ടി​ക്ക​റ്റ്​ ഭാ​ഗ്യ​വാ​നേ...

ദോ​ഹ: ഫു​ട്​​ബാ​ൾ ലോ​ക​ത്തി​ന്​ ഭാ​ഗ്യ​പ​രീ​ക്ഷ​ണ​ത്തി​ന്‍റെ ദി​ന​മാ​യി​രു​ന്നു ചൊ​വ്വാ​ഴ്ച. പ്ര​ത്യേ​കി​ച്ച്, ഖ​ത്ത​റി​ലെ ഫു​ട്​​ബാ​ൾ പ്രേ​മി​ക​ൾ​ക്ക്. ലോ​ക​ക​പ്പ്​ മ​ത്സ​ര​ങ്ങ​ൾ​ക്ക്​ ടി​ക്ക​റ്റും ബു​ക്ക്​ ചെ​യ്ത്​ കാ​ത്തി​രു​ന്ന 1.70 കോ​ടി ജ​ന​ങ്ങ​ൾ​ക്കി​ട​യി​ൽ​നി​ന്ന് ഭാ​ഗ്യ​പ​രീ​ക്ഷ​ണം വി​ജ​യി​ച്ച​വ​രാ​വാ​നു​ള്ള പ്രാ​ർ​ഥ​ന​ക​ൾ. ​ജ​നു​വ​രി 19 മു​ത​ൽ ഫെ​ബ്രു​വ​രി എ​ട്ടു​വ​രെ നീ​ണ്ട റാ​ൻ​ഡം ന​റു​ക്കെ​ടു​പ്പി​ന്‍റെ ഫ​ല​ങ്ങ​ൾ ചൊ​വ്വാ​ഴ്ച​യോ​ടെ​യാ​ണ്​ ഫി​ഫ പു​റ​ത്തു​വി​ട്ട​ത്. ഫി​ഫ വെ​ബ്​​സൈ​റ്റി​ലെ ​ത​ങ്ങ​ളു​ടെ ലോ​ഗി​ൻ പേ​ജ്​ വ​ഴി ടി​ക്ക​റ്റ്​ സ്റ്റാ​റ്റ​സ്​ അ​റി​ഞ്ഞു​തു​ട​ങ്ങി​യ​വ​ർ പി​ന്നെ പ​ര​സ്പ​രം ചോ​ദി​ച്ചു​കൊ​ണ്ടി​രു​ന്ന​ത്​ ടി​ക്ക​റ്റ്​ കി​ട്ടി​യോ എ​ന്ന്​ മാ​ത്രം.

ടി​ക്ക​റ്റ്​ ല​ഭി​ച്ച്​ ലോ​ക​ക​പ്പ്​ ഗാ​ല​റി​യി​ലി​രു​ന്ന്​ കാ​ണാ​ൻ ഭാ​ഗ്യം ല​ഭി​ച്ച​വ​ർ ​ആ​ഘോ​ഷ​മാ​ക്കി​യ​പ്പോ​ൾ, കൂ​ട്ട​മാ​യി ബു​ക്ക്​ ചെ​യ്തി​ട്ടും ഒ​ന്നും ല​ഭി​ക്കാ​ത്ത​വ​രു​ടെ നി​രാ​ശ​യും പ​ങ്കു​വെ​ക്ക​പ്പെ​ട്ടു. ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നാ​യി 1.70 കോ​ടി ടി​ക്ക​റ്റി​നാ​ണ്​ ബു​ക്​ ചെ​യ്ത​ത്. ഉ​ദ്​​ഘാ​ട​ന​മ​ത്സ​രം മു​ത​ൽ ഗ്രൂ​പ് റൗ​ണ്ട്​ വ​രെ നീ​ണ്ട 64 മ​ത്സ​ര​ങ്ങ​ൾ​ക്കാ​യി ആ​ദ്യ​ഘ​ട്ടം നീ​ക്കി​വെ​ച്ച​ത്​ 10 ല​ക്ഷം ടി​ക്ക​റ്റു​ക​ളും. തി​ര​ഞ്ഞെ​ടു​ക്ക​പ്പെ​ട്ട​വ​ർ​ക്ക്​ വി​സ കാ​ര്‍ഡ് ഉ​പ​യോ​ഗി​ച്ച് പ​ണ​മ​ട​ച്ച്​ ഉ​ട​ൻ ടി​ക്ക​റ്റ് സ്വ​ന്ത​മാ​ക്കാ​വു​ന്ന​താ​ണ്. ഖ​ത്ത​ർ റ​സി​ഡ​ന്‍റാ​യ​വ​ർ ആ​തി​ഥേ​യ കാ​ണി​ക​ൾ എ​ന്ന​നി​ല​യി​ൽ ഏ​റെ​യും പ​രി​ഗ​ണി​ക്ക​പ്പെ​ട്ടു.

