അൽ മുസൈൻ ജെ.എഫ്.സി കപ്പ് 2023; മെഗാ സെവൻസ് ഫുട്ബാൾ ടൂർണമെൻറ് ഇന്നു മുതൽ
text_fieldsഅൽ മുസൈൻ ജെ.എഫ്.സി കപ്പ് 2023 മെഗാ സെവൻസ്
ഫുട്ബാൾ ടൂർണമെൻറിന്റെ ട്രോഫി, ലോഗോ പ്രകാശനം
മുജീബ് കളത്തിൽ നിർവഹിക്കുന്നു
ജുബൈൽ: അൽ മുസൈൻ ജെ.എഫ്.സി കപ്പ് 2023 മെഗാ സെവൻസ് ഫുട്ബാൾ ടൂർണമെൻറ് വെള്ളിയാഴ്ച ആരംഭിക്കും. നവംബർ 24 വരെ നടക്കുന്ന മത്സരങ്ങൾ ജുബൈലിലെ ഫിഫ അറീനയിലാണ് നടക്കുന്നത്. ടൂർണമെൻറിന്റെ ട്രോഫി, ലോഗോ, ജഴ്സി പ്രകാശനവും ഫിക്സ്ചർ നറുക്കെടുപ്പും ജുബൈൽ ക്ലാസിക് റസ്റ്റാറൻറ് ഓഡിറ്റോറിയത്തിൽ നടന്നു. ദമ്മാം ഇന്ത്യൻ ഫുട്ബാൾ അസോസിയേഷനിൽ (ഡിഫ) രജിസ്റ്റർ ചെയ്തിട്ടുള്ള 20 ക്ലബുകളാണ് ടൂർണമെൻറിൽ പങ്കെടുക്കുന്നത്.
അൽ മുസൈൻ, കിംചി മാർട്ട്, തുഹി ഗ്രൂപ് തുടങ്ങിയവരാണ് പ്രധാന സ്പോൺസർമാർ. ഡിഫ പ്രസിഡൻറ് മുജീബ് കളത്തിൽ ഉദ്ഘാടനം നിർവഹിച്ചു. സൗദി ഭരണകൂടം കായിക മേഖലക്ക് നൽകുന്ന പ്രാധാന്യം ലോകത്തിനുതന്നെ മാതൃകയാണെന്ന് അദ്ദേഹം അഭിപ്രായപ്പെട്ടു. ജെ.എഫ്.സി പ്രസിഡൻറ് സജീർ അധ്യക്ഷത വഹിച്ചു. ഖലീൽ, റിയാസ്, ശിഹാബ് കായംകുളം തുടങ്ങിയവർ സംസാരിച്ചു. ഷാഫി സ്വാഗതവും ഇല്യാസ് നന്ദിയും പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.