അബ്​ദുൽ മജീദ്: വിടവാങ്ങിയത് ഒ.ഐ.സി.സിയുടെ മുൻനിര പ്രവർത്തകൻ

റിയാദ്: കോൺഗ്രസി​െൻറ പ്രവാസി സംഘടനയായ ഒ.ഐ.സി.സിയുടെ മുൻനിര പ്രവർത്തകരിൽ ഒരാളായിരുന്നു ഇന്നലെ നിര്യാതനായ അബ്​ദുൽ മജീദ്. ഒ.ഐ.സി.സി കണ്ണൂർ ജില്ല പ്രസിഡൻറായ അദ്ദേഹത്തിന്റെ വിയോഗത്തിൽ ഒട്ടേറെപ്പേർ അനുശോചിച്ചു. അർബുദ ബാധിതനായി നാട്ടിൽ മലബാർ കാൻസർ സെന്ററിൽ ചികിത്സക്കിടെ വെള്ളിയാഴ്​ച രാവിലെ 7.30ഓടെയായിരുന്നു അന്ത്യം. ഖബറടക്കം വൈകീട്ട്​ മൂന്നിന്​ കണ്ണൂർ പാപ്പിനശ്ശേരി വെസ്​റ്റ്​ ജുമാമസ്ജിദിൽ നടന്നു.

മൂന്നു പതിറ്റാണ്ടോളം റിയാദിൽ ബിസിനസ് ചെയ്തിരുന്ന അബ്​ദുൽ മജീദ് രോഗബാധിതനായി മൂന്നു മാസം മുമ്പാണ്​​ നാട്ടിലേക്ക് ചികിത്സക്കായി പോയത്. അബ്​ദുൽ മജീദി​െൻറ വിയോഗത്തിൽ ഒ.ഐ.സി.സി റിയാദ്​ സെൻട്രൽ കമ്മിറ്റി ദുഃഖം രേഖപ്പെടുത്തി. കഴിഞ്ഞ വർഷമാണ് കണ്ണൂർ ജില്ല ഒ.ഐ.സി.സി പ്രസിഡൻറായി തെരഞ്ഞെടുക്കപ്പെട്ടത്. വെള്ളിയാഴ്​ച വൈകീട്ട്​ 7.30ന് ബത്​ഹയിലെ സബർമതി ഹാളിൽ മയ്യിത്ത്​ നമസ്കാരവും അനുശോചന സമ്മേളനവും നടന്നു.