തൊ​ഴി​ൽ ചൂ​ഷ​ണ​ത്തി​നി​ര​യാ​യ മ​ല​യാ​ളി​ക​ളു​ൾ​പ്പെ​ടെ 12 പേ​രെ നാ​ട്ടി​ലെ​ത്തി​ച്ചു

റി​യാ​ദ്: കേ​ര​ള​ത്തി​ലെ റി​ക്രൂ​ട്ടി​ങ് ഏ​ജ​ൻ​സി​ക​ളു​ടെ ത​ട്ടി​പ്പി​നി​ര​യാ​യി സൗ​ദി​യി​ലെ​ത്തി​യ 12 തൊ​ഴി​ലാ​ളി​ക​ളെ സാ​മൂ​ഹി​ക​പ്ര​വ​ർ​ത്ത​ക​രും ഇ​ന്ത്യ​ൻ എം​ബ​സി​യും ചേ​ർ​ന്ന്​ നാ​ട്ടി​ലെ​ത്തി​ച്ചു. 11 മ​ല​യാ​ളി​ക​ളും ഒ​രു ഹി​മാ​ച​ൽ പ്ര​ദേ​ശു​കാ​ര​നും അ​ട​ങ്ങു​ന്ന സം​ഘ​മാ​ണ് ച​തി​യി​ൽ പെ​ട്ട​ത്.

അ​ഞ്ചു മാ​സം മു​മ്പ് 1,40,000 രൂ​പ വീ​തം വാ​ങ്ങി​യാ​ണ് കേ​ര​ള​ത്തി​ലെ 11 ജി​ല്ല​ക​ളി​ൽ​നി​ന്നാ​യി 11ഉം ​മ​റ്റ്‌ സം​സ്ഥാ​ന​ങ്ങ​ളി​ൽ​നി​ന്നാ​യി 40ഓ​ളം പേ​രെ​യും ഏ​ജ​ൻ​സി സൗ​ദി​യി​ലെ ഹാ​ഇ​ലി​ൽ എ​ത്തി​ച്ച​ത്. മ​ല​പ്പു​റം തി​രൂ​രി​ലെ​യും അ​ങ്ക​മാ​ലി​യി​ലെ​യും ട്രാ​വ​ൽ ഏ​ജ​ൻ​സി​ക​ളാ​ണ്​ ഇ​വ​രെ റി​ക്രൂ​ട്ട്​ ചെ​യ്​​ത​ത്.

മി​നി​മം ശ​മ്പ​ളം 1500 റി​യാ​ൽ, ഓ​വ​ർ ടൈം, ​ക​മീ​ഷ​ൻ, താ​മ​സം, ഭ​ക്ഷ​ണം എ​ന്നി​വ​ വാ​ഗ്​​ദാ​നം ചെ​യ്​​താ​ണ്​ ഡ്രൈ​വ​ർ ജോ​ലി​ക്കെ​ന്ന്​ പ​റ​ഞ്ഞ്​ ക​യ​റ്റി​വി​ട്ട​ത്​. താ​മ​സ​രേ​ഖ​യും (ഇ​ഖാ​മ) ഡ്രൈ​വി​ങ്​ ലൈ​സ​ൻ​സും ക​മ്പ​നി എ​ടു​ത്തു​ന​ൽ​കു​മെ​ന്നാ​ണ്​ പ​റ​ഞ്ഞി​രു​ന്ന​ത്. നാ​ട്ടി​ൽ തൊ​ഴി​ൽ ക​രാ​ർ ഒ​പ്പു​വെ​ക്കു​േ​മ്പാ​ൾ അ​തി​ൽ ലേ​ബ​ർ എ​ന്നാ​ണ്​ ത​സ്​​തി​ക​യാ​യി രേ​ഖ​പ്പെ​ടു​ത്തി​യി​രു​ന്ന​ത്. ഇ​ത് ചോ​ദ്യം ചെ​യ്ത​പ്പോ​ൾ സൗ​ദി​യി​ലെ​ത്തി​യാ​ൽ പു​തി​യ ക​രാ​ർ ന​ൽ​കു​മെ​ന്നും അ​തി​ൽ ഡ്രൈ​വ​റാ​യി​രി​ക്കു​മെ​ന്നും ഏ​ജ​ൻ​സി വി​ശ്വ​സി​പ്പി​ച്ചു. എ​ന്നാ​ൽ, ആ​ദ്യ ഒ​രു മാ​സം ജോ​ലി ന​ൽ​കി​യി​ല്ലെ​ന്ന് മാ​ത്ര​മ​ല്ല, ഭ​ക്ഷ​ണ​മോ കു​ടി​വെ​ള്ള​മോ പോ​ലും ന​ൽ​കി​യി​ല്ലെ​ന്ന് തൊ​ഴി​ലാ​ളി​ക​ൾ പ​റ​യു​ന്നു. നാ​ട്ടി​ൽ​നി​ന്ന് പ​ണം വ​രു​ത്തി​യാ​ണ് ആ​ദ്യ ര​ണ്ട് മാ​സം നി​ത്യ​ചെ​ല​വു​ക​ൾ ന​ട​ത്തി​യ​ത്.

