ലോ​ക​ത്തി​​ന്‍റെ ഭ​ക്ഷ​ണ വൈ​വി​ധ്യ​ങ്ങ​ൾ​ക്കാ​യി ജു​ബൈ​ലി​ൽ ഒ​രു തെ​രു​വ്​

ജു​ബൈ​ൽ: വ്യ​വ​സാ​യ ന​ഗ​ര​ത്തി​ലെ യാ​ന്ത്രി​ക ജീ​വി​ത​ത്തി​നി​ടെ ആ​സ്വാ​ദ്യ​ത​യു​ടെ രു​ചി​ഭേ​ദ​ങ്ങ​ൾ തേ​ടു​ന്ന പ്ര​വാ​സി​ക്ക് ജു​ബൈ​ൽ ന​ഗ​രം പ​റു​ദീ​സ​യൊ​രു​ക്കു​ന്നു. ഒ​രു തെ​രു​വ് മു​ഴു​വ​ൻ വൈ​വി​ധ്യ​ങ്ങ​ൾ നി​റ​ഞ്ഞ രു​ചി​ക്കൂ​ട്ടു​ക​ൾ നി​റ​ച്ച് സ്വാ​ഗ​ത​മ​രു​ളു​ക​യാ​ണ് ജു​ബൈ​ൽ കിം​സ് ആ​ശു​പ​ത്രി​ക്ക്‌ സ​മീ​പ​ത്തെ ഒ​രു ഭാ​ഗ​ത്താ​യു​ള്ള നി​ര​വ​ധി ഭ​ക്ഷ​ണ​ശാ​ല​ക​ൾ.

സൗ​ദി അ​റേ​ബ്യ​യു​ടെ കി​ഴ​ക്ക​ൻ പ്ര​വി​ശ്യ പ​ട്ട​ണ​മാ​യ ജു​ബൈ​ലി​ൽ നി​ര​വ​ധി പു​തി​യ റ​സ്​​റ്റാ​റ​ന്‍റു​ക​ളാ​ണ് ഉ​യ​രു​ന്ന​ത്. സൗ​ദി​യു​ടെ ‘വി​ഷ​ൻ 30’മാ​യി ബ​ന്ധ​പ്പെ​ട്ട വി​വി​ധ പ്രോ​ജ​ക്ടു​ക​ളു​ടെ ഭാ​ഗ​മാ​യി ഒ​രു​പാ​ടാ​ളു​ക​ൾ ജോ​ലി​ക്കും മ​റ്റു​മാ​യി ജു​ബൈ​ലി​ൽ എ​ത്തു​ന്ന​തി​ന്‍റെ ഭാ​ഗ​മാ​യാ​ണ് ഈ ​മാ​റ്റ​ങ്ങ​ൾ.

റി​യ​ൽ എ​സ്റ്റേ​റ്റ് മേ​ഖ​ല​യി​ലും ഈ ​ച​ല​നം കാ​ണാ​ൻ സാ​ധി​ക്കും. പ്ര​ധാ​ന​മാ​യും അ​റ​ബി​ക്, തു​ർ​ക്കി​ഷ്, ഇ​ന്ത്യ​ൻ, ഇ​റാ​ഖി, പാ​കി​സ്താ​നി, ബം​ഗാ​ളി, അ​ഫ്‌​ഗാ​നി വി​ഭ​വ​ങ്ങ​ളാ​ണ് സു​ല​ഭം. വ​ള​രെ ചെ​റി​യ ചു​റ്റ​ള​വി​ൽത​ന്നെ എ​ല്ലാ നാ​ടു​ക​ളു​ടെ​യും ത​ന​ത്​ രു​ചി​ക​ളു​മാ​യി റ​സ്റ്റാ​റ​ന്‍റു​ക​ളു​ണ്ടെ​ന്ന​താ​ണ്​ ഈ ​തെ​രു​വി​​ന്‍റെ പ്ര​ത്യേ​ക​ത.

