ഐ.സി.സിയിലെ അപേക്ഷയുടെ സ്​ഥിതി എന്താണ്​? അറിയാം ഓൺലൈൻ ട്രാക്കിങ്​ സംവിധാനത്തിലൂടെ

ദോഹ: ഇന്ത്യൻ കൾച്ചറൽ സെൻററിൽ (ഐ.സി.സി) ഏതെങ്കിലും സേവനങ്ങൾക്കായി അപേക്ഷ നൽകിയിട്ടുണ്ടോ? എങ്കിൽ നിങ്ങളുടെ അപേക്ഷയുടെ നിലവിലെ സ്​ഥിതി എന്താണ്​, നടപടികൾ ഏതു വരെയായി തുടങ്ങിയ കാര്യങ്ങൾ അപേക്ഷകന്​ ഓൺലൈനിൽ തന്നെ അറിയാൻ ​േസവനം തയാറായി.

ഇന്ത്യൻ എംബസിയുടെ കോൺസുലർ സേവനങ്ങളുമായി ബന്ധപ്പെട്ട്​ നിരവധി അപേക്ഷകളാണ്​ ​അനുബന്ധസംഘടനയായ ഐ.സി.സിക്ക്​ ലഭിക്കുന്നത്​. അബൂഹമൂറിലാണ്​ ഐ.സി.സി പ്രവർത്തിക്കുന്നത്​. അപേക്ഷയുടെ തൽസ്​ഥിതി പിന്തുടരാൻ സഹായിക്കുന്ന പുതിയ ഒാൺലൈൻ ട്രാക്കിങ്​ സംവിധാനമാണ്​ തയാറായത്​. https://getappointment.iccqatar.com/track എന്ന വെബ് പോർട്ടലിലാണ് ഈ സൗകര്യമുള്ളത്​. അപേക്ഷ സമർപ്പിച്ച്​ 12 മണിക്കൂർ കഴിഞ്ഞാലേ ഒാൺലൈനിൽ അപേക്ഷയുടെ വിവരങ്ങൾ ലഭ്യമാകുകയുള്ളൂ.പാസ്​പോർട്ട് പുതുക്കുന്നതിനോ മറ്റു രേഖകൾക്കോ അപേക്ഷിച്ചവർക്ക് അതിെൻറ നിലവിലെ സ്​റ്റാറ്റസ്​ ഈ ഒാൺലൈൻ സംവിധാനത്തിലൂടെ അറിയാൻ സാധിക്കും.

കോൺസുലർ സേവനങ്ങൾക്കായുള്ള അപേക്ഷയുടെ എല്ലാ വിവരങ്ങളും സ്​റ്റാറ്റസും പുതിയ സംവിധാനത്തിലൂടെ അറിയാൻ കഴിയും. ഇതിനാൽ അപേക്ഷകളുടെ വിവരങ്ങൾ അറിയാൻ ഇനിമുതൽ ഐ.സി.സിയിൽ നേരി​ട്ടെത്തേണ്ട. ഫോൺ വിളിച്ച്​ അന്വേഷിക്കുകയും വേണ്ട. നടപടികൾ പൂർത്തിയായാൽ 'റെഡി അറ്റ് ഐ.സി.സി' എന്ന സ്​റ്റാറ്റസ്​ പോർട്ടലിൽ കാണിക്കും. ഇതിനുശേഷം സർട്ടിഫിക്കറ്റുകൾ കൈപ്പറ്റിയാൽ മതിയാകും. അപേക്ഷകർക്ക്​ പുതിയ സംവിധാനം ഏറെ സഹായകരമാകുമെന്ന്​ ഐ.സി.സി പ്രസിഡൻറ് എ.പി. മണികണ്ഠൻ പറയുന്നു. അപേക്ഷയിലെ നടപടികൾ വൈകുന്നത് സംബന്ധിച്ചും അതി​െൻറ കാരണവും ഒാൺലൈൻ സംവിധാനത്തിൽ അറിയാൻ സാധിക്കും.

