മസ്​തിഷ്​കാഘാതം ബാധിച്ച്​ ചികിത്സയിലായിരുന്ന മലയാളി മരിച്ചു

റിയാദ്​: മസ്​തിഷ്​കാഘാതം സംഭവിച്ച്​ ആശുപത്രിയിൽ ചികിത്സയിലിരുന്ന മലയാളി മരിച്ചു. മലപ്പുറം പരപ്പനങ്ങാടി പാലത്തിങ്ങൽ സ്വദേശി പനക്കൽ അബ്​ദുല്ലത്തീഫ് (46) ആണ് റിയാദിന്​ സമീപം​ അൽഖർജിലെ ആശുപത്രിയിൽ മരിച്ചത്​​.

ദീർഘകാലമായി അൽഖർജിൽ കഫ്തീരിയ തൊഴിലാളിയായിരുന്ന അബ്​ദുല്ലത്തീഫിനെ 10 ദിവസം മുമ്പാണ് തുടർന്ന് ആശുപത്രിയിൽ പ്രവേശിപ്പിച്ചത്. നടപടിക്രമങ്ങൾ പൂർത്തയാക്കി മൃതദേഹം അൽഖർജിൽ ഖബറടക്കുന്നതിനായി അൽഖർജ് കെ.എം.സി.സി വെൽഫയർ വിങ്​ രംഗത്തുണ്ട്.

ഭാര്യ: ഉമ്മു സൽമ. മക്കൾ: മുഹമ്മദ് മുഫ്‌ലിഹ്, മുഹമ്മദ് അഫ്‌ലഹ്, മുഹമ്മദ് നഫ്‌ലിഹ്, മുഹമ്മദ് സ്വാലിഹ്. സഹോദരങ്ങൾ: അബ്​ദുസ്സലാം, മുഹമ്മദ് അഷ്‌റഫ്.