അ​ൽ ഖോ​ബാ​ർ ഒ​രു​ക്കം തു​ട​ങ്ങി

അ​ൽ ഖോ​ബാ​ർ: 2034ലെ ​ഫി​ഫ ലോ​ക​ക​പ്പി​ന് ആ​തി​ഥേ​യ​ത്വം വ​ഹി​ക്കാ​ൻ രാ​ജ്യം ഒ​രു​ങ്ങു​മ്പോ​ൾ ആ​ഗോ​ള ഫു​ട്​​ബാ​ൾ മാ​മാ​ങ്ക​ത്തെ സ്വാ​ഗ​തം ചെ​യ്യാ​ൻ അ​ൽ ഖോ​ബാ​ർ ഒ​രു​ങ്ങി​ത്തു​ട​ങ്ങി. 2034ൽ ​ന​ട​ക്കു​ന്ന അ​വി​സ്മ​ര​ണീ​യ ടൂ​ർ​ണ​മെ​ന്റി​ന് രാ​ജ്യം ക​ള​മൊ​രു​ക്കു​മ്പോ​ൾ പു​തു​മ​യു​ടെ​യും ആ​തി​ഥ്യ മ​ര്യാ​ദ​യു​ടെ​യും സാം​സ്കാ​രി​ക ആ​ഘോ​ഷ​ങ്ങ​ളു​ടെ​യും ഒ​രു പ്ര​കാ​ശ​ഗോ​പു​ര​മാ​യി മാ​റാ​നാ​ണ് സൗ​ദി കി​ഴ​ക്ക​ൻ പ്ര​വി​ശ്യ​യി​ലെ ഏ​റ്റ​വും ആ​ധു​നി​ക ന​ഗ​ര​മാ​യ അ​ൽ ഖോ​ബാ​ർ പ​ദ്ധ​തി​യി​ടു​ന്ന​ത്.

അ​റേ​ബ്യ​ൻ ഗ​ൾ​ഫി​​ന്റെ തി​ള​ങ്ങു​ന്ന തീ​ര​ത്ത് സ്ഥി​തി ചെ​യ്യു​ന്ന അ​ൽ ഖോ​ബാ​ർ അ​തി​ന്റെ സു​ന്ദ​ര​മാ​യ ക​ട​ൽ​ത്തീ​ര​ത്തി​നും ആ​ഡം​ബ​ര ഹോ​ട്ട​ലു​ക​ൾ​ക്കും കോ​സ്‌​മോ​പൊ​ളി​റ്റ​ൻ ചാ​രു​ത​ക്കും പ​ണ്ടേ പേ​രു​കേ​ട്ട​താ​ണ്. എ​ന്നാ​ൽ ലോ​ക​ക​പ്പ് അ​ടു​ക്കു​ന്തോ​റും ന​ഗ​രം ശ്ര​ദ്ധേ​യ​മാ​യ ഒ​രു പ​രി​വ​ർ​ത്ത​ന​ത്തി​ന് വി​ധേ​യ​മാ​വു​ന്നു​ണ്ട്.

അ​ത്യാ​ധു​നി​ക സ്റ്റേ​ഡി​യ​ങ്ങ​ൾ മു​ത​ൽ ന​വീ​ക​രി​ച്ച അ​ടി​സ്ഥാ​ന സൗ​ക​ര്യ​ങ്ങ​ൾ വ​രെ ഒ​രു​ക്കി ക​ളി​ക്കാ​ർ​ക്കും ആ​രാ​ധ​ക​ർ​ക്കും സ്വ​ദേ​ശി​ക​ൾ​ക്കും വി​ദേ​ശി​ക​ൾ​ക്കും ഒ​രു​പോ​ലെ ലോ​കോ​ത്ത​ര അ​നു​ഭ​വം ന​ൽ​കാ​നു​ള്ള ദൗ​ത്യ​ത്തി​ൽ അ​ൽ ഖോ​ബാ​ർ ഏ​റെ മു​ന്നോ​ട്ട് പോ​യി​ക്ക​ഴി​ഞ്ഞു.

സൗ​ദി അ​റേ​ബ്യ​യെ തെ​ര​ഞ്ഞെ​ടു​ത്താ​യി ഫി​ഫ​യു​ടെ പ്ര​ഖ്യാ​പ​നം വ​ന്ന ദി​നം അ​ൽ ഖോ​ബാ​റി​​ന്റെ കോ​ർ​ണി​ഷി​ൽ വി​സ്മ​യി​പ്പി​ക്കു​ന്ന ക​രി​മ​രു​ന്ന് പ്ര​യോ​ഗം ന​ട​ന്നി​രു​ന്നു. പ​ര​മ്പ​രാ​ഗ​ത സൗ​ദി സം​ഗീ​ത​ത്തി​​ന്റെ​യും ആ​ധു​നി​ക ഗാ​ന​ങ്ങ​ളു​ടെ​യും താ​ള​ത്തി​ൽ നൃ​ത്തം ചെ​യ്ത ആ​കാ​ശം മി​ന്നു​ന്ന നി​റ​ങ്ങ​ളാ​ൽ തി​ള​ങ്ങി. ആ​യി​ര​ക്ക​ണ​ക്കി​ന് താ​മ​സ​ക്കാ​രും സ​ന്ദ​ർ​ശ​ക​രും ഈ ​കാ​ഴ്ച​ക്ക് സാ​ക്ഷ്യം​വ​ഹി​ക്കാ​ൻ ക​ട​ൽ​ത്തീ​ര​ത്ത് ഒ​ത്തു​കൂ​ടി​യി​രു​ന്നു.

