സഹകരണസാധ്യതകൾ തേടി അമീർ മുഹമ്മദ്​ ആപ്പിൾ ആസ്​ഥാനത്ത്​

ജിദ്ദ: വിവിധ​േമഖലകളിൽ സഹകരണത്തിന്​ സാധ്യതകൾ തേടി സൗദി കിരീടാവകാശി അമീർ മുഹമ്മദ്​ ബിൻ സൽമാൻ സാൻഫ്രാൻസിസ്​കോ സിലിക്കൺ വാലിയിലെ ആപ്പിൾ ആസ്​ഥാനത്ത്​ എത്തി. ആപ്പിൾ സി.ഇ.ഒ ടിം കുക്ക്​ ഉൾപ്പെടെ പ്രമുഖരുമായി കൂടിക്കാഴ്​ച നടത്തിയ അദ്ദേഹം സൗദി അറേബ്യയിൽ ആപ്ലിക്കേഷനുകൾ വികസിപ്പിക്കുന്നതിനുള്ള സാധ്യത തേടി. അറബിയിലുള്ള പാഠ്യഭാഗങ്ങൾ പോഷിപ്പിക്കുന്നതിനും ക്ലാസ്​മുറികൾ സർഗാത്​മകമാക്കുന്നതിനും ആപ്പിളി​​​​െൻറ സഹകരണം അഭ്യർഥിക്കുകയും ചെയ്​തു. 

സൗദി യുവാക്കളുടെ തൊഴിൽ സാധ്യതകൾ വിപുലപ്പെടുത്തുന്നതി​​​​െൻറ ഭാഗമായി കമ്പനി ആസ്​ഥാനത്ത്​ അവർക്ക്​ പരിശീലനം ലഭ്യമാക്കുന്നതും ചർച്ചകളിൽ വിഷയമായി. ചർച്ചകൾക്കൊടുവിൽ വിദ്യാഭ്യാസം, ആരോഗ്യം, മാർക്കറ്റിങ്​ എന്നിവയിയെ സാ​േങ്കതിക പ്രദർശനവും കിരീടാവകാശിക്കായി ഒരുക്കിയിരുന്നു. തുടർന്ന്​ സ്​റ്റീവ്​ ജോബ്​സ്​ തിയറ്ററും അദ്ദേഹം സന്ദർശിച്ചു. അമേരിക്കയിലെ സൗദി അംബാസഡർ അമീർ ഖാലിദ്​ ബിൻ സൽമാനും കിരീടാവകാശിയെ അനുഗമിച്ചു.