ഫ​സ്റ്റ് ഇ​ല​വ​നി​ൽ ത​ഹ്സീ​ന്റെ അ​ര​ങ്ങേ​റ്റം

ദോ​ഹ: മ​ല​യാ​ളി താ​രം ത​ഹ്സീൻ മു​ഹ​മ്മ​ദ് എ​ന്ന പ​തി​നേ​ഴു​കാ​ര​ന്റെ അ​ര​ങ്ങേ​റ്റം​കൊ​ണ്ട് ശ്ര​ദ്ധേ​യ​മാ​യ ഖ​ത്ത​റി​ന്റെ ലോ​ക​ക​പ്പ് യോ​ഗ്യ​ത റൗ​ണ്ട് പോ​രാ​ട്ട​ത്തി​ൽ ഗോ​ൾ ര​ഹി​ത സ​മ​നി​ല. സൗ​ദി​യി​ലെ ഹു​ഫൂ​ഫി​ൽ ​വ്യാ​ഴാ​ഴ്ച രാ​ത്രി ന​ട​ന്ന മ​ത്സ​ര​ത്തി​ൽ അ​ഫ്ഗാ​നി​​സ്താ​ന് മു​ന്നി​ലാ​യി​രു​ന്നു കൗ​മാ​ര​ക്കാ​രും പു​തു​മു​ഖ​ങ്ങ​ളും അ​ണി​നി​ര​ന്ന ഖ​ത്ത​റി​ന്റെ യു​വ​സം​ഘം ഗോ​ൾ​ര​ഹി​ത സ​മ​നി​ല വ​ഴ​ങ്ങി​യ​ത്. ​2027 ഏ​ഷ്യ​ൻ ക​പ്പ് യോ​ഗ്യ​ത​യും, ലോ​ക​ക​പ്പ് യോ​ഗ്യ​ത​യു​ടെ മൂ​ന്നാം റൗ​ണ്ടി​ലേ​ക്കു​ള്ള ബെ​ർ​ത്തും നേ​ര​ത്തേ ഉ​റ​പ്പി​ച്ച​തി​നാ​ൽ സീ​നി​യ​ർ താ​ര​ങ്ങ​ൾ​ക്കെ​ല്ലാം ഖ​ത്ത​ർ വി​ശ്ര​മം ന​ൽ​കി​യി​രു​ന്നു. ഇ​തോ​ടെ​യാ​ണ് ത​ഹ്സീ​ൻ ഉ​ൾ​പ്പെ​ടെ പു​തു​മു​ഖ​ങ്ങ​ൾ​ക്ക് അ​വ​സ​രം തെ​ളി​ഞ്ഞ​ത്.

കോ​ച്ച് മാ​ർ​ക്വേ​സ് ലോ​പ​സി​ന്റെ ​​െപ്ല​യി​ങ് ഇ​ല​വ​നി​ൽ ത​ന്നെ ക​ണ്ണൂ​ർ വ​ള​പ​ട്ട​ണം സ്വ​ദേ​ശി​യും ഇ​ടം നേ​ടി. മൂ​ന്നാം ന​മ്പ​റി​ൽ വ​ല​തു വി​ങ്ങി​ൽ പ​ന്തു​ത​ട്ടാ​ൻ നി​യോ​ഗം ല​ഭി​ച്ച താ​രം, മ​ധ്യ​നി​ര​യി​ലേ​ക്ക് ഒ​ഴു​ക്കി​ന് തു​ട​ക്കം കു​റി​ച്ചു​കൊ​ണ്ട് ഏ​ൽ​പി​ച്ച ജോ​ലി ഭം​ഗി​യാ​യി നി​ർ​വ​ഹി​ക്കു​ക​യും ചെ​യ്തു. ആ​ദ്യ​പ​കു​തി​യി​ൽ പൂ​ർ​ണ സ​മ​യ​വും, ര​ണ്ടാം പ​കു​തി​യി​ൽ 15 മി​നി​റ്റോ​ള​വും ക​ളി​ച്ച ശേ​ഷം 60ാം മി​നി​റ്റി​ലാ​ണ് ത​ഹ്സീ​ൻ ക​ളം വി​ടു​ന്ന​ത്. ഇ​തി​നി​ടെ മു​ൻ​നി​ര​യി​ലേ​ക്ക് മി​ക​ച്ച നീ​ക്ക​ങ്ങ​ൾ ഒ​രു​ക്കി​യും, ഗോ​ളെ​ന്നു​റ​പ്പി​ച്ച ഏ​താ​നും നീ​ക്ക​ങ്ങ​ളി​ലേ​ക്ക് പ​ന്തെ​ത്തി​ച്ചും സാ​ന്നി​ധ്യ​മ​റി​യി​ച്ചു. പ​ന്ത​ട​ക്ക​ത്തി​ലും ഷോ​ട്ടി​ലും ആ​ക്ര​മ​ണ​ത്തി​ലും എ​തി​രാ​ളി​ക​ൾ​ക്കു മേ​ൽ വ്യ​ക്ത​മാ​യ മേ​ധാ​വി​ത്വം ഖ​ത്ത​റി​ന്റെ യു​വ​നി​ര​ക്കാ​യി​രു​ന്നു. എ​ങ്കി​ലും ഗോ​ൾ പി​റ​ക്കാ​തെ പോ​യ​ത് വി​ജ​യം നി​ഷേ​ധി​ച്ചു. ജൂ​ൺ 11ന് ​ദോ​ഹ​യി​ൽ ഇ​ന്ത്യ​ക്കെ​തി​രെ​യാ​ണ് ഖ​ത്ത​റി​ന്റെ ര​ണ്ടാം അ​ങ്കം.