അഡ്വ. എൻ. ശംസുദ്ദീൻ എം.എൽ.എ ദമ്മാമിലെത്തുന്നു

ദമ്മാം: മണ്ണാർക്കാട് എം.എൽ.എ അഡ്വ. എൻ. ശംസുദ്ദീൻ ഉൾപ്പെടെ പ്രമുഖ മുസ്‌ലിംലീഗ് നേതാക്കൾ ദമ്മാമിലെത്തുന്നു. ഹ്രസ്വ സന്ദർശനാർഥം സൗദിയിലെത്തുന്ന നേതാക്കൾക്ക് സ്വീകരണ പരിപാടി സംഘടിപ്പിക്കുമെന്ന് കിഴക്കൻ പ്രവിശ്യ കെ.എം.സി.സി പാലക്കാട് ജില്ല കമ്മിറ്റി അറിയിച്ചു. ഈ മാസം 10ന് വൈകീട്ട് ഏഴുമുതൽ ദമ്മാം അൽ റയാൻ ഓഡിറ്റോറിയത്തിൽ സ്വീകരണ പരിപാടികൾ ആരംഭിക്കും.

കെ.എം.സി.സി സംഘടിപ്പിക്കുന്ന ജില്ല സമ്മേളനത്തിൽ എം. ശംസുദ്ധീൻ എം.എൽ.എ മുഖ്യപ്രഭാഷണം നടത്തും. മണ്ണാർക്കാട് മണ്ഡലം മുസ്‍ലിംലീഗ് പ്രസിഡൻറ് സലാം മാസ്റ്റർ, ജനറൽ സെക്രട്ടറിയും മുനിസിപ്പൽ ചെയർമാനുമായ ഫായിദ ബഷീർ എന്നിവരും പരിപാടിയിൽ സംബന്ധിക്കും.