ അ​ധി​കൃ​ത​ർ അ​റി​യി​ച്ചു. 300 റി​യാ​ൽ ആ​ണ്​ വെ​ള്ള​ത്തി​െൻറ ബി​ൽ എ​ങ്കി​ൽ 60 റി​യാ​ൽ മ​ലി​ന​ജ​ലം ഒ​ഴി​വാ​ക്കു​ന്ന​തു​മാ​യി ബ​ന്ധ​പ്പെ​ട്ട ഫീ​സ്​ കൂ​ടി ന​ൽ​കേ​ണ്ടി വ​രു​മെ​ന്ന്​ സാ​രം.

അ​ശ്​​ഗാ​ലി​െൻറ വി​വി​ധ ഫീ​സു​ക​ൾ നി​ർ​ണ​യി​ക്കു​ന്ന​തു​മാ​യി ബ​ന്ധ​പ്പെ​ട്ട മു​നി​സി​പ്പാ​ലി​റ്റി പ​രി​സ്ഥി​തി മ​ന്ത്രാ​ല​യ​ത്തി​െൻറ 2019ലെ 211ാം ​ന​മ്പ​ർ ഭേ​ദ​ഗ​തി​ക്ക​നു​സ​രി​ച്ചാ​ണ്​ പു​തി​യ തീ​രു​മാ​നം. സ​ർ​ക്കാ​ർ ന​ൽ​കു​ന്ന അ​ടി​സ്ഥാ​ന​സൗ​ക​ര്യ​ങ്ങ​ളു​െ​ട ഗു​ണ​നി​ല​വാ​രം ഉ​യ​ർ​ത്തു​ക​യാ​ണ്​ ഫീ​സ്​ വ​ർ​ധ​ന​യി​ലൂ​ടെ ല​ക്ഷ്യ​മി​ടു​ന്ന​തെ​ന്ന്​ അ​ശ്​​ഗാ​ൽ അ​റി​യി​ച്ചു. വെ​ള്ള​ത്തി​​െൻറ ഉ​പ​ഭോ​ഗം കു​റ​ക്കു​ക​യും പ്ര​കൃ​തി​സ​മ്പ​ത്ത്​ സം​ര​ക്ഷി​ക്കു​ക​യും ഇ​തി​ലൂ​ടെ ല​ക്ഷ്യ​മി​ടു​ന്നു. ലോ​ക​ത്താ​ക​മാ​നം വെ​ള്ള​ത്തി​െൻറ ദൗ​ർ​ല​ഭ്യം കൂ​ടി വ​രു​ന്ന പ​ശ്ചാ​ത്ത​ല​ത്തി​ലു​മാ​ണ്​ തീ​രു​മാ​ന​മെ​ന്ന്​ അ​ധി​കൃ​ത​ർ പ​റ​ഞ്ഞു. വീ​ടു​ക​ളി​ൽ​നി​ന്ന്​ മ​ലി​ന ജ​ലം പ്ര​ധാ​ന​മ​ലി​ന​ജ​ല​പ​ദ്ധ​തി ശൃം​ഖ​ല വ​ഴി ഒ​ഴി​വാ​ക്കു​ന്ന​ത​ട​ക്കം പ്ര​ധാ​ന​പ​ദ്ധ​തി​ക​ളാ​ണ്​ അ​ശ്​​ഗാ​ൽ രാ​ജ്യ​ത്ത്​ ന​ട​ത്തു​ന്ന​ത്.