പെ​യ്തൊ​ഴി​ഞ്ഞ് മാ​നം

ദോ​ഹ: സ​മൂ​ഹ മാ​ധ്യ​മ​ങ്ങ​ളി​ലും മ​റ്റും പ്ര​ച​രി​ച്ച പേ​ടി​പ്പെ​ടു​ത്തു​ന്ന മു​ന്ന​റി​യി​പ്പി​ന്റെ ആ​ശ​ങ്ക​ക​ളൊ​ന്നു​മി​ല്ലാ​തെ ഖ​ത്ത​റി​ന്റെ ആ​കാ​ശ​ത്തു​നി​ന്ന് മ​ഴ പെ​യ്തൊ​ഴി​ഞ്ഞു. ബു​ധ​നാ​ഴ്ച പ​ക​ലും രാ​ത്രി​യു​മാ​യി രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ചാ​റ്റ​ലാ​യും ചി​ല​യി​ട​ങ്ങ​ളി​ൽ ക​ന​ത്തി​ലും മ​ഴ പെ​യ്തു. കാ​ലാ​വ​സ്ഥ വി​ഭാ​ഗ​ത്തി​ന്റെ അ​റി​യി​പ്പു​ക​ളും ആ​ഭ്യ​ന്ത​ര മ​ന്ത്രാ​ല​യം, മു​നി​സി​പ്പാ​ലി​റ്റി മ​ന്ത്രാ​ല​യം, അ​ഷ്ഗാ​ൽ തു​ട​ങ്ങി വി​വി​ധ വി​ഭാ​ഗ​ങ്ങ​ളു​ടെ ത​യാ​റെ​ടു​പ്പു​ക​ളും നി​ർ​ദേ​ശ​ങ്ങ​ളു​മാ​യ​തോ​ടെ അ​നി​ഷ്ട​ങ്ങ​ളൊ​ന്നു​മു​ണ്ടാ​യി​രു​ന്നി​ല്ല. അ​ൽ റു​വൈ​സി​ലാ​യി​രു​ന്നു ബു​ധ​നാ​ഴ്ച ഏ​റ്റ​വും കൂ​ടു​ത​ൽ മ​ഴ ല​ഭി​ച്ച​ത്. 29.9 മി​ല്ലീ മീ​റ്റ​ർ മ​ഴ ഇ​വി​ടെ ല​ഭി​ച്ചു. ഏ​റ്റ​വും കു​റ​വ് മ​ഴ ദോ​ഹ​യി​ൽ (2.8 എം.​എം) രേ​ഖ​പ്പെ​ടു​ത്തി. സീ​ലൈ​ൻ (22.8 എം.​എം), അ​ൽ ഗു​വൈ​രി​യ (18.2 എം.​എം), അ​ൽ ഖോ​ർ (14.4 എം.​എം), അ​ൽ ദാ​ഖി​റ (13.7എം.​എം), അ​ൽ ജു​മൈ​ലി​യ (13.6 എം.​എം), ഉം ​സ​ലാ​ൽ (13.3 എം.​എം), അ​ൽ ക​റാ​ന (12 എം.​എം), സ​ക്രീ​ത് (11.6 എം.​എം), ദു​ഖാ​ൻ (11 എം.​എം), ഖ​ത്ത​ർ യൂ​നി​വേ​ഴ്സി​റ്റി (ഒ​മ്പ​ത് എം.​എം) എ​ന്നി​ങ്ങ​നെ​യാ​യി​രു​ന്നു രേ​ഖ​പ്പെ​ടു​ത്തി​യ മ​ഴ.

