‘നിയോമി’ൽ എയർ ടാക്സി പരീക്ഷണം വിജയകരം

റി​യാ​ദ്: നി​യോം ക​മ്പ​നി​യും ജ​ന​റ​ൽ അ​തോ​റി​റ്റി ഓ​ഫ് സി​വി​ൽ ഏ​വി​യേ​ഷ​നും (ഗാ​ക) അ​ർ​ബ​ൻ എ​യ​ർ മൊ​ബി​ലി​റ്റി​യു​മാ​യി (യു.​എ.​എം) സ​ഹ​ക​രി​ച്ച് രൂ​പ​ക​ൽ​പ​ന ചെ​യ്ത 'വോ​ളോ​കോ​പ്ട​ർ' എ​യ​ർ ടാ​ക്സി​യു​ടെ പ​രീ​ക്ഷ​ണ പ​റ​ക്ക​ൽ വി​ജ​യ​ക​ര​മാ​യി പൂ​ർ​ത്തി​യാ​ക്കി. ഗാ​ക അ​ർ​ബ​ൻ എ​യ​ർ മൊ​ബി​ലി​റ്റി​യു​മാ​യി സ​ഹ​ക​രി​ച്ച് ഒ​ന്ന​ര വ​ർ​ഷ​മാ​യി ന​ട​ത്തി​വ​ന്ന പ​രി​ശ്ര​മ​മാ​ണ് നി​യോം മേ​ഖ​ല​യി​ൽ ഒ​രാ​ഴ്ച നീ​ണ്ടു​നി​ന്ന പ​രീ​ക്ഷ​ണ​പ്പ​റ​ക്ക​ലി​ലൂ​ടെ വി​ജ​യ​ക​ര​മാ​യി പൂ​ർ​ത്തി​യാ​ക്കി​യ​ത്.

ഇ​ല​ക്ട്രി​ക്ക​ൽ വെ​ർ​ട്ടി​ക്ക​ൽ ടേ​ക് ഓ​ഫ് ആ​ൻ​ഡ് ലാ​ൻ​ഡി​ങ് (ഇ​വി​ടോ​ൾ) സി​സ്​​റ്റ​ത്തി​ൽ പ്ര​വ​ർ​ത്തി​ക്കു​ന്ന ആ​കാ​ശ​നൗ​ക​ക്ക് സൗ​ദി​യി​ൽ അം​ഗീ​കാ​രം ല​ഭി​ക്കു​ന്ന​തും പ​രീ​ക്ഷ​ണ​പ്പ​റ​ക്ക​ൽ ന​ട​ത്തു​ന്ന​തും ഇ​താ​ദ്യ​മാ​ണ്. ആ​ധു​നി​ക സാ​ങ്കേ​തി​ക സം​വി​ധാ​ന​ത്തി​ൽ രൂ​പ​പ്പെ​ടു​ത്തി​യ വോ​ളോ​കോ​പ്ട​ർ പൂ​ർ​ണ​മാ​യും നി​യ​ന്ത്ര​ണ​വി​ധേ​യ​വും സു​ര​ക്ഷി​ത​വു​മാ​ണെ​ന്ന് തെ​ളി​ഞ്ഞ​താ​യും വ്യോ​മ​യാ​ന മേ​ഖ​ല​യു​ടെ ച​രി​ത്ര​ത്തി​ലെ നാ​ഴി​ക​ക്ക​ല്ലാ​ണ് പു​തി​യ എ​യ​ർ ടാ​ക്സി​യെ​ന്നും പ​രീ​ക്ഷ​ണ​പ്പ​റ​ക്ക​ൽ പൂ​ർ​ത്തി​യാ​ക്കി​യ ശേ​ഷം സം​ഘ​ടി​പ്പി​ച്ച ച​ട​ങ്ങി​ൽ ‘ഗാ​ക’ പ്ര​സി​ഡ​ൻ​റ്​ അ​ബ്​​ദു​ൽ അ​സീ​സ് അ​ൽ ദു​വൈ​ലി​ജ് പ​റ​ഞ്ഞു. തി​ര​ക്കേ​റി​യ ന​ഗ​ര​പ്ര​ദേ​ശ​ങ്ങ​ളി​ലെ അ​ത്യാ​വ​ശ്യ യാ​ത്ര​ക​ൾ​ക്ക് ഉ​പ​ക​രി​ക്കു​ന്ന ഈ ​ആ​കാ​ശ​നൗ​ക ജീ​വി​ത​നി​ല​വാ​രം ഉ​യ​ർ​ത്തു​ന്ന​തും നൂ​ത​ന വ്യോ​മ​ഗ​താ​ഗ​ത മാ​തൃ​ക​ക​ളു​ടെ സു​ര​ക്ഷി​ത​മാ​യ സം​യോ​ജ​നം സാ​ധ്യ​മാ​ക്കു​ന്ന​തു​മാ​ണ്. സാ​ങ്കേ​തി​ക​ത്തി​ക​വി​ലൂ​ടെ മി​ക​ച്ച ഭാ​വി സൃ​ഷ്​​ടി​ക്കാ​നും വൈ​വി​ധ്യ​മാ​ർ​ന്ന ഗ​താ​ഗ​ത സം​വി​ധാ​ന​ത്തി​ലൂ​ടെ മ​നു​ഷ്യ​​ന്റെ ച​ല​നാ​ത്മ​ക​ത​യി​ൽ വി​പ്ല​വം സൃ​ഷ്​​ടി​ക്കാ​നും ഇ​തി​ന് സാ​ധി​ക്കു​മെ​ന്ന് അ​ദ്ദേ​ഹം അ​ഭി​പ്രാ​യ​പ്പെ​ട്ടു.

