സൗദിയിൽ 117 പേർക്ക് കൂടി കോവിഡ്

ജിദ്ദ: സൗദിയിൽ 117 പേർക്ക് കൂടി കോവിഡ് സ്ഥിരീകരിച്ചു. 236 പേർ രോഗമുക്തി നേടി. ഇതോടെ രാജ്യത്ത് റിപ്പോർട്ട് ചെയ്ത ആകെ കോവിഡ് കേസുകളുടെ എണ്ണം 7,53,241ഉം രോഗമുക്തരുടെ എണ്ണം 7,40,244ഉം ആയി. പുതുതായി മരണം റിപ്പോർട്ട് ചെയ്തിട്ടില്ല.

രാജ്യത്തെ ആകെ മരണം 9,075 ആണ്. നിലവിൽ 3,922 പേർ രോഗം ബാധിച്ച് ചികിത്സയിലുണ്ട്. ഇവരിൽ 46 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രി തീവ്രപരിചരണ വിഭാഗത്തിൽ ചികിത്സയിലാണ്. സൗദിയിൽ നിലവിലെ കോവിഡ് മുക്തിനിരക്ക് 98.27 ശതമാനവും മരണനിരക്ക് 1.21 ശതമാനവുമാണ്.

രാജ്യത്തെ പ്രധാന നഗരങ്ങളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: ജിദ്ദ 27, റിയാദ് 22, മദീന 19, മക്ക 16, ത്വാഇഫ് 8, അബഹ 3, ദമ്മാം 3, ജിസാൻ 3.