ച​രി​ത്ര​ത്തി​ലേ​ക്കൊ​രു വി​സി​ൽ മു​ഴ​ക്കം

ദോ​ഹ: ഒ​രു വ​ർ​ഷം മു​മ്പ്​ ലോ​ക ഫു​ട്​​ബാ​ളി​ൽ പു​തു​ച​രി​ത്ര​മാ​യി വ​നി​താ റ​ഫ​റി​മാ​രു​ടെ അ​ര​ങ്ങേ​റ്റം കു​റി​ച്ച അ​തേ മ​ണ്ണി​ലൂ​ടെ ഏ​ഷ്യ​ൻ ഫു​ട്​​ബാ​ളി​ലും ഇ​ന്ന്​ ച​രി​ത്ര​പ്പി​റ​വി. ശ​നി​യാ​ഴ്​​ച ഉ​ച്ച​ക്ക്​ അ​ഹ്മ​ദ്​ ബി​ൻ അ​ലി സ്​​റ്റേ​ഡി​യ​ത്തി​ൽ ന​ട​ക്കു​ന്ന ഏ​ഷ്യ​ൻ ക​പ്പി​ൽ ഇ​ന്ത്യ​യും ആസ്ട്രേലിയയും ത​മ്മി​ലെ അ​ങ്കം നി​യ​ന്ത്രി​ക്കാ​നു​ള്ള നി​യോ​ഗ​വു​മാ​യി ജ​പ്പാ​നി​ൽ നി​ന്നു​ള്ള യോ​ഷി​മി യ​മാ​ഷി​ത​യി​റ​ങ്ങു​മ്പോ​ൾ പി​റ​ക്കു​ന്ന​ത്​ പു​തു ച​രി​ത്ര​മാ​വും. 37കാ​രി​യാ​യ യോ​ഷി​മി ച​രി​ത്ര​ത്തി​ലേ​ക്ക്​ ​വി​സി​ൽ മു​ഴ​ക്കുമ്പോ​ൾ കി​ക്കോ​ഫ്​ കു​റി​ക്കാ​നു​ള്ള നി​യോ​​ഗം ഇ​ന്ത്യ​യു​ടെ ഇ​തി​ഹാ​സ താ​രം സു​നി​ൽ ഛേത്രി​ക്കോ അ​ല്ലെ​ങ്കി​ൽ മ​റു പ​കു​തി​യി​ലെ ഓ​സീ​സ്​ മു​ന്നേ​റ്റ നി​ര​ക്കോ ആ​യി​രി​ക്കും.

യോ​ഷി​മി​യും ആ​സ്​​ട്രേ​ലി​യ​യു​ടെ കെ​യ്​​റ്റ്​ ജാ​സ്​​വി​ക്​​സു​മാ​ണ്​ ഏ​ഷ്യ​ൻ ക​പ്പ്​ മ​ത്സ​ര​ങ്ങ​ൾ നി​യ​ന്ത്രി​ക്കാ​നു​ള്ള റ​ഫ​റി​മാ​രു​ടെ പ​ട്ടി​ക​യി​ലെ വ​നി​ത​ക​ൾ. നി​ര​വ​ധി അ​ന്താ​രാ​ഷ്​​ട്ര മ​ത്സ​ര​ങ്ങ​ളു​ടെ പ​രി​ച​യ​മു​ള്ള​വ​രാ​ണ്​ ഇ​രു​വ​രും. ഇ​വ​ർ​ക്കു പു​റ​മെ മൂ​ന്ന്​ അ​സി​സ്​​റ്റ​ന്‍റ്​ റ​ഫ​റി​മാ​രും വ​ൻ​ക​ര മേ​ള​യു​ടെ പ​ട്ടി​ക​യി​ലു​ണ്ട്. ജ​പ്പാ​നി​ൽ നി​ന്നു​ള്ള ബൊ​സോ​നോ മ​കോ​ടോ, തെ​ഷി​റോ​ഗി ന​വോ​മി, ദ​ക്ഷി​ണ കൊ​റി​യ​യു​ടെ കിം ​യോ​ങ്​ മി​ൻ എ​ന്നി​വ​രാ​ണ​വ​ർ.