മ​ല​യാ​ളി​ക​ൾ ധാ​രാ​ളം താ​മ​സി​ക്കു​ന്ന​തി​നാ​ൽ കേ​ര​ള​ത്തി​​ന്‍റെ ത​ന​ത്​ വി​ഭ​വ​ങ്ങ​ളു​ൾ​പ്പ​ടെ വി​ള​മ്പു​ന്ന മ​ല​യാ​ളി റ​സ്​​റ്റാ​റ​ന്‍റു​ക​ളും ഒ​ട്ടും കു​റ​വ​ല്ല. കി​ങ്​ ഫൈ​സ​ൽ റോ​ഡി​ൽ കിം​സ് ആ​ശു​പ​ത്രി പ​രി​സ​ര​ത്ത്​ ഒ​രു കി​ലോ​മീ​റ്റ​റി​നു​ള്ളി​ൽ ത​ന്നെ പ​ത്തോ​ളം റ​സ്​​റ്റാ​റ​ന്‍റു​ക​ൾ പ്ര​വ​ർ​ത്തി​ക്കു​ന്നു.

മ​ല​ബാ​ർ-​കോ​ഴി​ക്കോ​ട​ൻ വി​ഭ​വ​ങ്ങ​ൾ​ക്ക് പു​റ​മെ ചൈ​നീ​സ് വി​ഭ​വ​ങ്ങ​ളും ഇ​വി​ടെ ല​ഭ്യ​മാ​ണ്. ഇ​വി​ട​ത്തെ ചാ​യ​ക്ക​ട​ക​ളി​ൽ സ​മോ​വ​ർ ചാ​യ​ക്ക് വേ​ണ്ടി ക്യൂ ​നി​ൽ​ക്കു​ന്ന കാ​ഴ്ച ഏ​തൊ​രു മ​ല​യാ​ളി​യി​ലും ഗൃ​ഹാ​തു​ര​ത​യു​ണ​ർ​ത്തും എ​ന്ന​തി​ൽ അ​തി​ശ​യോ​ക്തി​യി​ല്ല.

ചാ​യ​യും കു​ടി​ച്ചു സൗ​ഹൃ​ദം പ​ങ്കു​വെ​ക്കു​ന്ന കാ​ഴ്ച ഇ​വി​ടെ പു​തു​മ​യ​ല്ല. പ​ല റ​സ്​​റ്റാ​റ​ന്‍റു​ക​ളി​ലും കു​ടും​ബ​ങ്ങ​ൾ​ക്കും സൗ​ക​ര്യ​മേ​ർ​പ്പെ​ടു​ത്തി​യി​ട്ടു​ണ്ട്. ബ​ർ​ത്ത്​​ഡേ പാ​ർ​ട്ടി​ക​ൾ, മ​റ്റു ആ​ഘോ​ഷ​ങ്ങ​ൾ എ​ന്നി​വ​ക്കു​ള്ള ഹാ​ളു​ക​ളും ഉ​ണ്ട്.

ജു​ബൈ​ൽ ന​ഗ​ര​കേ​ന്ദ്ര​ത്തി​ൽ​നി​ന്നും അ​ക​ലെ​യാ​യി പ​ല ക​മ്പ​നി​ക​ളു​ടെ​യും ലേ​ബ​ർ ക്യാ​മ്പു​ക​ൾ ഇ​വി​ടെ​യു​ണ്ട്. എ​ല്ലാ അ​വ​ധി ദി​വ​സ​ങ്ങ​ളി​ലും കൂ​ട്ട​മാ​യി ആ​ളു​ക​ൾ വ​ലി​യ ബ​സു​ക​ളി​ൽ ഇ​വി​ടെ​യെ​ത്തും. പ​ക​ൽ​സ​മ​യം പാ​ർ​ക്കു​ക​ളി​ലും ബീ​ച്ചു​ക​ളി​ലും ചെ​ല​വ​ഴി​ച്ച് ഒ​രാ​ഴ്ച​ക്ക് ആ​വ​ശ്യ​മാ​യ പ​ർ​ച്ചേ​സ് എ​ല്ലാം ക​ഴി​ഞ്ഞ് ഇ​ഷ്​​ട​പ്പെ​ട്ട ഭ​ക്ഷ​ണ​വും ക​ഴി​ച്ച് വ​യ​റും മ​ന​സ്സും നി​റ​ച്ചാ​ണ് ഓ​രോ​രു​ത്ത​രും തി​രി​കെ ക്യാ​മ്പി​ലേ​ക്ക് പോ​വു​ക.

