സൗദിയിൽ വാഹനാപകടം: എറണാകുളം സ്വദേശിനിയും രണ്ടു​ മക്കളും മരിച്ചു

ജി​ദ്ദ: റി​യാ​ദി​ല്‍നി​ന്ന്​ മ​ക്ക​യി​ലേ​ക്ക് ഉം​റ നി​ര്‍വ​ഹി​ക്കാ​ന്‍ പു​റ​പ്പെ​ട്ട മ​ല​യാ​ളി കു​ടും​ബം സ​ഞ്ച​രി​ച്ച വാ​ഹ​നം അ​പ​ക​ട​ത്തി​ല്‍പെ​ട്ട് മാ​താ​വും ര​ണ്ടു​ മ​ക്ക​ളും മ​രി​ച്ചു. തൃശൂർ കരൂപ്പടന്ന കൊച്ചിക്കാരൻ മുഹമ്മദി​​​െൻറ മകൻ ശ​ഹീ​ന്‍ ബാ​ബു​വി​െ​ൻ​റ ഭാ​ര്യ സ​ബീ​ന പാ​ല​ക്ക​ൽ, മ​ക​ൾ അ​സ്​​റ ഫാ​തി​മ (ഏ​ഴ്), ദി​യ ഫാ​ത്തി​മ (ആ​റു​ മാ​സം) എ​ന്നി​വ​രാ​ണ് മ​രി​ച്ച​ത്. സബീന എറണാകുളം സ്വദേശിയാണ്​.

ഗു​രു​ത​ര​മാ​യി പ​രി​ക്കേ​റ്റ ശ​ഹീ​ന്‍ ബാ​ബു ത്വാ​ഇ​ഫി​ലെ കി​ങ് അ​ബ്​​ദു​ല്‍ അ​സീ​സ് ആശുപത്രിയിൽ തീ​വ്ര​പ​രി​ച​ര​ണ വി​ഭാ​ഗ​ത്തി​ലാ​ണ്. വെ​ള്ളി​യാ​ഴ്​​ച പു​ല​ര്‍ച്ചെ ര​ണ്ടു​മ​ണി​യോ​ടെ റി​യാ​ദ്- ത്വാ​ഇ​ഫ് ഹൈ​വേ​യി​ല്‍ ദി​ലം എ​ന്ന സ്ഥ​ല​ത്താ​യി​രു​ന്നു അ​പ​ക​ടം. വർഷങ്ങളായി തി​രു​വ​ന​ന്ത​പു​ര​ത്ത് താ​മ​സ​മാ​ക്കി​യ ശ​ഹീ​ന്‍ ബാ​ബു​വും കു​ടും​ബ​വും സു​ഹൃ​ത്തു​ക്ക​ളോ​ടൊ​പ്പം റി​യാ​ദി​ല്‍നി​ന്ന്​ മൂ​ന്നു വാ​ഹ​ന​ങ്ങ​ളി​ലാ​യാ​ണ് മ​ക്ക​യി​ലേ​ക്ക് പു​റ​പ്പെ​ട്ട​ത്. ത്വാ​ഇ​ഫി​ന്​ 200 കി.​മീ​റ്റ​ർ അ​ക​ലെ ഇ​വ​ര്‍ സ​ഞ്ച​രി​ച്ച ഫോ​ര്‍ച്യൂ​ണ​ര്‍ വാ​ഹ​ന​ത്തി​ന് പി​റ​കി​ല്‍ സൗ​ദി പൗ​ര​ന്‍ ഓ​ടി​ച്ച കാ​ര്‍ ഇ​ടി​ക്കു​ക​യാ​യി​രു​ന്നു. 

തൊ​ട്ടു​മു​ന്നി​ലു​ണ്ടാ​യി​രു​ന്ന വാ​ഹ​ന​ത്തി​ല്‍ ഇ​ടി​ച്ച്​ ഫോ​ര്‍ച്യൂ​ണ​ര്‍ കാ​ര്‍ മ​രു​ഭൂ​മി​യി​ല്‍ മ​റി​ഞ്ഞു. സ​ബീ​ന​യും ചെ​റി​യ കു​ഞ്ഞും സം​ഭ​വ​സ്ഥ​ല​ത്ത് ത​ന്നെ മ​രി​ച്ചു. അ​സ്​​റ ഫാ​തി​മ ആ​ശു​പ​ത്രി​യി​ലാ​ണ്​ മ​രി​ച്ച​ത്.  മൃ​ത​ദേ​ഹ​ങ്ങ​ൾ ദി​ലം ആ​ശു​പ​ത്രി മോ​ര്‍ച്ച​റി​യി​ലാ​ണ്. മ​ക്ക​യി​ല്‍ ഖ​ബ​റ​ട​ക്കും. ശഹീൻ ബാബുവി​​​െൻറ പിതാവ് മുഹമ്മദ് കെ. കരുണാകരൻ മുഖ്യമന്ത്രിയായിരുന്നപ്പോൾ പേഴ്സണൽ അസിസ്​റ്റൻറ്​ ആയിരുന്നു.