സ​മ്മോ​ഹ​നം അ​ൽ ഖോ​ബാ​റി​ലെ പു​ല​ർ​കാ​ലം

അ​ൽ ഖോ​ബാ​ർ: കി​ഴ​ക്ക​ൻ പ്ര​വി​ശ്യ​യി​ലെ ഏ​റ്റ​വും മ​നോ​ഹ​ര​മാ​യ പ്ര​ഭാ​ത​ക്കാ​ഴ്ച അ​ൽ​ഖോ​ബാ​റി​ലേ​താ​ണ്. ശൈ​ത്യ​കാ​ല​ത്തെ ഖോ​ബാ​ർ ക​ട​ൽ​ത്തീ​ര​ത്തെ പു​ല​ർ​ക്കാ​ല കാ​ഴ്ച അ​തു​ല്യാ​നു​ഭ​വം പ്ര​ദാ​നം ചെ​യ്യു​ന്നു. ഉ​ദ​യ​കി​ര​ണ​ങ്ങ​ൾ ച​ക്ര​വാ​ള​ത്തെ ചു​വ​പ്പി​ക്കു​മ്പോ​ൾ ഖോ​ബാ​ർ കോ​ർ​ണീ​ഷ് ശാ​ന്ത​വും അ​ന​ന്യ​വു​മാ​യ ഒ​രു ദൃ​ശ്യ​വി​രു​ന്നി​ലേ​ക്ക് ന​മ്മെ വ​ലി​ച്ച​ടു​പ്പി​ക്കു​ന്നു. മൃ​ദു​വാ​യ ക​ട​ൽ​ക്കാ​റ്റും കാ​ഴ്ച​യു​ടെ ഈ ​പൂ​ര​വും ആ​സ്വ​ദി​ക്കാ​ൻ ത​ണു​പ്പേ​റി​യ പ്ര​ഭാ​ത​ങ്ങ​ളി​ൽ പോ​ലും ഖോ​ബാ​ർ കോ​ർ​ണീ​ഷി​ലേ​ക്ക് വി​ദേ​ശി​ക​ളും സ്വ​ദേ​ശി​ക​ളു​മെ​ത്തു​ന്നു. ഉ​ദ​യ​സൂ​ര്യ​നും ക​ട​ലും ക​ര​യും ആ​കാ​ശ​വും അ​ന്ത​രീ​ക്ഷ​വും ന​ൽ​കു​ന്ന ഉ​ന്മേ​ഷ​ദാ​യ​ക​മാ​യ ചാ​രു​ത ഇ​വി​ടെ​യെ​ത്തു​ന്ന​വ​ർ​ക്ക് ന​ൽ​കു​ന്ന സ​ന്തോ​ഷം ചെ​റു​ത​ല്ല.

സൂ​ര്യ​ര​ശ്മി​യു​ടെ മൃ​ദു​ല​മാ​യ വ​ർ​ണ​ങ്ങ​ൾ ആ​കാ​ശ​ത്തും ക​ട​ലി​ലും ഒ​രു​ക്കു​ന്ന പ്ര​കൃ​തി​യു​ടെ ക​ലാ​വൈ​ഭ​വ​ത്തി​ന് സാ​ക്ഷ്യം വ​ഹി​ക്കു​ക എ​ന്ന​ത് അ​തു​ല്യ അ​നു​ഭ​വ​മാ​ണ്. സ​ന്ദ​ർ​ശ​ക​ർ നി​ശ്ശബ്​​ദ​മാ​യി അ​വ​ർ ചി​ത്ര​ങ്ങ​ളും വി​ഡി​യോ​യും പ​ക​ർ​ത്തു​മ്പോ​ൾ പ്ര​ഭാ​ത​സ​വാ​രി​ക്കാ​ർ പാ​ത​ക​ളി​ലൂ​ടെ ന​ട​ക്കാ​ൻ ആ​രം​ഭി​ക്കും.

സൈ​ക്കി​ളും ട്രൈ​സൈ​ക്കി​ളു​മാ​യി സ്ത്രീ​ക​ളും കു​ട്ടി​ക​ളും ഉ​ത്സാ​ഹ​ത്തോ​ടെ ച​വി​ട്ടി​പ്പോ​കു​ന്ന​ത് പ​തി​വ് കാ​ഴ്ച​യാ​ണ്. സം​ഗീ​ത​പ്രേ​മി​ക​ൾ ഒ​ത്തു​കൂ​ടി പു​ൽ​ത്ത​കി​ടി​യി​ൽ വ​ട്ട​ത്തി​ലി​രു​ന്ന് പാ​ട്ടു​പാ​ടു​ന്ന​ത് മ​റ്റൊ​രു കാ​ഴ്ച​യാ​ണ്. അ​വ​രു​ടെ ഗാ​നാ​ലാ​പ​നം ഗി​റ്റാ​റി​നൊ​പ്പം ഉ​യ​രു​മ്പോ​ൾ അ​ത് കാ​ണാ​ൻ ആ​ളു​ക​ൾ ചു​റ്റും കൂ​ടു​ന്നു.

