പട്രോളിങ്​ ഉദ്യോഗസ്​ഥർക്ക്​ നേരെയുണ്ടായ  ഭീകരാ​ക്രമണം: ഒ.​െഎ.സി അപലപിച്ചു

ജിദ്ദ: കിഴക്കൻ മേഖലയിലെ ഖത്തീഫിലെ ഹയ്യ്​ മസൂറയിൽ സുരക്ഷ ജോലിക്കിടെ പൊലീസ്​ പട്രോളിങ്​ ഉദ്യോഗസ്​ഥർക്ക്​ നേരെയുണ്ടായ ഭീകരാ​ക്രമണത്തെ ഒാർഗനൈസേഷൻ ഒാഫ്​ ഇസ്​ലാമിക്​ കോ ഒാപറേഷൻ (ഒ.​െഎ.സി) അപലപിച്ചു. ഭീകരത നിർമാർജ്ജനത്തിനും രാജ്യത്ത്​ സമാധാനവും സ്​ഥിരതയും ഉൗട്ടിയുറപ്പിക്കുന്നതിനും മേഖലയിലും ലോകത്തും സമാധാനം  നിലനിർത്തുന്നതിനും സൗദി അറേബ്യ സ്വീകരിക്കുന്ന എല്ലാ നടപടികൾക്കും ഒ.​െഎ.സിയ​ുടെ പിന്തുണയുണ്ടാകുമെന്ന്​ ജനറൽ സെക്രട്ടറി ഡോ. യൂസുഫ്​ ബിൻ അഹ്​മദ്​ അൽഉസൈമീൻ പറഞ്ഞു. 
ഒ.​െഎ.സിക്ക് ഉറച്ച നിലപാടാണുള്ളത്​. എല്ലാതരം ഭീകരതയേയും അത്​ അപലപിക്കുന്നു. ഭീകരത നിർമാർജനം  ചെയ്യുകയും അതി​​​െൻറ കാരണങ്ങളെ  ഇല്ലാതാക്കുകയും ചെയ്യണമെന്നും ഒ.​െഎ.സി. സെക്രട്ടറി ജനറൽ പറഞ്ഞു. 
മരിച്ചവർക്ക്​  അനുശോചനം രേഖപ്പെടുത്തുന്നതായും പരിക്കേറ്റവർ വേഗം സുഖം പ്രാപിക്ക​െട്ടയെന്നും അദ്ദേഹം ​പറഞ്ഞു.