എ​ന്നാ​ൽ, ഇ​ന്ത്യ​യി​ൽ​നി​ന്നും മ​റ്റും വി​ദേ​ശ രാ​ജ്യ​ങ്ങ​ളി​ൽ​നി​ന്നും ബു​ക്ക്​ ചെ​യ്ത മ​ല​യാ​ളി​ക​ളി​ൽ കു​റ​ച്ചു​പേ​ർ​ക്ക്​ മാ​ത്ര​മാ​ണ്​ ടി​ക്ക​റ്റു​ക​ൾ ല​ഭി​ച്ച​ത്. ​നേ​ര​ത്തെ ബു​ക്ക്​ ചെ​യ്ത​വ​രി​ൽ ആ​ദ്യ പ​ത്തി​ൽ ഇ​ന്ത്യ​ക്കാ​രു​ണ്ടാ​യി​രു​ന്നു. ആ​തി​ഥേ​യ​രാ​യ ഖ​ത്ത​റി​ല്‍നി​ന്നാ​ണ് കൂ​ടു​ത​ല്‍ പേ​ര്‍ മ​ത്സ​രം ‌കാ​ണാ​ന്‍ അ​പേ​ക്ഷി​ച്ച​ത്. അ​ര്‍ജ​ന്‍റീ​ന, ബ്ര​സീ​ല്‍, ഇം​ഗ്ല​ണ്ട്, ഫ്രാ​ന്‍സ്, ഇ​ന്ത്യ, മെ​ക്സി​കോ, സൗ​ദി അ​റേ​ബ്യ, യു.​എ.​ഇ എ​ന്നീ രാ​ജ്യ​ങ്ങ​ളാ​ണ് ടി​ക്ക​റ്റ് ബു​ക്കി​ങ്ങി​ല്‍ ആ​ദ്യ പ​ത്തി​ലു​ള്ള​ത്. ഡി​സം​ബ​ർ 18ന്​ ​ലു​സൈ​ൽ സ്​​റ്റേ​ഡി​യ​ത്തി​ൽ ന​ട​ക്കു​ന്ന ലോ​ക​ക​പ്പ് ഫൈ​ന​ല്‍ മ​ത്സ​രം കാ​ണാ​നാ​ണ് കൂ​ടു​ത​ല്‍ അ​പേ​ക്ഷ​ക​രു​ള്ള​ത്. 18 ല​ക്ഷം പേ​ര്‍.