ലോ​ക​ക​പ്പ്​ ഫു​ട്​​ബാ​ളി​ന്​ ഫി​ഫ തി​ര​ഞ്ഞെ​ടു​ത്ത ആ​റു പേ​രി​ൽ ഒ​രാ​ളാ​യി​രു​ന്നു ടോ​ക്യോ​യി​ൽ നി​ന്നു​ള്ള യോ​ഷി​മി. ലോ​ക​ക​പ്പി​ൽ മെ​യി​ൻ റ​ഫ​റി​യാ​യി ക​ള​ത്തി​ലി​റ​ങ്ങി​യി​ല്ലെ​ങ്കി​ലും ആ​റു മ​ത്സ​ര​ങ്ങ​ളു​ടെ ഫോ​ർ​ത്​ ഒ​ഫീ​ഷ്യ​ലാ​യി ഇ​വ​രു​ണ്ടാ​യി​രു​ന്നു. ക​ഴി​ഞ്ഞ ജൂ​ലൈ​യി​ൽ ആ​സ്​​ട്രേ​ലി​യ​യി​ൽ ന​ട​ന്ന വ​നി​ത ലോ​ക​ക​പ്പി​ൽ മെ​യി​ൻ റ​ഫ​റി​യാ​യി. ഒ​മ്പ​തു വ​ർ​ഷം മു​മ്പാ​യി​രു​ന്നു യോ​ഷി​മി​യു​ടെ റ​ഫ​റി​യി​ങ്​ യാ​ത്ര​യു​ടെ തു​ട​ക്കം കു​റി​ക്കു​ന്ന​ത്. ഫി​ഫ​യു​ടെ​യും എ.​എ​ഫ്.​സി​യു​ടെ​യും റ​ഫ​റി​യി​ങ്​ ലൈ​സ​ൻ​സ്​ സ്വ​ന്ത​മാ​ക്കി​യ​തി​നു പി​ന്നാ​ലെ ജ​പ്പാ​ൻ ആ​ഭ്യ​ന്ത​ര ലീ​ഗു​ക​ളി​ലൂ​ടെ ക​ള​ത്തി​ൽ സ​ജീ​വ​മാ​യി​ത്തു​ട​ങ്ങി. ജ​പ്പാ​ൻ ലീ​ഗി​ലെ മൂ​ന്നാം ഡി​വി​ഷ​നു​ക​ളി​ലും പി​ന്നീ​ട്, ര​ണ്ട്, ഒ​ന്ന്​ ലീ​ഗു​ക​ളി​ലും ക​ളി നി​യ​ന്ത്രി​ച്ച ഇ​വ​ർ 2019 വ​നി​താ ലോ​ക​ക​പ്പ്, ഒ​ളി​മ്പി​ക്​​സ്​ തു​ട​ങ്ങി​യ അ​ന്താ​രാ​ഷ്​​്ട്ര മ​ത്സ​ര​ങ്ങ​ളു​ടെ​യും ഭാ​ഗ​മാ​യി. അ​തി​ന്‍റെ തു​ട​ർ​ച്ച​യാ​യാ​ണ്​ ക​ഴി​ഞ്ഞ ലോ​ക​ക​പ്പ്​ സം​ഘ​ത്തി​ന്‍റെ ഭാ​ഗ​മാ​യ​ത്. ജ​പ്പാ​ൻ ലീ​ഗി​ൽ വി​വി​ധ ടൂ​ർ​ണ​മെ​ന്‍റു​ക​ളി​ലും എ.​എ​ഫ്.​സി ചാ​മ്പ്യ​ൻ​സ്​ ലീ​ഗി​ലും തു​ട​ങ്ങി പു​രു​ഷ ഫു​ട്​​ബാ​ളു​ക​ൾ നി​യ​ന്ത്രി​ച്ച പ​രി​ച​യ​വു​മാ​യാ​ണ്​ വ​ൻ​ക​ര​യു​ടെ അ​ങ്ക​ത്തി​നും വി​സി​ൽ എ​ടു​ക്കു​ന്ന​ത്.

ഖ​ത്ത​റി​ൽ ന​ട​ന്ന ലോ​ക​ക​പ്പ്​ ഫു​ട്​​ബാ​ളി​ൽ ബെ​ൽ​ജി​യം-​കാ​ന​ഡ ഗ്രൂ​പ്​ മാ​ച്ചി​ൽ ഫോ​ർ​ത്​ ഒ​ഫീ​ഷ്യ​ലാ​യാ​ണ്​ സേ​വ​നം അ​നു​ഷ്​​ഠി​ച്ച​ത്. വ​നി​താ ലോ​ക​ക​പ്പി​ൽ നോ​ർ​വേ- ന്യൂ​സി​ല​ൻ​ഡ്​ മ​ത്സ​ര​ത്തി​നി​ടെ ഗ്രൗ​ണ്ടി​ൽ നി​ന്ന്​ വി​ഡി​യോ അ​സി. റ​ഫ​റി​യു​മാ​യി മൈ​ക്കി​ൽ സം​സാ​രി​ച്ച്​ വ​നി​താ ഫു​ട്​​ബാ​ളി​ൽ ആ​ദ്യ പെ​നാ​ൽ​റ്റി അ​നു​വ​ദി​ച്ച റ​ഫ​റി​യെ​ന്ന റെ​ക്കോ​ഡും ഇ​വ​രു​ടെ പേ​രി​ലാ​ണ്.

38കാ​രി​യാ​യ കെ​യ്​​റ്റ്​ ജാ​സ്​​വി​സ്​ 2008 മു​ത​ൽ റ​ഫ​റി​യി​ങ്ങി​ൽ സ​ജീ​വ​മാ​ണ്. ആ​സ്​​ട്രേ​ലി​യ​ൻ വ​നി​താ ലീ​ഗി​ൽ മ​ത്സ​രം നി​യ​ന്ത്രി​ച്ചു​കൊ​ണ്ടാ​യി​രു​ന്നു ഇ​വ​രു​ടെ തു​ട​ക്കം. 2020ലാ​ണ്​ എ ​ലീ​ഗ്​ റ​ഫ​റി​യാ​യ​ത്. 2019 വ​നി​ത ലോ​ക​ക​പ്പി​ൽ ര​ണ്ടു മ​ത്സ​ര​ങ്ങ​ൾ നി​യ​ന്ത്രി​ച്ചു, ഇ​ക്ക​ഴി​ഞ്ഞ വ​നി​താ ലോ​ക​ക​പ്പി​ലും ര​ണ്ടു മ​ത്സ​ര​ങ്ങ​ൾ​ക്ക്​ വി​സി​ലെ​ടു​ത്തി​രു​ന്നു.

ഇ​ന്ത്യ - ആ​സ്​​ട്രേ​ലി​യ മ​ത്സ​രം നി​യ​ന്ത്രി​ക്കു​ന്ന​ത്​ ഇ​വ​ർ

• മെ​യി​ൻ റ​ഫ​റി: യോ​ഷി​മി യ​മാ​ഷി​ത (ജ​പ്പാ​ൻ)
• അ​സി. റ​ഫ​റി: 1 ബൊ​സോ​നോ മ​കോ​ടോ,
• 2 തെ​ഷി​റോ​ഗി ന​വോ​മി (ഇ​രു​വ​രും ജ​പ്പാ​ൻ)