സൗദിയിൽ 94 പേർക്കുകൂടി കോവിഡ്; തിങ്കളാഴ്ച 10 മരണം
text_fieldsറിയാദ്: സൗദി അറേബ്യയിൽ പ്രതിദിന കോവിഡ് കേസുകൾ കുറഞ്ഞ കണക്കിൽതന്നെ തുടരുന്നു. തിങ്കളാഴ്ച 94 പേർക്കാണ് പുതുതായി രോഗബാധ സ്ഥിരീകരിച്ചത്. കോവിഡ് ബാധിച്ച് ചികിത്സയിലായിരുന്ന 10 പേർ രാജ്യത്ത് വിവിധ ഭാഗങ്ങളിലായി മരിച്ചു.
166 രോഗബാധിതർ സുഖം പ്രാപിച്ചു. ഇതോടെ രാജ്യത്ത് റിപ്പോർട്ട് ചെയ്ത കോവിഡ് കേസുകളുടെ ആകെ എണ്ണം 3,63,155ഉം രോഗമുക്തരുടെ എണ്ണം 3,54,609ഉം ആയി. മരണസംഖ്യ 6256 ആയി ഉയർന്നു. അസുഖ ബാധിതരായി രാജ്യത്ത് ബാക്കിയുള്ളത് 2290 പേരാണ്. ഇതിൽ 347 പേർ മാത്രമാണ് ഗുരുതരാവസ്ഥയിലുള്ളത്. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമായി തുടരുന്നു.
കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 34, മക്ക 28, കിഴക്കൻ പ്രവിശ്യ 15, മദീന ആറ്, വടക്കൻ അതിർത്തി മേഖല മൂന്ന്, അൽജൗഫ് രണ്ട്, നജ്റാൻ രണ്ട്, തബൂക്ക്, അസീർ, ജീസാൻ, ഖസീം ഒന്നു വീതം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.