സന്ദർശന വിസയിലെത്തിയ മലപ്പുറം സ്വദേശി റിയാദിൽ നിര്യാതനായി

റിയാദ്: സന്ദർശന വിസയിൽ റിയാദിൽ മക​ന്റെ അടുത്തെത്തിയ മലപ്പുറം സ്വദേശി ആശുപത്രിയിൽ ചികിത്സയലിരിക്കെ മരിച്ചു. പെരിന്തൽമണ്ണ ആനമങ്ങാട് തൂത പാറലിലെ പാറകളത്തിൽ വീട്ടിൽ ഹംസ (71) ആണ്​ മരിച്ചത്. ശാരീരികാസ്വാസ്ഥ്യത്തെ തുടർന്നാണ് റിയാദ് ശുമൈസി കിങ്​ സഊദ്​ ആശുപത്രിയിൽ പ്രവേശിപ്പിച്ചത്. രണ്ട് മാസം മുമ്പാണ് ഭാര്യയുൾപ്പടെ കുടുംബസമേതം റിയാദിലെത്തിയത്.

പിതാവ്: പരേതനായ ബീരാൻകുട്ടി ഹാജി. മാതാവ്: കുന്നിരുമ്മ. ഭാര്യ: കുഞ്ഞിമ്മ. മക്കൾ: നിഷാദ്, റംസീന. മരണാനന്തര നടപടിക്രമങ്ങളുമായി റിയാദ് കെ.എം.സി.സി മലപ്പുറം ജില്ല വെൽഫെയർ വിങ്​ ചെയർമാൻ റഫീഖ് പുല്ലൂർ, ജനറൽ കൺവീനർ ഷറഫു പുളിക്കൽ, ഹനീഫ മുതുവല്ലൂർ, മജീദ് മണ്ണാർമല, ജാഫർ വീമ്പൂർ എന്നിവർ രംഗത്തുണ്ട്. മൃതദേഹം റിയാദിൽ ഖബറടക്കും.