ഇ​വി​ടെ​യു​ള്ള ഫി​ഷ് മാ​ർ​ക്ക​റ്റ് പ​രി​സ​ര​ങ്ങ​ളി​ൽ ഫ്ര​ഷാ​യ മ​ത്സ്യ​ങ്ങ​ൾ വാ​ങ്ങി തൊ​ട്ട​ടു​ത്ത ഗ്രി​ല്ലി​ങ് ക​ട​ക​ളി​ൽ കൊ​ടു​ത്താ​ൽ മി​നി​റ്റു​ക​ൾ​ക്ക​കം ഗ്രി​ൽ ചെ​യ്തു കി​ട്ടും. മ​സാ​ല​ക​ൾ ചേ​ർ​ത്തും ഓ​വ​നി​ൽ പൊ​രി​ച്ചും ഒ​ക്കെ പ​ല രീ​തി​യി​ൽ ല​ഭി​ക്കും. വ​ള​രെ ചു​രു​ങ്ങി​യ ചെ​ല​വി​ൽ വ​ള​രെ രു​ചി​ക​ര​മാ​യ മ​ത്സ്യ​ങ്ങ​ൾ ഫ്ര​ഷാ​യി ക​ഴി​ക്കാം എ​ന്ന​ത് ഇ​വി​ട​ത്തെ പ്ര​ത്യേ​ക​ത​യാ​ണ്. മ​റ്റൊ​രു തീ​ര​ദേ​ശ പ​ട്ട​ണ​മാ​യ മ​ത്സ്യ​ബ​ന്ധ​ന​ത്തി​ന് പേ​രു​കേ​ട്ട ഖ​ത്വീ​ഫും ഇ​വി​ടെ നി​ന്ന് കി​ലോ​മീ​റ്റ​റു​ക​ൾ മാ​ത്രം അ​ക​ലെ​യാ​ണ്.

ജു​ബൈ​ലി​ലെ റ​സ്​​റ്റാ​റ​ന്‍റ്​ വി​ഭ​വ​ങ്ങ​ളി​ൽ എ​ല്ലാ ത​രം മ​ത്സ്യ​ങ്ങ​ളും ല​ഭ്യ​മാ​ണ്. ചെ​മ്മീ​ൻ ചാ​ക​ര ആ​രം​ഭി​ച്ച​തി​നാ​ൽ പ​ല വ​ക​ഭേ​ദ​ങ്ങ​ളി​ലു​ള്ള ചെ​മ്മീ​ൻ വി​ഭ​വ​ങ്ങ​ൾ എ​ല്ലാ​യി​ട​ത്തും ല​ഭ്യ​മാ​ണ്. ആ​വി പ​റ​ക്കു​ന്ന രു​ചി​യേ​റും വി​ഭ​വ​ങ്ങ​ൾ മു​ന്നി​ലേ​ക്കെ​ത്തു​മ്പോ​ൾ ക​ടു​ത്ത ചൂ​ടും ഈ​ർ​പ്പ​വും മ​റ​ന്ന് ത​ളി​ക​ക​ൾ​ക്കി​രു​പു​റ​വും സൗ​ഹൃ​ദ​ങ്ങ​ൾ ത​ളി​ർ​ക്കും