അൽ കബീർ പുതിയ​ ലോഗോ പ്രകാശനം ചെയ്​തു

റിയാദ്​: ശീതീകരിച്ച ഭക്ഷ്യോൽപന്നങ്ങളുടെ ഗൾഫിലെ പ്രമുഖ ബ്രാൻഡായ അൽ കബീറി​െൻറ പുതിയ ​േലാഗോ പ്രകാശനം ചെയ്​തു. ഗുണവും രുചിയും പ്രതിഫലിപ്പിക്കുന്നതാണ്​ പുതിയ ബ്രാൻഡ്​ ഐഡൻറിറ്റിയെന്ന്​ മാനേജ്​മെൻറ്​ വാർത്താക്കുറിപ്പിൽ പറഞ്ഞു. നാല് പതിറ്റാണ്ടിലേറെയായി തുടരുന്ന വിജയകരമായ യാത്രയിൽ ഗുണനിലവാരത്തിലും രുചിയിലും അചഞ്ചലമായ പ്രതിബദ്ധത പ്രതിഫലിപ്പിക്കാനാണ് അൽ കബീർ ലക്ഷ്യമിടുന്നത്. റിയാദിലെ ബോളിവാർഡ്​ സിറ്റിയിലെ കൂറ്റൻ എൽ.ഇ.ഡി സ്​ക്രീനുകളിൽ പ്രദർശിപ്പിച്ചുകൊണ്ടാണ്​​ പുതിയ ബ്രാൻഡ്​ ഐഡൻറിറ്റിയുടെ പ്രകാശന ചടങ്ങ്​ നടന്നത്​.

200ഓളം ഉൽപന്നങ്ങളുടെ വൈവിധ്യ നിരയാണ്​ അൽകബീറി​േൻറതായി വിപണിയിലെത്തുന്നത്​. മാംസം, കോഴി, പഴം പച്ചക്കറി, കുഴച്ച മാവ്​, മാത്സ്യം തുടങ്ങിയ ആറ്​ മുഖ്യയിനങ്ങളു​ൾപ്പടെ ശീതീകരിച്ച ഭക്ഷ്യയിനങ്ങളുടെ വിപണിയിൽ വിശ്വസനീയത നേടിയെടുത്ത ബ്രാൻഡാണ്​ അൽകബീറെന്നും വാർത്താക്കുറിപ്പിൽ പറഞ്ഞു. സൗദി അറേബ്യ, യു.എ.ഇ, ബഹ്‌റൈൻ, ഒമാൻ, ഖത്തർ തുടങ്ങിയ പ്രധാന വിപണികളെ ഉൾക്കൊള്ളുന്ന ബ്രാൻഡി​െൻറ നേരിട്ടുള്ള വിതരണ ശൃംഖല ഗൾഫിലുടനീളം വ്യാപിച്ചുകിടക്കുന്നു. സൗദി, യു.എ.ഇ എന്നിവിടങ്ങളിലുള്ള മൂന്ന്​ അത്യാധുനിക ഫാക്ടറികളിൽ നിർമിക്കുന്ന ഉൽപന്നങ്ങളാണ്​ ഈ ശൃംഖലയിലൂടെ ഗൾഫിലെ എല്ലാ വിപണികളിലുമെത്തുന്നത്​.

ഈ മേഖലയിലെ പ്രമുഖ കമ്പനിയായ സവോള ഗ്രൂപ്പിന്​ കീഴിൽ പ്രവർത്തിക്കുന്നതിൽ​ അഭിമാനിക്കുന്നതായും ഈ ഗ്രൂപ്പുമായുള്ള ബന്ധം ശീതീകരിച്ച ഭക്ഷ്യവ്യവസായത്തിലെ പ്രമുഖ ബ്രാൻഡ്​ എന്ന നിലയിൽ അൽ കബീറി​െൻറ സ്ഥാനം കൂടുതൽ ശക്തിപ്പെടുത്തിയെന്നും ​അൽ കബീർ ഗ്രൂപ്പ്​ സി.ഇ.ഒ റാണാ സെൻഗുപ്​ത പറഞ്ഞു. സൗദിയിലും മറ്റ് ഗൾഫ്​ രാജ്യങ്ങളിലും ഉടനീളമുള്ള ഉപഭോക്താക്കൾക്കും പങ്കാളികൾക്കും മുന്നിൽ പുതിയ ബ്രാൻഡ് ഐഡൻറിറ്റി അവതരിപ്പിക്കുന്നതിൽ ഞങ്ങൾ സന്തുഷ്​ടരാണെന്നും അദ്ദേഹം കൂട്ടിച്ചേർത്തു.

പുതിയ ബ്രാൻഡ് ഐഡൻറിറ്റി അൽ കബീറിനെ സംബന്ധിച്ചിടത്തോളം ഒരു സുപ്രധാന നാഴികക്കല്ലാണ്. അത് പുനർനിർമാണത്തി​െൻറയും വളർച്ചയുടെയും പുതിയൊരു യാത്രയുടെ തുടക്കമാണ്​. പുതുക്കിയ ലോഗോയും പരസ്യകാമ്പയിൻ ഘടകങ്ങളും ബ്രാൻഡി​െൻറ സത്തയെ ഉൾക്കൊള്ളുന്നതാണ്​. അസാധാരണമായ പാചക അനുഭവങ്ങൾ നൽകാനുള്ള ഞങ്ങളുടെ പാരമ്പര്യവും അർപ്പണബോധവും പ്രതിഫലിപ്പിക്കുന്നതാണെന്നും റാണാ സെൻഗുപ്​ത പറഞ്ഞു.