സൗ​ദി അ​റേ​ബ്യ​യി​ലെ വി​വി​ധ പ്ര​ദേ​ശ​ങ്ങ​ളെ പ്ര​തി​നി​ധീ​ക​രി​ക്കു​ന്ന ഫ്ലോ​ട്ടു​ക​ൾ ഉ​ൾ​പ്പെ​ടു​ത്തി പ​രേ​ഡ് സം​ഘ​ടി​പ്പി​ച്ചു. ഓ​രോ ഫ്ലോ​ട്ടും സൗ​ദി സം​സ്കാ​ര​ത്തി​​ന്റെ ത​ന​താ​യ വ​ശ​ങ്ങ​ൾ ഉ​യ​ർ​ത്തി​ക്കാ​ട്ടു​ന്ന​വ​യാ​യി​രു​ന്നു. അ​സീ​ർ മേ​ഖ​ല​യു​ടെ പാ​ര​മ്പ​ര്യ ക​ല മു​ത​ൽ ന​ജ്ദ് മേ​ഖ​ല​യു​ടെ പ​ര​മ്പ​രാ​ഗ​ത വാ​സ്തു​വി​ദ്യ വ​രെ അ​ണി​നി​ര​ന്നു. പ​ര​മ്പ​രാ​ഗ​ത വ​സ്ത്രം ധ​രി​ച്ച ക​ലാ​കാ​ര​ന്മാ​ർ നാ​ടോ​ടി സം​ഗീ​ത​ത്തി​നൊ​പ്പം നൃ​ത്തം ചെ​യ്‌​തു.

അം​ബ​ര​ചും​ബി​ക​ളാ​യ കെ​ട്ടി​ട​ങ്ങ​ളും ലാ​ൻ​ഡ്‌​മാ​ർ​ക്കു​ക​ളും സൗ​ദി പ​താ​ക​യു​ടെ നി​റ​ങ്ങ​ളാ​യ പ​ച്ച​യും വെ​ള്ള​യും ലൈ​റ്റു​ക​ളാ​ൽ പ്ര​കാ​ശി​പ്പി​ച്ചു. സൗ​ദി അ​റേ​ബ്യ​യും ബ​ഹ്‌​റൈ​നും ത​മ്മി​ലു​ള്ള ബ​ന്ധ​ത്തി​​ന്റെ പ്ര​തീ​ക​മാ​യി കി​ങ്​ ഫ​ഹ​ദ് കോ​സ്‌​വേ​യി​ൽ പ്ര​ത്യേ​ക വി​ള​ക്കു​ക​ളും ഒ​രു​ക്കി​യി​രു​ന്നു. പ്രാ​ദേ​ശി​ക ഫു​ട്​​ബാ​ൾ ക്ല​ബു​ക​ളും സ്കൂ​ളു​ക​ളും ലോ​ക​ക​പ്പി​ന്റെ ആ​വേ​ശ​ത്തി​ൽ വി​വി​ധ സാ​മൂ​ഹി​ക മ​ത്സ​ര​ങ്ങ​ൾ സം​ഘ​ടി​പ്പി​ച്ചു.

അ​ൽ ഖോ​ബാ​റി​​ന്റെ റ​സ്റ്റാ​റ​ന്റു​ക​ളും ക​ഫേ​ക​ളും ആ​ഘോ​ഷ​ങ്ങ​ളി​ൽ പ​ങ്കാ​ളി​ക​ളാ​യി. ഫെ​യ്‌​സ് പെ​യി​ൻ​റി​ങ്, പ​ട്ടം പ​റ​ത്ത​ൽ, ഫു​ട്​​ബാ​ൾ തീ​മ​ണി​ഞ്ഞ ക​ര​കൗ​ശ​ല​വ​സ്തു​ക്ക​ളു​ടെ പ്ര​ദ​ർ​ശ​നം എ​ന്നി​വ​യെ​ല്ലാ​മു​ണ്ടാ​യി. അ​ൽ ഖോ​ബാ​ർ കോ​ർ​ണി​ഷി​ൽ ഭീ​മ​ൻ ഫു​ട്​​ബാ​ൾ ഉ​ൾ​പ്പെ​ടെ വി​വി​ധ ചി​ഹ്ന​ങ്ങ​ളും മ​റ്റ്​ അ​ല​ങ്കാ​ര വ​സ്​​തു​ക്ക​ളും സ്ഥാ​പി​ച്ചു.