ഇന്ത്യൻ എംബസിയിൽനിന്നുള്ള വിവരങ്ങൾ അടിസ്​ഥാനമാക്കിയാണ് ട്രാക്കിങ്​​ സംവിധാനം പ്രവർത്തിക്കുക. കോവിഡ് -19 സാഹചര്യത്തിൽ ഐ.സി.സിക്കും അപേക്ഷകർക്കും പുതിയ സംവിധാനം ഏറെ സഹായകരമാണ്​.കോവിഡി​െൻറ പശ്ചാത്തലത്തിൽ നിർത്തിവെച്ചിരുന്ന കോൺസുലർ സേവനങ്ങൾ ഇന്ത്യൻ കൾച്ചറൽ സെൻററിൽ ജൂൺ 23 മുതൽ പുനരാരംഭിച്ചിരുന്നു. https://getappointment.iccqatar.com/ എന്ന ലിങ്കിലൂടെയാണ്​ സേവനങ്ങൾക്കുള്ള അപ്പോയിൻറ്മെൻറുകളെടുക്കേണ്ടത്​. ആദ്യം ലഭിക്കുന്ന അപ്പോയിൻറ്മെൻറുകളായിരിക്കും പരിഗണിക്കുക. ഐ.സി.സിയിലെ അപ്പോയിൻറ്മെൻറുകൾ ടെലിഫോണിൽ ലഭ്യമല്ല. പുതിയ ഒാൺലൈൻ സംവിധാനം നിലവിൽ വന്നതോടെയാണ്​ ടെലിഫോൺ അപ്പോയിൻറ്മെൻറ് ബുക്കിങ്​ നിർത്തിവെച്ചത്​.

കാലാവധി കഴിഞ്ഞ പാസ്​പോർട്ടുകൾ, രണ്ട് മാസത്തിനുള്ളിൽ കാലാവധി കഴിയുന്ന പാസ്​പോർട്ടുകൾ എന്നിവ പുതുക്കുന്നതിനുള്ള അപേക്ഷകളും നവജാത ശിശുക്കളുടെ പാസ്​പോർട്ടിനായുള്ള അപേക്ഷകളുമടക്കം സ്വീകരിക്കുന്നുണ്ട്​. പാസ്​പോർട്ട് സേവനങ്ങൾക്കായി അപേക്ഷകന് മാത്രമാണ് ഐ. സി.സിയിലേക്ക് പ്രവേശനാനുമതി ലഭിക്കുക. അപേക്ഷക​െൻറ കൂടെയുള്ളവരെ ഒരു കാരണവശാലും ഐ.സി.സിയിലേക്ക് പ്രവേശിപ്പിക്കുകയില്ല. അതേസമയം, രക്ഷിതാവിനൊപ്പം കുട്ടികളെ പ്രവേശിപ്പിക്കുന്നതിന് തടസ്സമുണ്ടാവുകയില്ല.

ശനി മുതൽ വ്യാഴം വരെ വൈകീട്ട് നാലിനും ആറിനും ഇടയിൽ മാത്രമേ പാസ്​പോർട്ടുകൾ ശേഖരിക്കാൻ അനുവാദമുള്ളൂ. പാസ്​പോർട്ട് ശേഖരിക്കുന്നതിനായി നേരത്തേ അപ്പോയിൻറ്മെൻറ് ആവശ്യമില്ല.അപേക്ഷ സമർപ്പിക്കുന്ന സമയത്ത് പണമടച്ചതിെൻറ ഒറിജിനൽ രസീത് കൊണ്ടുവരേണ്ടതാണ്.അപേക്ഷകൻ നിർബന്ധമായും ഇഹ്തിറാസ്​ ആപ്പ് ഇൻസ്​റ്റാൾ ചെയ്തിരിക്കണം.ഇഹ്തിറാസ്​ ആപ്പിൽ പച്ച കോഡുള്ളവർക്ക് മാത്രമേ ഐ.സി.സിയിലേക്ക് പ്രവേശനം അനുവദിക്കൂ.