നൂ​ത​ന​വും സു​സ്ഥി​ര​വു​മാ​യ മ​ൾ​ട്ടി മോ​ഡ​ൽ ഗ​താ​ഗ​ത സം​വി​ധാ​നം സൃ​ഷ്​​ടി​ക്കു​ന്ന​തി​നും ജീ​വി​ത​ത്തെ പ​രി​വ​ർ​ത്തി​പ്പി​ക്കു​ന്ന​തി​നും വേ​ണ്ടി​യു​ള്ള ത​ങ്ങ​ളു​ടെ പ​രി​ശ്ര​മ​ത്തി​​ന്റെ സാ​ക്ഷാ​ത്കാ​ര​മാ​ണ് വി​ജ​യ​ക​ര​മാ​യ പ​രീ​ക്ഷ​ണ പ​റ​ക്ക​ലെ​ന്ന് നി​യോം സി.​ഇ.​ഒ ന​ദ്‌​മി അ​ൽ നാ​സ​ർ പ​റ​ഞ്ഞു. ശു​ദ്ധ​മാ​യ പു​ന​രു​പ​യോ​ഗ ഊ​ർ​ജ​ത്തി​ൽ പ്ര​വ​ർ​ത്തി​ക്കു​ന്ന വോ​ളോ​കോ​പ്ട​ർ ശു​ദ്ധ​മാ​യ അ​ന്ത​രീ​ക്ഷ​ത്തി​ന് സം​ഭാ​വ​ന ന​ൽ​കു​ന്ന വ്യോ​മ സം​രം​ഭ​മാ​യി​രി​ക്കും. 18 മാ​സ​ത്തെ ത​ങ്ങ​ളു​ടെ പ്ര​വ​ർ​ത്ത​ന​ങ്ങ​ൾ ഫ​ല​പ്രാ​പ്തി​യി​ലെ​ത്തി​യ​ത് ആ​വേ​ശം പ​ക​രു​ന്ന​താ​ണെ​ന്ന് വോ​ളോ​കോ​പ്ട​റി​​ന്റെ ചീ​ഫ് കൊ​മേ​ഴ്‌​സ്യ​ൽ ഓ​ഫി​സ​ർ ക്രി​സ്​​റ്റ്യ​ൻ ബോ​വ​ർ പ​റ​ഞ്ഞു. നി​യോ​മു​മാ​യു​ള്ള ത​ങ്ങ​ളു​ടെ ഭാ​വി സ​ഹ​ക​ര​ണ​ത്തി​ന് ഇ​ത് അ​ടി​ത്ത​റ പാ​കു​മെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.