ഒ​രു മാ​സ​ത്തി​നു​ശേ​ഷം ഇ​ഖാ​മ ന​ൽ​കി​യെ​ങ്കി​ലും പ്ര​ഫ​ഷ​ൻ ശു​ചീ​ക​ര​ണ​ തൊ​ഴി​ലാ​ളി​ക​ളു​ടേ​താ​യി​രു​ന്നു. ഈ ​വി​ഷ​യം നാ​ട്ടി​ലെ ഏ​ജ​ൻ​സി​യെ അ​റി​യി​ച്ച​പ്പോ​ൾ അ​ത് താ​ൽ​ക്കാ​ലി​ക ഇ​ഖാ​മ​യാ​ണെ​ന്നും ലൈ​സ​ൻ​സ് എ​ടു​ത്ത​തി​ന് ശേ​ഷം പ്ര​ഫ​ഷ​ൻ മാ​റ്റി പു​തി​യ ഇ​ഖാ​മ ന​ൽ​കു​മെ​ന്നും അ​റി​യി​ച്ചു. ഒ​രു​മാ​സ​ത്തി​നു​ശേ​ഷം ലൈ​സ​ൻ​സ് ന​ട​പ​ടി​ക​ൾ​ക്കാ​യി റ​ഫ എ​ന്ന സ്ഥ​ല​ത്തേ​ക്ക്​ തൊ​ഴി​ലാ​ളി​ക​ളെ മാ​റ്റി. അ​വി​ടെ​യും താ​മ​സി​ക്കാ​ൻ ഒ​രു മു​റി മാ​ത്ര​മാ​ണ് ന​ൽ​കി​യ​ത്. ലൈ​സ​ൻ​സ് എ​ടു​ത്തു​ന​ൽ​കി. പ​ക്ഷേ, ഏ​ജ​ൻ​സി പ​റ​ഞ്ഞ​തു​പോ​ലെ പ്ര​ഫ​ഷ​ൻ മാ​റ്റു​ക​യോ പു​തി​യ ഇ​ഖാ​മ ന​ൽ​കു​ക​യോ ചെ​യ്തി​ല്ല.

