59 പു​രാ​വ​സ്തു കേ​ന്ദ്ര​ങ്ങ​ൾ​കൂ​ടി സൗ​ദി ദേ​ശീ​യ പൈ​തൃ​ക ര​ജി​സ്​​റ്റ​റി​ൽ

യാം​ബു: സൗ​ദി അ​റേ​ബ്യ​യി​ൽ 59 പു​രാ​വ​സ്തു കേ​ന്ദ്ര​ങ്ങ​ളെ​കൂ​ടി ദേ​ശീ​യ പൈ​തൃ​ക ര​ജി​സ്​​റ്റ​റി​ൽ ഉ​ൾ​പ്പെ​ടു​ത്തി​യ​താ​യി സൗ​ദി ഹെ​റി​റ്റേ​ജ് ക​മീ​ഷ​ൻ ക​ഴി​ഞ്ഞ ദി​വ​സം പ്ര​ഖ്യാ​പി​ച്ചു. ഇ​തോ​ടെ ര​ജി​സ്​​റ്റ​ർ ചെ​യ്യ​പ്പെ​ട്ട ആ​കെ കേ​ന്ദ്ര​ങ്ങ​ളു​ടെ എ​ണ്ണം 8847 ആ​യി ഉ​യ​ർ​ന്നു. ത​ബൂ​ക്ക് മേ​ഖ​ല​യി​ൽ​നി​ന്ന് 22ഉം ​അ​ൽ​ജൗ​ഫി​ൽ 14ഉം ​ജീ​സാ​നി​ൽ ആ​റും ഹാ​ഇ​ലി​ൽ അ​ഞ്ചും അ​സീ​ർ, മ​ദീ​ന മേ​ഖ​ല​ക​ളി​ൽ നി​ന്ന് നാ​ലു​ വീ​ത​വും മ​ക്ക മേ​ഖ​ല​യി​ൽ​നി​ന്ന് മൂ​ന്നും ഖ​സീം പ്ര​വി​ശ്യ​യി​ൽ​നി​ന്ന് ഒ​ന്നും പു​രാ​വ​സ്​​തു​കേ​ന്ദ്ര​ങ്ങ​ളെ​യാ​ണ്​ പു​തു​താ​യി പൈ​തൃ​ക പ​ട്ടി​ക​യി​ൽ ഉ​ൾ​പ്പെ​ടു​ത്തി​യ​തെ​ന്ന്​ സൗ​ദി ക​മീ​ഷ​ൻ ഫോ​ർ ടൂ​റി​സം ആ​ൻ​ഡ് നാ​ഷ​ന​ൽ ഹെ​റി​റ്റേ​ജ് (എ​സ്.​സി.​ടി.​എ​ച്ച്) അ​തോ​റി​റ്റി അ​റി​യി​ച്ചു.

രാ​ജ്യ​ത്തെ പൈ​തൃ​ക​കേ​ന്ദ്ര​ങ്ങ​ളും പു​രാ​വ​സ്തു പ്ര​ദേ​ശ​ങ്ങ​ളും ച​രി​ത്ര​ശേ​ഷി​പ്പു​ക​ളും സം​ര​ക്ഷി​ക്കു​ന്ന​തി​നു വേ​ണ്ടി​യാ​ണ് എ​സ്.​സി.​ടി.​എ​ച്ച് ദേ​ശീ​യ ര​ജി​സ്​​റ്റ​ർ ആ​രം​ഭി​ച്ച​ത്. ച​രി​ത്ര​പ​ഠ​ന​ത്തി​നും പു​രാ​വ​സ്തു ഗ​വേ​ഷ​ണ​ത്തി​നും ശാ​സ്ത്രീ​യ​സൗ​ക​ര്യ​ങ്ങ​ളും സം​വി​ധാ​ന​ങ്ങ​ളു​മൊ​രു​ക്കി സ​മ​ഗ്ര വി​ക​സ​ന പ​ദ്ധ​തി​യാ​ണ് ഹെ​റി​റ്റേ​ജ് അ​തോ​റി​റ്റി ന​ട​പ്പാ​ക്കു​ന്ന​ത്. സൗ​ദി​യി​ലെ പു​രാ​വ​സ്തു, ച​രി​ത്ര​സ്ഥ​ല​ങ്ങ​ളും കേ​ന്ദ്ര​ങ്ങ​ളും ക​ണ്ടെ​ത്താ​നും അ​വ രേ​ഖ​പ്പെ​ടു​ത്താ​നും ര​ജി​സ്​​റ്റ​ർ ചെ​യ്യാ​നും സം​ര​ക്ഷി​ക്കാ​നു​മു​ള്ള ശ്ര​മ​ങ്ങ​ളു​ടെ ഭാ​ഗ​മാ​യി വൈ​വി​ധ്യ​മാ​ർ​ന്ന പ​ദ്ധ​തി​ക​ളാ​ണി​പ്പോ​ൾ പൂ​ർ​ത്തി​യാ​ക്കി വ​രു​ന്ന​ത്. രേ​ഖ​പ്പെ​ടു​ത്തി​യ സൈ​റ്റു​ക​ളു​ടെ സം​ര​ക്ഷ​ണം സു​ഗ​മ​മാ​ക്കു​ന്ന​തി​നാ​യി പ​ദ്ധ​തി​ക​ൾ ഒ​രു​ക്കി.

സൗ​ദി​യു​ടെ സാം​സ്‌​കാ​രി​ക പൈ​തൃ​ക സം​ര​ക്ഷ​ണ​ത്തി​നും ഡോ​ക്യു​​മെ​ന്‍റേ​ഷ​നും വേ​ണ്ടി​യു​ള്ള ഡി​ജി​റ്റ​ൽ റെ​ക്കോ​ഡ്​​സി​ൽ ഈ ​കേ​​ന്ദ്ര​ങ്ങ​ളെ ഉ​ൾ​പ്പെ​ടു​ത്തു​മെ​ന്ന് അ​ധി​കൃ​ത​ർ വ്യ​ക്ത​മാ​ക്കി. രാ​ജ്യ​ത്തെ പു​രാ​വ​സ്തു ശേ​ഷി​പ്പു​ക​ളും ച​രി​ത്ര​സ്ഥ​ല​ങ്ങ​ളും കേ​ന്ദ്ര​ങ്ങ​ളും ക​ണ്ടെ​ത്താ​നും അ​വ സം​ര​ക്ഷി​ക്കാ​നും റി​പ്പോ​ർ​ട്ട് ചെ​യ്യാ​നും രാ​ജ്യ​ത്തെ പൗ​ര​ന്മാ​രോ​ട് ഹെ​റി​റ്റേ​ജ് അ​തോ​റി​റ്റി സ​ഹ​ക​ര​ണം അ​ഭ്യ​ർ​ഥി​ച്ചു. ശ്ര​ദ്ധ​യി​ൽ​പെ​ട്ട​തും പ​ര്യ​വേ​ക്ഷ​ണം ചെ​യ്ത​തു​മാ​യ പ്ര​ധാ​ന പു​രാ​വ​സ്തു സ്ഥ​ല​ങ്ങ​ൾ https://contactcenter.moc.gov.sa എ​ന്ന പോ​ർ​ട്ട​ൽ വ​ഴി റി​പ്പോ​ർ​ട്ട് ചെ​യ്യാ​ൻ അ​തോ​റി​റ്റി ആ​ഹ്വാ​നം​ചെ​യ്തു.