കൗ​മാ​ര ഫു​ട്ബാ​ൾ ലോ​ക​ക​പ്പ് തീ​യ​തി കു​റി​ച്ചു

ദോ​ഹ: ഖ​ത്ത​ർ വേ​ദി​യൊ​രു​ക്കു​ന്ന കൗ​മാ​ര ലോ​ക​ക​പ്പ് ഫു​ട്ബാ​ളി​ന്റെ തീ​യ​തി പ്ര​ഖ്യാ​പി​ച്ച് ഫി​ഫ. 2025 ന​വം​ബ​ർ അ​ഞ്ച് മു​ത​ൽ 27 വ​രെ​യാ​ണ് അ​ണ്ട​ർ 17 ഫി​ഫ ലോ​ക​ക​പ്പി​ന് രാ​ജ്യം ആ​തി​ഥ്യ​മൊ​രു​ക്കു​ന്ന​ത്. ഫി​ഫ കൗ​ൺ​സി​ൽ തീ​രു​മാ​നം പ്ര​സി​ഡ​ന്റ് ജി​യാ​നി ഇ​ൻ​ഫ​ന്റി​നോ​യാ​ണ് ക​ഴി​ഞ്ഞ ദി​വ​സം രാ​ത്രി ഔ​ദ്യോ​ഗി​ക​മാ​യി പ്ര​ഖ്യാ​പി​ച്ച​ത്. ലോ​ക​ത്തെ ഏ​റ്റ​വും മി​ക​ച്ച കൗ​മാ​ര ഫു​ട്ബാ​ൾ താ​ര​ങ്ങ​ളു​ടെ പോ​രാ​ട്ട​മെ​ത്തു​ന്ന​തോ​ടെ വീ​ണ്ടു​മൊ​രു ലോ​ക​ക​പ്പ് മ​ത്സ​ര​ത്തി​നാ​ണ് രാ​ജ്യം വേ​ദി​യൊ​രു​ക്കു​ന്ന​ത്.

2025 മു​ത​ൽ 2029 വ​രെ​യു​ള്ള അ​ഞ്ച് അ​ണ്ട​ർ 17 ലോ​ക​ക​പ്പു​ക​ളു​​ടെ സ്ഥി​രം വേ​ദി​യാ​യി ഈ ​വ​ർ​ഷം ആ​ദ്യ​ത്തി​ലാ​ണ് ഫി​ഫ ഖ​ത്ത​റി​നെ തി​ര​ഞ്ഞെ​ടു​ത്ത​ത്. നേ​ര​ത്തെ ര​ണ്ടു വ​ർ​ഷ​ത്തി​ൽ ഒ​രി​ക്ക​ൽ ന​ട​ത്തി​യി​രു​ന്ന കൗ​മാ​ര​മേ​ള ആ​ദ്യ​മാ​യാ​ണ് വാ​ർ​ഷി​ക ടൂ​ർ​ണ​മെ​ന്റാ​യി മാ​റു​ന്ന​ത്. ടീ​മു​ക​ളു​ടെ എ​ണ്ണം 24ൽ​നി​ന്ന് 48 ആ​യും ഉ​യ​ർ​ത്തി.

അ​ന്താ​രാ​ഷ്ട്ര ഫു​ട്ബാ​ൾ സ​മൂ​ഹ​ത്തി​​ന്റെ നി​ര​ന്ത​ര ആ​വ​ശ്യ​വും വി​വി​ധ രാ​ജ്യ​ങ്ങ​ളി​ലെ നി​ല​വി​ലെ ഫു​ട്ബാ​ൾ അ​ടി​സ്ഥാ​ന സൗ​ക​ര്യ​ങ്ങ​ൾ ഫ​ല​പ്ര​ദ​മാ​യി ഉ​പ​യോ​ഗി​ക്കു​ക​യും ചെ​യ്യ​ണ​മെ​ന്ന നി​ർ​ദേ​ശ​ത്തെ തു​ട​ർ​ന്നാ​ണ് അ​ണ്ട​ർ 17 ടൂ​ർ​ണ​മെ​ന്റ് സ​മൂ​ല​മാ​റ്റ​ങ്ങ​ളോ​ടെ പ​രി​ഷ്ക​രി​ക്കു​ന്ന​തെ​ന്നാ​ണ് ഫി​ഫ നേ​ര​ത്തെ അ​റി​യി​ച്ച​ത്.

2022 ലോ​ക​ക​പ്പ് ഫു​ട്ബാ​ളി​ന് വേ​ദി​യാ​യ എ​ട്ടു സ്റ്റേ​ഡി​യ​ങ്ങ​ളും മ​റ്റു അ​ടി​സ്ഥാ​ന​സൗ​ക​ര്യ​ങ്ങ​ളും ഖ​ത്ത​റി​ന് കൗ​മാ​ര ലോ​ക​ക​പ്പി​ലൂ​ടെ വീ​ണ്ടും ഉ​പ​യോ​ഗ​പ്പെ​ടു​ത്താ​ൻ ക​ഴി​യും. 2023 ന​വം​ബ​ർ-​ഡി​സം​ബ​റി​ലാ​യി ഇ​ന്തോ​നേ​ഷ്യ​യി​ലാ​യി​രു​ന്നു ഏ​റ്റ​വും ഒ​ടു​വി​ലാ​യി അ​ണ്ട​ർ 17 ലോ​ക​ക​പ്പ് ന​ട​ന്ന​ത്.