ദോ​ഹ​യി​ൽ ​ബു​ധ​നാ​ഴ്ച വൈ​കു​ന്നേ​രം ​പെ​യ്ത നേ​രി​യ മ​ഴ മാ​ത്ര​മേ ല​ഭി​ച്ചു​ള്ളൂ. ക​ഴി​ഞ്ഞ​യാ​ഴ്ച ദു​ബൈ​യി​ലും ഒ​മാ​നി​ലു​മെ​ല്ലാം പെ​യ്ത ക​ന​ത്ത മ​ഴ വെ​ള്ള​പ്പൊ​ക്ക​മാ​യ പ​ശ്ചാ​ത്ത​ല​ത്തി​ൽ സ​മൂ​ഹ മാ​ധ്യ​മ​ങ്ങ​ളി​ലെ പ്ര​ചാ​ര​ണ​ങ്ങ​ളി​ൽ ഭീ​തി​യി​ലാ​യി​രു​ന്നു പ്ര​വാ​സി​ക​ൾ ഉ​ൾ​പ്പെ​ടെ ഖ​ത്ത​റി​ലു​ള്ള​വ​രും. എ​ന്നാ​ൽ, കൃ​ത്യ​മാ​യ അ​റി​യി​പ്പു​ക​ൾ ന​ൽ​കി​യ കാ​ലാ​വ​സ്ഥ വി​ഭാ​ഗം മ​ഴ​യു​ടെ ഗ​തി നേ​ര​ത്തെ അ​റി​യി​ച്ചു. ദു​രി​തം വി​ത​ക്കാ​തെ മ​ഴ പെ​യ്തൊ​ഴി​ഞ്ഞ​ത് പ്ര​വാ​സി​ക​ൾ​ക്കും സ്വ​ദേ​ശി​ക​ൾ​ക്കും ആ​ശ്വാ​സ​വു​മാ​യി.അ​തേ​സ​മ​യം വെ​ള്ളി, ശ​നി ദി​വ​സ​ങ്ങ​ളി​ലും ഖ​ത്ത​റി​ൽ മ​ഴ മു​ന്ന​റി​യി​പ്പു​ണ്ട്. ഇ​ടി​യോ​ടും ശ​ക്ത​മാ​യ കാ​റ്റോ​ടും കൂ​ടി​യ മ​ഴ​യു​ണ്ടാ​കു​മെ​ന്നാ​ണ് പ്ര​വ​ച​നം. ക​ട​ല്‍ പ്ര​ക്ഷു​ബ്ധ​മാ​കും. ഒ​മ്പ​ത് അ​ടി വ​രെ ഉ​യ​ര​ത്തി​ല്‍ തി​ര​മാ​ല​ക​ളു​ണ്ടാ​കാ​മെ​ന്നും കാ​ലാ​വ​സ്ഥാ വി​ഭാ​ഗം മു​ന്ന​റി​യി​പ്പ് ന​ല്‍കു​ന്നു. മ​ഴ​പെ​യ്യു​മ്പോ​ൾ റോ​ഡു​ക​ളി​ലും മ​റ്റും മു​ൻ​ക​രു​ത​ൽ നി​ർ​ദേ​ശ​ങ്ങ​ൾ പാ​ലി​ക്ക​ണ​മെ​ന്ന് അ​ധി​കൃ​ത​ർ ഓ​ർ​മി​പ്പി​ച്ചു. വേ​ഗ​ത കു​റ​ക്കു​ക, വാ​ഹ​ന​ങ്ങ​ൾ​ക്കി​ട​യി​ൽ അ​ക​ലം പാ​ലി​ച്ച് ഓ​ടി​ക്കു​ക, ഹെ​​ഡ്ലൈ​റ്റു​ക​ൾ ഉ​റ​പ്പാ​ക്കു​ക, വെ​ള്ളം ക​യ​റാ​ൻ സാ​ധ്യ​ത​യു​ള്ള റോ​ഡു​ക​ൾ ഒ​ഴി​വാ​ക്കി സ​ഞ്ച​രി​ക്കു​ക, ​റോ​ഡു​ക​ളി​ലെ മു​ന്ന​റി​യി​പ്പ് നി​ർ​ദേ​ശ​ങ്ങ​ൾ പാ​ലി​ക്കു​ക എ​ന്നി​വ ന​ൽ​കി. മ​ഴ പെ​യ്യാ​ൻ സാ​ധ്യ​ത​യു​ള്ള​തി​നാ​ൽ ഈ ​ദി​വ​സ​ങ്ങ​ളി​ൽ വാ​ഹ​ന​ങ്ങ​ൾ കെ​ട്ടി​ട​ങ്ങ​ൾ​ക്ക​ടി​യി​ലെ അ​ണ്ട​ർ​ഗ്രൗ​ണ്ടു​ക​ളി​ൽ പാ​ർ​ക്ക് ചെ​യ്ത് പോ​ക​രു​തെ​ന്നും നി​ർ​ദേ​ശി​ച്ചു. കാ​റ്റ്, മ​ഴ തു​ട​ങ്ങി​യ അ​ടി​യ​ന്തി​ര സാ​ഹ​ച​ര്യ​ത്തി​ൽ പൊ​തു​ജ​ന​ങ്ങ​ൾ​ക്ക് ‘999’ എ​ന്ന ന​മ്പ​റി​ൽ പൊ​ലീ​സ് സേ​വ​നം ആ​വ​ശ്യ​പ്പെ​ടാ​വു​ന്ന​താ​ണ്.