ലൈ​സ​ൻ​സ് കി​ട്ടി​യി​ട്ടും ജോ​ലി ന​ൽ​കാ​ൻ ക​മ്പ​നി ത​യാ​റാ​യി​ല്ല. ഇ​തി​നി​ട​യി​ൽ പൊ​ലീ​സ്​ പ​രി​ശോ​ധ​ന​യി​ൽ ഇ​ഖാ​മ​യി​ൽ കാ​ണി​ച്ച തൊ​ഴി​ല​ല്ല ചെ​യ്യു​ന്ന​തെ​ന്ന് ക​ണ്ട് ഒ​രാ​ളെ പി​ടി​കൂ​ടി ശി​ക്ഷി​ച്ചു. ഇ​തോ​ടെ ബാ​ക്കി​യു​ള്ള​വ​ർ ഭ​യ​ന്നു. എ​ന്നാ​ൽ, ക​മ്പ​നി പ്ര​ഫ​ഷ​ൻ മാ​റ്റാ​ൻ ത​യാ​റാ​യി​ല്ല. മൂ​ന്ന് മാ​സ​ത്തി​ന്​ ശേ​ഷ​മാ​ണ്​ ശ​മ്പ​ളം ന​ൽ​കി​യ​ത്. അ​ത്​ 900 റി​യാ​ൽ മാ​ത്ര​മാ​യി​രു​ന്നു. മൂ​ന്നു​മാ​സം ക​ഴി​ഞ്ഞി​ട്ടും വാ​ഗ്​​ദാ​നം ചെ​യ്ത ജോ​ലി ന​ൽ​കാ​താ​യ​പ്പോ​ൾ ഈ ​രീ​തി​യി​ൽ തു​ട​രാ​നാ​വി​ല്ലെ​ന്നും ജോ​ലി​യി​ല്ലെ​ങ്കി​ൽ നാ​ട്ടി​ലേ​ക്ക് തി​രി​ച്ച​യ​ക്ക​ണ​മെ​ന്നും ആ​വ​ശ്യ​പ്പെ​ട്ടു. പ​രാ​തി ന​ൽ​കി​യ 12 പേ​രെ​യും ജോ​ലി​ക്കെ​ന്ന് പ​റ​ഞ്ഞ് അ​ടു​ത്ത ദി​വ​സം റി​യാ​ദി​ലെ വൃ​ത്തി​ഹീ​ന​മാ​യ ക്യാ​മ്പി​ൽ എ​ത്തി​ച്ചു. തു​ട​ർ​ച്ച​യാ​യി നാ​ല് ദി​വ​സ​ത്തേ​ക്ക് ആ​രും ഇ​വ​രെ തി​രി​ഞ്ഞു​നോ​ക്കി​യി​ല്ല. ത​ങ്ങ​ൾ വ​ഞ്ചി​ക്ക​പ്പെ​ട്ടെന്ന് മ​ന​സ്സി​ലാ​ക്കി​യ തൊ​ഴി​ലാ​ളി​ക​ൾ ആ​ദ്യം നാ​ട്ടി​ലെ ഏ​ജ​ൻ​സി​യെ അ​റി​യി​ച്ചെ​ങ്കി​ലും വ​ള​രെ മോ​ശ​മാ​യാ​ണ് അ​വ​ർ പ്ര​തി​ക​രി​ച്ച​തെ​ന്ന് തൊ​ഴി​ലാ​ളി​ക​ൾ പ​റ​ഞ്ഞു. തു​ട​ർ​ന്ന് സു​ഹൃ​ത്തു​ക്ക​ൾ വ​ഴി റി​യാ​ദി​ലെ കേ​ളി ക​ലാ​സാം​സ്കാ​രി​ക വേ​ദി​യു​മാ​യി ബ​ന്ധ​പ്പെ​ടു​ക​യും ഇ​ന്ത്യ​ൻ എം​ബ​സി​ക്ക് പ​രാ​തി ന​ൽ​കു​ക​യും ചെ​യ്തു.

