ലോകകപ്പ് യോഗ്യത; ടിക്കറ്റ് വിൽപനക്ക് തുടക്കം
text_fieldsദോഹ: ലോകകപ്പ് ഫുട്ബാള് യോഗ്യതാ മൂന്നാം റൗണ്ടിലെ ഖത്തറിന്റെ ആദ്യ മത്സരത്തിനുള്ള ടിക്കറ്റ് വില്പനക്ക് തുടക്കം കുറിച്ചു. സെപ്റ്റംബർ അഞ്ചിന് അൽ റയ്യാനിലെ അഹമ്മദ് ബിൻ അലി സ്റ്റേഡിയത്തിൽ യു.എ.ഇക്കെതിരെ നടക്കുന്ന മത്സരത്തിനുള്ള ടിക്കറ്റ് വിൽപനയാണ് ആരംഭിച്ചത്.
വൈകീട്ട് ഏഴ് മണിക്കാണ് മത്സരത്തിന് കിക്കോഫ് കുറിക്കുന്നത്. 10 റിയാല്, 30 റിയാല് നിരക്കുകളില് ആരാധകര്ക്ക് ടിക്കറ്റ് സ്വന്തമാക്കാവുന്നതാണ്. ഖത്തര് ഫുട്ബാള് അസോസിയേഷന്റെ വെബ്സൈറ്റില് (tickets.qfa.qa/qfa) ടിക്കറ്റ് ലഭ്യമാണ്. ഏഷ്യന് കപ്പ് ജേതാക്കളായ ഖത്തര് ആദ്യ രണ്ട് മത്സരത്തിനുള്ള ടീമിനെ കഴിഞ്ഞ ദിവസം പ്രഖ്യാപിച്ചിരുന്നു. അക്രം അഫീഫ് അടക്കമുള്ള സൂപ്പര് താരങ്ങളെല്ലാം ടീമിലുണ്ട്. ഒപ്പം യൂത്ത് ടീമിലെ താരങ്ങള്ക്കും കോച്ച് മാര്ക്വസ് ലോപസ് സംഘത്തില് ഇടം നല്കിയിട്ടുണ്ട്.
ലോകകപ്പ് യോഗ്യതയുടെ നിർണായക ഘട്ടമായ മൂന്നാം റൗണ്ടിലെ ആദ്യ അങ്കം സ്വന്തം കാണികള്ക്ക് മുന്നില് ജയത്തോടെ തുടങ്ങാനുള്ള തയാറെടുപ്പിലാണ് അന്നാബികള്. ഇറാൻ, ഉസ്ബെകിസ്താൻ, കിർഗിസ്താൻ, ഉത്തര കൊറിയ എന്നിവരാണ് ഗ്രൂപ്പിലെ മറ്റു ടീമുകൾ. സെപ്റ്റംബർ 10ന് കൊറിയക്കെതിരെയാണ് ഖത്തറിന്റെ രണ്ടാം അങ്കം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.