മ​ത്സ്യ​ബ​ന്ധ​ന പ്രേ​മി​ക​ൾ വെ​ള്ള​ത്തി​ന​രി​കി​ലു​ള്ള പാ​റ​ക്കെ​ട്ടി​ൽ സ്ഥി​ര​മാ​യി എ​ത്തു​ന്നു. ചി​ല ഇ​ട​ങ്ങ​ൾ സ്ഥി​ര​മെ​ത്തു​ന്ന​വ​രു​ടെ സ്വ​ന്തം സ​ങ്കേ​ത​ങ്ങ​ളാ​ണ്. ക​ട​ൽ​വെ​ള്ള​ത്തി​ലേ​ക്ക് ചൂ​ണ്ട നീ​ട്ടി​യെ​റി​ഞ്ഞു അ​വ​ർ ശാ​ന്ത​രാ​യി കാ​ത്തി​രി​ക്കു​ന്ന​ത് കാ​ഴ്ച​ക്കാ​രി​ൽ കൗ​തു​കം ഉ​ള​വാ​ക്കും. വി​ദേ​ശി​ക​ളാ​ണ് ചൂ​ണ്ട​യി​ടാ​ൻ എ​ത്തു​ന്ന​വ​രി​ൽ ഭൂ​രി​പ​ക്ഷ​വും. കു​ടും​ബ​ങ്ങ​ളും സു​ഹൃ​ത്തു​ക്ക​ളും പി​ക്‌​നി​ക് പ​ര​വ​താ​നി​ക​ൾ വി​രി​ച്ചു പ​ര​മ്പ​രാ​ഗ​ത പ്ര​ഭാ​ത​ഭ​ക്ഷ​ണം ആ​സ്വ​ദി​ക്കു​ക​യും ചൂ​ട് ചാ​യ മൊ​ത്തി കു​ടി​ക്കു​ക​യും ചെ​യ്യു​ന്ന​ത് കാ​ണാം.

സൗ​ദി​യു​ടെ ത​ന​തു​ഭ​ക്ഷ​ണം വി​ള​മ്പു​ന്ന റ​സ്​​റ്റാ​റ​ന്‍റു​കൾ അ​തി​രാ​വി​ലെ മു​ത​ൽ പ്ര​വ​ർ​ത്ത​ന സ​ജ്ജ​മാ​ണ്. ക​ട​ൽ നോ​ക്കി ഉ​ദ​യം ക​ണ്ടു ത​ണു​പ്പാ​സ്വ​ദി​ച്ച് ചൂ​ടു​ള്ള ഭ​ക്ഷ​ണം ക​ഴി​ക്കാ​ൻ സു​ഹൃ​ത്തു​ക്ക​ളും കു​ടും​ബ​ങ്ങ​ളും സം​ഘം ചേ​ർ​ന്നെ​ത്തു​ന്നു. ക​ട​ൽ വ​ള​രെ ദൂ​രെ ഉ​യ​ര​ത്തി​ൽ​നി​ന്ന് കാ​ണാ​ൻ വി​ധ​മു​ള്ള താ​ൽകാ​ലി​ക കെ​ട്ടി​ട​വും ഖോ​ബാ​ർ കോ​ർ​ണീ​ഷി​ൽ സ്ഥാ​പി​ച്ചി​ട്ടു​ണ്ട്. അ​വി​ടെ​നി​ന്ന് ആ​കാ​ശ​ത്തു​നി​ന്നെ​ന്ന പോ​ലെ ന​ല്ല ചി​ത്ര​ങ്ങ​ൾ പ​ക​ർ​ത്താ​ൻ ക​ഴി​യും.

കു​ട്ടി​ക​ൾ സ​ന്തോ​ഷ​ത്തോ​ടെ മു​ഴ​ങ്ങു​ന്ന മ​ണി​ക​ളോ​ടെ സൈ​ക്കി​ളു​ക​ൾ ഓ​ടി​ക്കു​ന്ന​ത് കാ​ണാം. പ്രാ​യ​മാ​യ ദ​മ്പ​തി​ക​ൾ പ്ര​ഭാ​ത​ത്തി​​ന്‍റെ ശാ​ന്ത​മാ​യ സൗ​ന്ദ​ര്യം ആ​സ്വ​ദി​ച്ച് കൈ​കോ​ർ​ത്ത് ന​ട​ക്കു​ന്നു. മ​റ്റു​ചി​ല​ർ ക​ട​ൽ നോ​ക്കി ബെ​ഞ്ചു​ക​ളി​ൽ ഇ​രി​ക്കു​ന്നു.

പ്ര​ഭാ​തം വി​ക​സി​ക്കു​മ്പോ​ൾ സ​ന്ദ​ർ​ശ​ക​ർ ജീ​വി​ത​ത്തി​​ന്‍റെ തി​ര​ക്കു​ക​ളി​ലേ​ക്ക് മ​ട​ങ്ങി​പ്പോ​കു​ന്നു. രാ​വി​ല​ത്തെ ഖോ​ബാ​ർ കോ​ർ​ണി​ഷ് ഒ​രു ല​ക്ഷ്യ​സ്ഥാ​നം മാ​ത്ര​മ​ല്ല; അ​തൊ​രു അ​നു​ഭ​വ​മാ​ണ്. പ്ര​ഭാ​ത​ത്തി​ൽ അ​വി​ടെ എ​ത്തു​ന്ന​വ​ർ​ക്ക് ചി​രി​ക്കും സം​ഗീ​ത​ത്തി​നും ശാ​ന്ത​ത​ക്കും ഇ​ട​യി​ൽ അ​ൽ ഖോ​ബ​റി​​ന്‍റെ ഹൃ​ദ​യ​സ്പ​ന്ദ​നം ശ​രി​ക്കും അ​നു​ഭ​വി​ക്കാ​ൻ ക​ഴി​യും.