എം​ബ​സി അ​റ്റാ​ഷെ മീ​നാ ഭ​ഗ​വാ​ൻ, ഫ​സ്​​റ്റ്​ സെ​ക്ര​ട്ട​റി മോ​യി​ൻ അ​ക്ത​ർ, ഉ​ദ്യോ​ഗ​സ്ഥനാ​യ ഹ​രി എ​ന്നി​വ​ർ ഈ ​വി​ഷ​യ​ത്തി​ൽ ഏ​ജ​ൻ​സി​ക്കെ​തി​രെ ക​ർ​ശ​ന നി​ല​പാ​ട് എ​ടു​ത്ത​ത്തി​​ന്റെ ഫ​ല​മാ​യി ക​മ്പ​നി വ​ഴ​ങ്ങി. തൊ​ഴി​ലാ​ളി​ക​ൾ​ക്ക് കേ​ളി പ്ര​വ​ർ​ത്ത​ക​ർ ര​ണ്ട് മാ​സ​ത്തോ​ളം ഭ​ക്ഷ​ണ​വും വെ​ള്ള​വും മ​റ്റും എ​ത്തി​ച്ചു​ന​ൽ​കി. കേ​ളി സു​ലൈ ഏ​രി​യ ക​മ്മി​റ്റി പ്ര​വ​ർ​ത്ത​ക​രോ​ടൊ​പ്പം ശു​മൈ​സി​യി​ലെ മ​ക്ക സ്​​റ്റോ​ർ, പെ​ർ​ഫ​ക്ട് ഫാ​മി​ലി റെ​സ്​​റ്റോ​റ​ൻ​റ്​ എ​ന്നീ സ്ഥാ​പ​ന​ങ്ങ​ളാ​ണ്​ സ​ഹാ​യം ന​ൽ​കാ​ൻ രം​ഗ​ത്തു​ണ്ടാ​യി​രു​ന്ന​ത്. എം​ബ​സി​യു​ടെ ക​ർ​ശ​ന നി​ല​പാ​ടി​ൽ ര​ണ്ട് മാ​സ​ത്തി​നൊ​ടു​വി​ൽ ഇ​വ​രു​ടെ പ്ര​ശ്ന​ങ്ങ​ൾ​ക്ക് പ​രി​ഹാ​ര​മാ​യി. എ​ല്ലാ​വ​രും നാ​ട്ടി​ലേ​ക്ക്​ തി​രി​ച്ചു.

ദുരിതക്കയം താണ്ടി മലയാളികളായ 11 തൊഴിലാളികൾ നാട്ടിലേക്ക് മടങ്ങി

ഡോ​ർ ഡെ​ലി​വ​റി ഡ്രൈ​വ​ർ ജോ​ലി​ക്കെ​ത്തി​യ​വ​രാ​ണ് വ​ഞ്ചി​ക്ക​പ്പെ​ട്ട​ത്

റി​യാ​ദ്: റി​യാ​ദി​ലെ സ്വ​കാ​ര്യ മാ​ൻ​പ​വ​ർ ക​മ്പ​നി​യി​ൽ ഡോ​ർ ഡെ​ലി​വ​റി ഡ്രൈ​വ​ർ​മാ​രാ​യി ജോ​ലി​ക്കെ​ത്തി​യ മ​ല​യാ​ളി​ക​ളാ​യ 11 തൊ​ഴി​ലാ​ളി​ക​ൾ അ​ഞ്ച് മാ​സ​ത്തെ ദു​രി​ത​പൂ​ർ​ണ​മാ​യ ദി​വ​സ​ങ്ങ​ൾ ക​ഴി​ച്ചു​കൂ​ട്ടി നാ​ട്ടി​ലേ​ക്ക് മ​ട​ങ്ങി. അ​നി​ശ്ചി​ത​ത്വ​ത്തി​ന്റെ​യും നി​ർ​ഭാ​ഗ്യ​ത്തി​ന്റെ​യും ക​യ്പു​നീ​ർ കു​ടി​ച്ചാ​ണ് ആ ​ഹ​ത​ഭാ​ഗ്യ​ർ സൗ​ദി വി​ട്ട​ത്. പ്രി​യ​പ്പെ​ട്ട​വ​രു​ടെ സ്വ​ർ​ണ​വും കെ​ട്ടു​താ​ലി​യു​മ​ട​ക്കം വി​റ്റും പ​ണ​യ​പ്പെ​ടു​ത്തി​യു​മാ​ണ് സ്വ​പ്ന​ഭൂ​മി​യി​ലേ​ക്ക് പ​റ​ന്നി​റ​ങ്ങി​യ​ത്. എ​ന്നാ​ൽ, വാ​ഗ്ദാ​നം ചെ​യ്ത ജോ​ലി​യോ പ​ക​രം സം​വി​ധാ​ന​ങ്ങ​ളോ ല​ഭി​ക്കാ​തെ അ​വ​ർ പെ​രു​വ​ഴി​യി​ലാ​യി. ഒ​ടു​വി​ൽ ഇ​ന്ത്യ​ൻ എം​ബ​സി​യു​ടെ​യും സാ​മൂ​ഹി​ക സം​ഘ​ട​ന​ക​ളു​ടെ​യും സ​ഹാ​യം കൊ​ണ്ടാ​ണ് നാ​ട്ടി​ലേ​ക്ക് പോ​യ​ത്.

