അനുമിത്രയെ ദമ്മാം ഏറനാട് മണ്ഡലം കെ.എം.സി.സി അനുമോദിച്ചു

ദമ്മാം: ഈ വർഷത്തെ പ്ലസ് ടു അറബിക് പരീക്ഷയിൽ മുഴുവൻ മാർക്കും കരസ്ഥമാക്കിയ എടവണ്ണ ജാമിഅഃ ഹയർ സെക്കൻഡറി സ്കൂൾ വിദ്യാർഥിനി അനുമിത്രയെ ദമ്മാം ഏറനാട് മണ്ഡലം കെ.എം.സി.സി അനുമോദിച്ചു. പ്രശംസാഫലകവും കാഷ് അവാർഡും മണ്ഡലം ജനറൽ സെക്രട്ടറി സക്കീർ അകമ്പാടം കൈമാറി. മണ്ഡലം യൂത്ത് ലീഗ് സെക്രട്ടറി മുനീർ, എടവണ്ണ പഞ്ചായത്ത് യൂത്ത് ലീഗ് സെക്രട്ടറി നിയാസ്, എടവണ്ണ മൂന്നാം വാർഡ് പഞ്ചായത്ത് യൂത്ത് ലീഗ് ജനറൽ സെക്രട്ടറി അബ്ദുൽ ജലീൽ, എം.എസ്.എഫ് മണ്ഡലം സെക്രട്ടറി നിഷാദ് എന്നിവർ സംസാരിച്ചു.