ബോളീവാർഡ് വിനോദ നഗരത്തിൽ പ്രവേശനം സൗജന്യമാക്കി

റിയാദ്: റിയാദ് സീസൺ ആ​േഘാഷങ്ങളുടെ പ്രധാന വേദികളൊന്നായിരുന്ന ബോളീവാർഡ് വിനോദ നഗരത്തിലേക്ക് ഇനി പൊതുജനങ്ങൾക്ക്​ പ്രവേശനം സൗജന്യം. തലസ്ഥാന നഗരത്തിലെ ഏറ്റവും വലിയ കലാസാംസ്​കാരിക വിനോദ നഗരമായാണ്​ ബോളിവാർഡ്​ ഒരുക്കിയിട്ടുള്ളത്​. ഇവിടേക്കുള്ള പ്രവേശനം പൂർണമായും സൗജന്യമാക്കുന്നത് ഇതാദ്യമായാണ്.

ഇക്കഴിഞ്ഞ ഫെബ്രുവരി 22ന്​ സൗദി സ്ഥാപകദിനാഘോഷത്തി​െൻറ ഭാഗമായി അറേബ്യൻ പരമ്പരാഗത വസ്ത്രം ധരിച്ചുവരുന്നവർക്ക് സൗജന്യ പ്രവേശനം അനുവദിച്ചിരുന്നു. ആ ദിനാഘോഷം കഴിഞ്ഞതോടെ ആ സൗജന്യം അവസാനിക്കുകയും ചെയ്തു. എന്നാൽ ഇപ്പോൾ എല്ലാവിഭാഗം ആളുകൾക്കും ഒരു ഉപാധിയുമില്ലാതെ തന്നെ പ്രവേശനം സൗജന്യമാക്കിയിരിക്കുകയാണ്​. ബുധനാഴ്​ച മുതൽ ഇത്​ പ്രാബല്യത്തിലായി.

വിദേശികൾ ഉൾപ്പടെയുള്ള ചെറിയ വരുമാനക്കാർക്ക് ബോളീവർഡിനെ കുറിച്ച് കേൾക്കുക എന്നല്ലാതെ അവിടെ പോയി പണംകൊടുത്ത്​ ടിക്കറ്റ് എടുക്കുക പ്രയാസമായിരുന്നു. ഒന്നിലധികം കുട്ടികളുള്ള കുടുംബത്തിന് നഗരിയിലേക്ക് പ്രവേശിക്കാൻ തന്നെ നല്ലയൊരു തുക വേണമായിരുന്നു. നഗരത്തിനുള്ളിൽ ചില മേഖലകളിൽ പ്രവേശിക്കാൻ വീണ്ടും ടിക്കറ്റുകൾ എടുക്കണമായിരുന്നു. ഇത് കുറഞ്ഞ വരുമാനക്കാരുടെ കീശക്ക്​ താങ്ങാനാവുന്നതായിരുന്നില്ല. എന്നാൽ ഇപ്പോൾ അതെല്ലാം തീർത്തും സൗജന്യമാക്കിയതോടെ എല്ലാത്തരം ആളുകൾക്കും ഇൗ വിനോദ നഗരത്തി​െൻറ വിസ്​മയിപ്പിക്കുന്ന കാഴ്​ചാനുഭവങ്ങൾ ആസ്വദിക്കാനുള്ള അവസരമാണ്​ തുറന്നുകിട്ടിയിരിക്കുന്നത്​.

റിയാദ് സീസണി​െൻറ തുടക്കത്തിൽ സാദാ പ്രവൃത്തി ദിവസങ്ങളിൽ 55 റിയാലും വാരാന്ത്യത്തിൽ 110 റിയലുമായിരുന്നു പ്രവേശന ഫീസ്. പിന്നീടത് എല്ലാ ദിവസവും 25 സൗദി റിയാലിലേക്ക് ചുരുക്കി. ഇപ്പോഴത് പൂർണമായും ഒഴിവാക്കുകയും ചെയ്​തു. സ്കൂൾ വിദ്യാർഥികളുടെ സംഘവും സ്ഥാപനങ്ങളിൽ നിന്ന് തൊഴിലാളികൾ കൂട്ടമായും ഇനി ബോളീവാർഡിലെത്തും. നൂറ് കണക്കിന് ടൂറിസ്റ്റുകളാണ് ദിനേന സൗദിയിലെത്തുന്നത്. അവർക്കും പുതിയ തീരുമാനം ആശ്വാസമാകും. ഞായറാഴ്ച മുതൽ ബുധനാഴ്ച വരെ കാർ പാർക്കിങ്ങും സൗജന്യമാക്കിയിട്ടുണ്ട്. വ്യാഴാഴ്​ച മുതൽ ശനിയാഴ്ച വരെ ആദ്യ മണിക്കൂറിന് 10 സൗദി റിയാലും പിന്നീടുള്ള ഓരോ മണിക്കൂറിനും അഞ്ച് സൗദി റിയലുമാണ് നൽകേണ്ടത്.