3,000 റി​യാ​ൽ ശ​മ്പ​ള​വും മ​റ്റ് ആ​നു​കൂ​ല്യ​ങ്ങ​ളും വാ​ഗ്ദാ​നം ചെ​യ്യ​പ്പെ​ട്ടാ​ണ് മ​ല​പ്പു​റം ജി​ല്ല​യി​ലെ തി​രൂ​ർ കേ​ന്ദ്ര​മാ​യ ട്രാ​വ​ൽ ഏ​ജ​ൻ​സി മു​ഖേ​ന റി​യാ​ദി​ലേ​ക്ക് പു​റ​പ്പെ​ട്ട​ത്. പു​തു​താ​യി തു​ട​ങ്ങു​ന്ന ഫു​ഡ്​ ഡെ​ലി​വ​റി ക​മ്പ​നി​യി​ൽ ജോ​ലി ന​ൽ​കു​മെ​ന്നാ​ണ് നാ​ട്ടി​ൽ​നി​ന്ന് പ​റ​ഞ്ഞ​ത്. എ​ന്നാ​ൽ, ഇ​വി​ടെ​യെ​ത്തി​യ​പ്പോ​ൾ ജോ​ലി​യും കൂ​ലി​യു​മി​ല്ലാ​ത്ത അ​വ​സ്ഥ​യാ​യി​രു​ന്നു. ശോ​ച​നീ​യ​മാ​യ താ​മ​സ​സ്ഥ​ലം. വ​ല്ല​പ്പോ​ഴും ല​ഭി​ക്കു​ന്ന ‘ദാ​ലും റൊ​ട്ടി’​യു​മാ​യി​രു​ന്നു ഭ​ക്ഷ​ണം.

ചി​ല സാ​മൂ​ഹി​ക​പ്ര​വ​ർ​ത്ത​ക​ർ ക്യാ​മ്പി​ൽ ഇ​ട​ക്ക് ഭ​ക്ഷ​ണ​മെ​ത്തി​ച്ച​ത് അ​വ​ർ​ക്ക് ഏ​റെ ആ​ശ്വാ​സ​മാ​യി​രു​ന്നു. സാ​മൂ​ഹി​ക​പ്ര​വ​ർ​ത്ത​ക​രു​ടെ ഇ​ട​പെ​ട​ലി​നെ തു​ട​ർ​ന്ന് എം​ബ​സി​യി​ൽ പ​രാ​തി ന​ൽ​കു​ക​യും തു​ട​ർ​ന്ന് ഇ​ന്ത്യ​ൻ എം​ബ​സി അ​വ​രു​ടെ തി​രി​ച്ചു​പോ​ക്കി​നു​ള്ള സം​വി​ധാ​നം ഒ​രു​ക്കു​ക​യു​മാ​യി​രു​ന്നു. പ്ര​വാ​സി വെ​ൽ​ഫെ​യ​ർ പ്ര​വ​ർ​ത്ത​ക​രാ​യ നി​ഹ്​​മ​ത്തു​ല്ല, ബ​ഷീ​ർ പാ​ണ​ക്കാ​ട്, റി​ഷാ​ദ് എ​ള​മ​രം, ശി​ഹാ​ബ് കു​ണ്ടൂ​ർ എ​ന്നി​വ​രാ​ണ് അ​വ​സാ​ന ഘ​ട്ടം​വ​രെ തു​ണ​യാ​വു​ക​യും യാ​ത്രാ​സം​ബ​ന്ധ​മാ​യ കാ​ര്യ​ങ്ങ​ളി​ൽ സ​ഹാ​യി​ക്കു​ക​യും ചെ​യ്ത​ത്. 11 പേ​ർ ഇ​തി​ന​കം നാ​ട്ടി​ൽ എ​ത്തി​യ​താ​യി അ​വ​ർ അ​റി​യി​ച്ചു. നാ​ട്ടി​ലെ​ത്തി​യാ​ൽ ട്രാ​വ​ൽ​സി​നെ​തി​രെ ‘നോ​ർ​ക്ക’​യി​ലും പൊ​ലീ​സി​ലും പ​രാ​തി ന​ൽ​കും.