കൊടിയത്തൂർ സ്വദേശി ജിദ്ദയിൽ നിര്യാതനായി

ജിദ്ദ: കോഴിക്കോട് കൊടിയത്തൂർ സ്വദേശി പി.കെ. സബീർ (40) ഹൃദയാഘാതം മൂലം ജിദ്ദയിൽ നിര്യാതനായി. യമാനി ബേക്കറിയിൽ ജോലി ചെയ്യുകയായിരുന്നു സബീർ.

രാവിലെ ആദ്യ ട്രിപ്പ് ജോലി അവസാനിച്ചു വീട്ടിൽ എത്തി വിശ്രമിക്കുന്നതിനിടയിൽ നെഞ്ച് വേദന അനുഭവപ്പെടുകയായിരുന്നു. ആശുപത്രിയിൽ കൊണ്ടുപോകുമ്പോഴാണ്​ മരണം.

കുടുംബം ജിദ്ദയിലുണ്ട്. ഭാര്യ സമീറ. രണ്ട് പെൺകുട്ടികൾ ഉൾപ്പെടെ മൂന്ന് മക്കളാണ്. പിതാവ്: പി.കെ. അബ്ദുറഹിമാൻ, മാതാവ്: ഉമയ്യ.