30 വ​ർ​ഷ​ത്തെ ലോ​ക​ക​പ്പ്​ ച​രി​ത്ര​ത്തി​ൽ ഏ​റ്റ​വും കു​റ​ഞ്ഞ​ നി​ര​ക്കി​ലു​ള്ള ടി​ക്ക​റ്റു​ക​ൾ ല​ഭ്യ​മാ​ക്കു​ന്ന വി​ശ്വ ഫു​ട്​​ബാ​ൾ മേ​ള എ​ന്ന റെ​ക്കോ​ഡും 2022 ഖ​ത്ത​ർ ലോ​ക​ക​പ്പി​നു​ണ്ട്. ന​വം​ബ​ർ 21 മു​ത​ൽ ഡി​സം​ബ​ർ 18 വ​രെ ന​ട​ക്കു​ന്ന ലോ​ക​ക​പ്പി​ന്‍റെ മു​ഴു​വ​ൻ മ​ത്സ​ര​ങ്ങ​ൾ​ക്കു​മാ​യി 30 ല​ക്ഷം ടി​ക്ക​റ്റു​ക​ളാ​ണ്​ വി​ൽ​പ​ന​ക്കു​ണ്ടാ​വു​ക. ആ​കെ ടി​ക്ക​റ്റി​ന്‍റെ മൂ​ന്നി​ലൊ​ന്ന്​ മാ​ത്ര​മാ​ണ്​ ഒ​ന്നാം​ഘ​ട്ട​ത്തി​ൽ കാ​ണി​ക​ൾ​ക്ക്​ ല​ഭ്യ​മാ​ക്കു​ന്ന​ത്. ഏ​പ്രി​ൽ ഒ​ന്നി​ന്​ ടീം ​ന​റു​ക്കെ​ടു​പ്പ്​ ക​ഴി​യു​ന്ന​തി​ന് പി​ന്നാ​ലെ ര​ണ്ടാം ഘ​ട്ട ടി​ക്ക​റ്റ്​ ബു​ക്കി​ങ്​ ഓ​പ്പ​ണാ​വും.

'ഫൈ​ന​ലി​ന്​ ഫാ​മി​ലി ടി​ക്ക​റ്റ്​'

1998ൽ ​സി​ന​ദി​ൻ സി​ദാ​ന്‍റെ ഫ്ര​ഞ്ചു​പ​ട ക​ന​ക​കി​രീ​ട​ത്തി​ൽ മു​ത്ത​മി​ടു​ന്ന ടി.​വി​യി​ലെ കാ​ഴ്ച ഇ​ന്നും ഓ​ർ​മ​യി​ലു​ണ്ട്. അ​ന്ന്​ ക​ണ്ടു​തു​ട​ങ്ങി​യ സ്വ​പ്ന​മാ​ണ്​ ഒ​രു ലോ​ക​ക​പ്പ്​ മ​ത്സ​രം. പി​ന്നീ​ട്​ ന​ട​ന്ന ലോ​ക​ക​പ്പു​ക​ളെ​ല്ലാം വി​ടാ​തെ​ത​ന്നെ ടി.​വി​യി​ൽ ക​ണ്ടു. ഒ​ടു​വി​ൽ ഖ​ത്ത​റി​ൽ ലോ​ക​ക​പ്പ്​ എ​ത്തി​യ​പ്പോ​ഴും സ്വ​പ്ന​മാ​യി​രു​ന്നു സ്​​റ്റേ​ഡി​യ​ത്തി​ൽ മ​ത്സ​രം കാ​ണു​ക​യെ​ന്ന​ത്.

