ഒ​രാ​ഴ്​​ച​ക്കി​ടെ 14,519 വി​ദേ​ശി​ക​ൾ അ​റ​സ്​​റ്റി​ൽ

ജു​ബൈ​ൽ: രാ​ജ്യ​ത്തി​െൻറ വി​വി​ധ മേ​ഖ​ല​ക​ളി​ൽ ന​ട​ത്തി​യ പ​രി​ശോ​ധ​ന​യി​ൽ ഒ​രാ​ഴ്ച​ക്കി​ടെ 14,519 വി​ദേ​ശി​ക​ൾ അ​റ​സ്​​റ്റി​ൽ. താ​മ​സ, തൊ​ഴി​ൽ നി​യ​മ​ങ്ങ​ളും അ​തി​ർ​ത്തി സു​ര​ക്ഷ​ച​ട്ട​ങ്ങ​ളും ലം​ഘി​ച്ച​തി​നാ​ണ്​ സൗ​ദി ആ​ഭ്യ​ന്ത​ര മ​ന്ത്രാ​ല​യ​ത്തി​െൻറ ന​ട​പ​ടി.

ന​വം​ബ​ർ 25 മു​ത​ൽ ഡി​സം​ബ​ർ ഒ​ന്നു​ വ​രെ​യു​ള്ള കാ​ല​യ​ള​വി​ൽ സു​ര​ക്ഷാ​സേ​ന​യു​ടെ വി​വി​ധ യൂ​നി​റ്റു​ക​ളും ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് പാ​സ്‌​പോ​ർ​ട്ടും (ജ​വാ​സ​ത്ത്) ന​ട​ത്തി​യ സം​യു​ക്ത പ​രി​ശോ​ധ​ന​യി​ലാ​ണി​ത്​. പി​ടി​യി​ലാ​യ​വ​രി​ൽ 7,413 പേ​ർ താ​മ​സ (ഇ​ഖാ​മ) നി​യ​മ​ലം​ഘ​ക​രും 5,398 പേ​ർ അ​തി​ർ​ത്തി സു​ര​ക്ഷ​ച​ട്ട​ങ്ങ​ൾ ലം​ഘി​ച്ച​വ​രും 1,708 ലേ​റെ തൊ​ഴി​ൽ നി​യ​മ ലം​ഘ​ക​രു​മാ​ണ്. അ​ന​ധി​കൃ​ത​മാ​യി രാ​ജ്യാ​തി​ർ​ത്തി ക​ട​ക്കാ​ൻ ശ്ര​മി​ക്കു​ന്ന​തി​നി​ടെ അ​റ​സ്​​റ്റി​ലാ​യ​തി​ൽ 40 ശ​ത​മാ​നം യ​മ​ൻ പൗ​ര​ന്മാ​രും 57 ശ​ത​മാ​നം ഇ​ത്യോ​പ്യ​ക്കാ​രും മൂ​ന്നു​ ശ​ത​മാ​നം മ​റ്റ് രാ​ജ്യ​ക്കാ​രു​മാ​ണ്. നി​യ​മ​ലം​ഘ​ക​ർ​ക്ക് അ​ഭ​യം ന​ൽ​കി​യ ഏ​ഴു​പേ​രെ​യും സു​ര​ക്ഷാ​സേ​ന അ​റ​സ്​​റ്റ്​ ചെ​യ്തു. നി​ല​വി​ൽ ശി​ക്ഷാ​ന​ട​പ​ടി​ക​ൾ​ക്ക് വി​ധേ​യ​രാ​യ മൊ​ത്തം നി​യ​മ​ലം​ഘ​ക​ർ 88,511 പേ​രാ​ണ്. അ​തി​ൽ 80,587 പു​രു​ഷ​ന്മാ​രും 7924 സ്ത്രീ​ക​ളു​മാ​ണു​ള്ള​ത്.

77,501 കേ​സു​ക​ൾ നാ​ടു​ക​ട​ത്തു​ന്ന​തി​നു​ള്ള യാ​ത്രാ​രേ​ഖ​ക​ൾ ല​ഭി​ക്കു​ന്ന​തി​ന് അ​ത​ത്​ രാ​ജ്യ​ങ്ങ​ളു​ടെ എം​ബ​സി​ക​ൾ​ക്ക് കൈ​മാ​റി. അ​തി​ർ​ത്തി സു​ര​ക്ഷ​ച​ട്ടം ലം​ഘി​ച്ച് ആ​ർ​ക്കെ​ങ്കി​ലും രാ​ജ്യ​ത്തേ​ക്ക് പ്ര​വേ​ശി​ക്കാ​ൻ സൗ​ക​ര്യ​മൊ​രു​ക്കു​ക​യോ യാ​ത്രാ സൗ​ക​ര്യ​മോ അ​ഭ​യ​മോ ഏ​തെ​ങ്കി​ലും വി​ധ​ത്തി​ൽ സ​ഹാ​യ​മോ സേ​വ​ന​മോ ന​ൽ​കു​ക​യോ ചെ​യ്താ​ൽ 15 വ​ർ​ഷം വ​രെ ത​ട​വ് ശി​ക്ഷ ല​ഭി​ക്കു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം മു​ന്ന​റി​യി​പ്പ് ന​ൽ​കി.

ഒ​രു​ദ​ശ​ല​ക്ഷം റി​യാ​ൽ വ​രെ​യാ​യി​രി​ക്കും പി​ഴ. കൂ​ടാ​തെ അ​ത്ത​ര​ക്കാ​രു​ടെ പേ​രു​ക​ൾ പ്രാ​ദേ​ശി​ക മാ​ധ്യ​മ​ങ്ങ​ളി​ൽ പ​ര​സ്യ​പ്പെ​ടു​ത്തും. കു​റ്റ​കൃ​ത്യ​ത്തി​ന്​ ഉ​പ​യോ​ഗി​ച്ച വാ​ഹ​ന​ങ്ങ​ൾ, അ​ഭ​യം ന​ൽ​കി​യ താ​മ​സ​സ്ഥ​ലം എ​ന്നി​വ ക​ണ്ടു​കെ​ട്ടും. 'നി​യ​മ​ലം​ഘ​ക​രി​ല്ലാ​ത്ത രാ​ജ്യം' എ​ന്ന ശീ​ർ​ഷ​ക​ത്തി​ൽ ആ​ഭ്യ​ന്ത​ര മ​ന്ത്രാ​ല​യം ആ​രം​ഭി​ച്ച ന​ട​പ​ടി​ക​ളു​ടെ ഭാ​ഗ​മാ​ണ്​ റെ​യ്​​ഡു​ക​ൾ.