ചെങ്കടലിൽ വിനോദയാത്രക്കൊരുങ്ങി അറോയ ക്രൂസ് കപ്പൽ

യാം​ബു: ചെ​ങ്ക​ട​ലി​ൽ വി​നോ​ദ​യാ​ത്ര​ക്കൊ​രു​ങ്ങി ‘അ​റോ​യ ക്രൂ​സ്’ ക​പ്പ​ൽ ജി​ദ്ദ​യി​ലെ​ത്തി. സൗ​ദി പ​ബ്ലി​ക് ഇ​ൻ​വെ​സ്​​റ്റ്​​മെൻറ്​ ഫ​ണ്ടി​ന്റെ പൂ​ർ​ണ ഉ​ട​മ​സ്ഥ​ത​യി​ലു​ള്ള ആ​ദ്യ അ​റ​ബ് ക്രൂ​സ് ലൈ​നി​ന്റെ ക​പ്പ​ലാ​ണി​ത്. ജ​ർ​മ​നി​യി​ലെ ബ്രെ​മ​ർ​ഹാ​വ​ൻ തു​റ​മു​ഖ​ത്ത് നി​ന്നാ​ണ് ജി​ദ്ദ തു​റ​മു​ഖ​ത്തെ​ത്തി​യ​ത്. ഡി​സം​ബ​ർ 16 മു​ത​ൽ സ​ഞ്ചാ​രി​ക​ൾ​ക്കാ​യി വാ​തി​ൽ തു​റ​ക്കും. 3,362 യാ​ത്ര​ക്കാ​രെ ഉ​ൾ​ക്കൊ​ള്ളാ​ൻ ശേ​ഷി​യു​ള്ള ക​പ്പ​ലി​ൽ 19 ഡെ​ക്കു​ക​ളും 1,678 കാ​ബി​നു​ക​ളും സ്യൂ​ട്ടു​ക​ളും ഉ​ണ്ട്.

1,018 ഇ​രി​പ്പി​ട​ങ്ങ​ളു​ള്ള തീ​യേ​റ്റ​ർ, ഷോ​പ്പി​ങ്​ ഏ​രി​യ, കു​ട്ടി​ക​ളു​ടെ ഉ​ല്ലാ​സ കേ​ന്ദ്രം, പ്രാ​ർ​ഥ​നാ​യി​ട​ങ്ങ​ൾ, ന​ട​പ്പാ​ത, ഫു​ട്‌​ബാ​ൾ കോ​ർ​ട്ട്, ബാ​സ്‌​ക്ക​റ്റ്‌​ബാ​ൾ കോ​ർ​ട്ട് തു​ട​ങ്ങി വി​പു​ല​മാ​യ കാ​യി​ക സൗ​ക​ര്യ​ങ്ങ​ൾ​ക്കൊ​പ്പം ആ​രോ​ഗ്യ, വി​നോ​ദ സൗ​ക​ര്യ​ങ്ങ​ളു​മു​ണ്ട്. 12 റ​സ്റ്റാ​റ​ന്റു​ക​ളും 17 ക​ഫേ​ക​ളും സ​ഞ്ചാ​രി​ക​ൾ​ക്കാ​യി ഒ​രു​ക്കി​യി​ട്ടു​ണ്ട്. അ​ഞ്ച് വ​ൻ​ക​ര​ക​ളി​ലെ ആ​ളു​ക​ൾ ഇ​ഷ്​​ട​പ്പെ​ടു​ന്ന രു​ചി​വൈ​വി​ധ്യ​മു​ള്ള ഭ​ക്ഷ​ണ സാ​ധ​ന​ങ്ങ​ൾ ക​പ്പ​ലി​ൽ ല​ഭ്യ​മാ​ണ്. സൗ​ദി പാ​ര​മ്പ​ര്യ ഭ​ക്ഷ​ണ​യി​ന​ങ്ങ​ൾ​ക്ക്​ പ്ര​ത്യേ​ക പ​രി​ഗ​ണ​ന​യു​മു​ണ്ട്. അ​റോ​യ ക്രൂ​സ് സൗ​ദി ടൂ​റി​സ​ത്തി​ലെ ഏ​റ്റ​വും വ​ലി​യ യാ​ത്രാ​നു​ഭ​വം സ​മ്മാ​നി​ക്കു​മെ​ന്ന് ടൂ​റി​സം അ​തോ​റി​റ്റി അ​റി​യി​ച്ചു.