കൂ​ട്ടു​കാ​ർ​ക്കും കു​ടും​ബ​ത്തി​നു​മാ​യി 50ൽ ​ഏ​റെ ടി​ക്ക​റ്റു​ക​ൾ ബു​ക്ക്​ ചെ​യ്തു. ഒ​ടു​വി​ൽ റാ​ൻ​ഡം ഫ​ലം വ​ന്ന​പ്പോ​ൾ, ഡി​സം​ബ​ർ 18ന്​ ​ലു​സൈ​ൽ സ്​​റ്റേ​ഡി​യ​ത്തി​ൽ ന​ട​ക്കു​ന്ന ഫൈ​ന​ലി​ന്​ കു​ടും​ബ​സ​മേ​തം ക​ളി​കാ​ണാ​ൻ ടി​ക്ക​റ്റ്​ ല​ഭി​ച്ചു. അ​ന്ന്​ അ​ർ​ജ​ന്‍റീ​ന കൂ​ടി ക​പ്പു​യ​ർ​ത്തു​ന്ന​ത്​ കാ​ണാ​നാ​യാ​ൽ ഇ​ര​ട്ടി​സ​ന്തോ​ഷ​മാ​യി. ഗ്രൂ​പ്​ റൗ​ണ്ടി​ലേ​തു​ൾ​പ്പെ​ടെ 25ഓ​ളം ടി​ക്ക​റ്റു​ക​ൾ കൂ​ടി ല​ഭി​ച്ച​തി​ന്‍റെ സ​ന്തോ​ഷ​ത്തി​ലാ​ണ്​ ഹ​മ​ദ്​ മെ​ഡി​ക്ക​ൽ കോ​ർ​പ​റേ​ഷ​നി​ൽ ജോ​ലി​ചെ​യ്യു​ന്ന കോ​ഴി​ക്കോ​ട്​ മേ​പ്പ​യ്യൂ​ർ സ്വ​ദേ​ശി ഇ​സ്മാ​യി​ൽ.

(ഇ​സ്മാ​യി​ലും ഭാ​ര്യ ഷം​ന​യും മ​ക്ക​ൾ​ക്കൊ​പ്പം)

ഗാ​ല​റി​യി​ൽ കാ​ണാം...

1986ൽ ​ഡീ​ഗോ മ​റ​ഡോ​ണ ക​പ്പു​യ​ർ​ത്തി​യ മെ​ക്സി​കോ ലോ​ക​ക​പ്പ്​ കാ​ണു​മ്പോ​ൾ ആ​റാം ക്ലാ​സി​ൽ പ​ഠി​ക്കു​ക​യാ​യി​രു​ന്നു. അ​ന്നു മു​ത​ൽ ഓ​രോ ലോ​ക​ക​പ്പും വി​ടാ​തെ ടി.​വി​യി​ൽ കാ​ണു​മ്പോ​ൾ സ്വ​പ്ന​മാ​യി​രു​ന്നു സ്​​റ്റേ​ഡി​യ​ത്തി​ൽ ഒ​രു മ​ത്സ​രം കാ​ണു​ക​യെ​ന്ന​ത്. ഖ​ത്ത​റി​ൽ ലോ​ക​ക​പ്പ്​ എ​ത്തി​യ​​പ്പോ​ൾ, ടി​ക്ക​റ്റ്​ നേ​ടു​ക​യാ​യി​രു​ന്നു ല​ക്ഷ്യം. ബു​ക്കി​ങ്​ ആ​രം​ഭി​ച്ച​പ്പോ​ൾ 10​ മ​ത്സ​ര​ങ്ങ​ൾ​ക്കാ​യി 58 ടി​ക്ക​റ്റു​ക​ൾ ബു​ക്ക്​ ചെ​യ്തു.

ഇ​പ്പോ​ൾ ന​റു​ക്കെ​ടു​പ്പ്​ പൂ​ർ​ത്തി​യാ​യ​തോ​ടെ എ​ട്ട്​ മ​ത്സ​ര​ങ്ങ​ൾ​ക്കാ​യി 48 ടി​ക്ക​റ്റു​ക​ളും ല​ഭി​ച്ച​ത്​ ഇ​ര​ട്ടി​മ​ധു​ര​മാ​യി. ഉ​ദ്​​ഘാ​ട​ന മ​ത്സ​ര​വും ഫൈ​ന​ലും ഒ​ഴി​കെ എ​ല്ലാം ല​ഭി​ച്ചു. ഇ​നി ആ​വേ​ശ​ത്തോ​ടെ ക​ളി​കാ​ണാ​നു​ള്ള കാ​ത്തി​രി​പ്പാ​ണ്​ ഹ​മ​ദി​ൽ ജോ​ലി ചെ​യ്യു​ന്ന ഒ​റ്റ​പ്പാ​ലം സ്വ​ദേ​ശി സ​ക്കീ​ർ ഹു​സൈ​ൻ.

