യു.പി സ്വദേശി റിയാദിൽ ഹൃദയാഘാതം മൂലം മരിച്ചു

റിയാദ്: ഉത്തർപ്രദേശ് ബറൈലി​ സ്വദേശി റിയാദിൽ ഹൃദയാഘാതം മൂലം നിര്യാതനായി. നയിം അഹ്‌മദ്‌ (37) എന്നയാളാണ്​ റിയാദിലെ റിമാൽ ഡിസ്​ട്രിക്​റ്റിലുള്ള താമസസ്ഥലത്ത്​ മരിച്ചത്​. സ്വകാര്യ കമ്പനിയിൽ ജോലി ചെയ്​തിരുന്ന ഇയാൾ അവിവാഹിതനാണ്.

പിതാവ്: അബ്​ദുൽ റഷീദ് (പരേതൻ), മാതാവ്: സൽമ ഖാത്തൂൻ. മൃതദേഹം റിയാദിൽ ഖബറടക്കുന്നതിന്​ ആവശ്യമായ നടപടിക്രമങ്ങൾ പൂർത്തിയാക്കാൻ റിയാദ് കെ.എം.സി.സി വെൽഫെയർ വിങ്​ നേതാക്കളായ റഫീഖ് പുല്ലൂർ, ഉമർ അമാനത്ത്, ജാഫർ വീമ്പൂർ എന്നിവർ രംഗത്തുണ്ട്.