വാണിമേൽ സ്വദേശി ദോഹയിൽ ഹൃദയാഘാതത്തെ തുടർന്ന്​ മരിച്ചു

ദോഹ: കോഴിക്കോട് വാണിമേൽ സ്വദേശി പരപ്പുപാറ മയങ്ങിയിൽ അബുവിൻെറ മകൻ ജംഷിദ് (35) ദോഹയിൽ മരിച്ചു. വ്യാഴാഴ്ച രാത്രി ദോഹയിൽ നിന്നും 60 കിലോമീറ്റർ അകലയുള്ള അൽഖോറിലെ ബീച്ചിൽ കുളിക്കാൻ പോയ ജംഷിദ് വെള്ളിയാഴ്ച പുലർച്ചെ ഹൃദയാഘാതത്തെ തുടർന്നാണ് മരിച്ചത്.

ശാരീരികാസ്വാസ്​ഥ്യത്തെ തുടർന്ന്​ ഉടൻ ആംബുലൻസിൽ ആശുപത്രിയിലെത്തിക്കാൻ ശ്രമിച്ചെങ്കിലും മരണപ്പെടുകയായിരുന്നു. മയ്യത്ത് നടപടി ക്രമങ്ങൾ പൂർത്തിയാക്കി നാട്ടിലെത്തിക്കാനുള്ള ശ്രമങ്ങൾ നടക്കുന്നുണ്ട്.

മാതാവ് ജമീല. ഭാര്യ: മുഹ്സിന (ദേവർകോവിൽ). മക്കൾ: ഫാത്തിമ (അഞ്ചു വയസ്സ്​) ഹവ്വ (മൂന്ന്​ വയസ്സ്​), മുഹമ്മദ് (ഏഴു മാസം).