ക​പ്പ​ൽ സ​ന്ദ​ർ​ശ​ക​ർ​ക്കാ​യി ചെ​ങ്ക​ട​ലി​ൽ നി​ര​വ​ധി ദ്വീ​പു​ക​ൾ സ​ജ്ജീ​ക​രി​ച്ചി​ട്ടു​ണ്ട്. മൂ​ന്നു രാ​ത്രി​ക​ൾ മു​ത​ൽ ഈ​ജി​പ്ത്, ജോ​ർ​ദാ​ൻ എ​ന്നീ രാ​ജ്യ​ങ്ങ​ളി​ലേ​ക്കു​ള്ള ദീ​ർ​ഘ​കാ​ല യാ​ത്ര​ക​ൾ വ​രെ വി​വി​ധ​ത​രം ട്രി​പ്പു​ക​ളു​ടെ പാ​ക്കേ​ജു​ക​ൾ ല​ഭ്യ​മാ​ണ്. സൗ​ദി​യു​ടെ ‘വി​ഷ​ൻ 2030’ ല​ക്ഷ്യ​ങ്ങ​ളു​ടെ ഭാ​ഗ​മാ​യാ​ണ് ക്രൂ​സ് വി​നോ​ദ യാ​ത്രാ പ​ദ്ധ​തി ഒ​രു​ക്കു​ന്ന​ത്. ക​ട​ൽ​ത്തീ​ര​ങ്ങ​ളും ആ​ക​ർ​ഷ​ണീ​യ​മാ​യ ദ്വീ​പു​ക​ളും സ​ന്ദ​ർ​ശി​ക്കാ​നും കാ​ഴ്ച​ക​ൾ ആ​സ്വ​ദി​ക്കാ​നും സ​ഞ്ചാ​രി​ക​ൾ​ക്ക് അ​വ​സ​ര​മൊ​രു​ക്കു​ക​യാ​ണ് സൗ​ദി ടൂ​റി​സം വ​കു​പ്പ്.

പ്രാ​ദേ​ശി​ക പ​ര​മ്പ​രാ​ഗ​ത വി​പ​ണി​ക​ളി​ൽ​നി​ന്ന് സ​ഞ്ചാ​രി​ക​ൾ​ക്ക് ഷോ​പ്പി​ങ്​ ന​ട​ത്താ​നും അ​വ​സ​ര​മു​ണ്ട്. നൂ​റി​ലേ​റെ ചെ​റു ദ്വീ​പു​ക​ളാ​ൽ സ​മ്പ​ന്ന​മാ​ണ് സൗ​ദി​യു​ടെ ചെ​ങ്ക​ട​ൽ ഭാ​ഗ​ങ്ങ​ൾ. ഇ​വ​യെ ബ​ന്ധ​പ്പെ​ടു​ത്തി​യു​ള്ള ടൂ​റി​സം വി​ക​സ​ന​മാ​ണ്​ ചെ​ങ്ക​ട​ൽ കേ​ന്ദ്രീ​ക​രി​ച്ച്​ ന​ട​പ്പാ​ക്കു​ന്ന​ത്. സ​ന്ദ​ർ​ശ​ക​രെ സ്വീ​ക​രി​ക്കാ​നു​ള്ള ഒ​രു​ക്കം ദ്വീ​പു​ക​ളി​ൽ ഇ​തി​ന​കം പൂ​ർ​ത്തി​യാ​യി.