(സ​ക്കീ​ർ ഹു​സൈ​ൻ കു​ടും​ബ​ത്തി​നൊ​പ്പം)

ലു​സൈ​ലി​ൽ അ​ർ​ജ​ന്‍റീ​ന ക​പ്പു​യ​ർ​ത്തു​ന്ന​ത്​ കാ​ണാ​ൻ

അ​റ​ബ്​ ക​പ്പും അ​മീ​ർ ക​പ്പും ഉ​ൾ​പ്പെ​ടെ ഖ​ത്ത​റി​ൽ പ​ന്തു​രു​ളു​ന്ന ഒ​രു​വി​ധം മ​ത്സ​ര​ങ്ങ​ൾ​ക്കെ​ല്ലാം പൊ​തു​പ്ര​വ​ർ​ത്ത​ന രം​ഗ​ത്തെ സ​ജീ​വ സാ​ന്നി​ധ്യ​മാ​യ നം​ഷീ​ർ ഗാ​ല​റി​യി​ലെ​ത്താ​റു​ണ്ട്. അ​പ്പോ​ഴെ​ല്ലാം സ്വ​പ്ന​മാ​യി​രു​ന്നു ലോ​ക​ക​പ്പി​ലേ​ക്ക്​ ഒ​രു ടി​ക്ക​റ്റ്. 1998 ലോ​ക​ക​പ്പി​ൽ നെ​ത​ർ​ല​ൻ​ഡ്​​സും അ​ർ​ജ​ന്‍റീ​ന​യും ത​മ്മി​ലെ വാ​ശി​യേ​റി​യ ക്വാ​ർ​ട്ട​ർ ഫൈ​ന​ൽ പോ​രാ​ട്ട​ത്തി​ന്‍റെ നാ​ളി​ൽ നെ​ഞ്ചി​ൽ കൂ​ടി​യ​താ​ണ്​ അ​ർ​ജ​ന്‍റീ​ന​യെ​ന്ന ആ​വേ​ശം.

അ​ന്ന്​ മു​ത​ൽ കാ​ണു​ന്ന സ്വ​പ്നം ലു​സൈ​ൽ സ്​​റ്റേ​ഡി​യ​ത്തി​ൽ സാ​ക്ഷാ​ത്​​ക​രി​ക്ക​ട്ടെ​യെ​ന്ന പ്രാ​ർ​ഥ​ന​യി​ലാ​ണ്​ നം​ഷീ​ർ ബ​ഡേ​രി. അ​തി​നു​ള്ള ഭാ​ഗ്യ​മാ​ണ്​ ലോ​ക​ക​പ്പി​ന്‍റെ ഫൈ​ന​ലി​ന്​ ല​ഭി​ച്ച അ​ഞ്ചു ടി​ക്ക​റ്റു​ക​ളെ​ന്നാ​ണ്​ ക​ടു​ത്ത അ​ർ​ജ​ന്‍റീ​ന ആ​രാ​ധ​ക​നാ​യ നം​ഷീ​റി​ന്‍റെ വി​ശ്വാ​സം. ഇ​തി​നു​പു​റ​മെ, കു​ടും​ബ​ത്തി​നൊ​പ്പം ഒ​രു ക്വാ​ർ​ട്ട​ർ ഫൈ​ന​ൽ മ​ത്സ​ര​ത്തി​നു​ള്ള നാ​ല്​ ടി​ക്ക​റ്റും ല​ഭി​ച്ചി​ട്ടു​ണ്ടെ​ന്ന്​ ഖ​ത്ത​റി​ൽ ഫാ​ർ​മ​സി​​സ്റ്റാ​യി ജോ​ലി ചെ​യ്യു​ന്ന ഫ​റൂ​ഖ്​ സ്വ​ദേ​ശി നം​ഷീ​ർ പ​റ​യു​ന്നു.

(നം​ഷീ​ർ ബ​ഡേ​രി)