ദുരിതത്തിനൊടുവിൽ സുവർണ മലേക്ക നാടണഞ്ഞു

റിയാദ്: റിക്രൂട്ട്മെൻറ്​ ഏജൻറി​െൻറ ചതിയിൽപ്പെട്ട്‌ ദുരിതത്തിലായ മുംബൈ കല്യാൺ സ്വദേശിനി സുവർണ മലേക്ക സാമൂഹിക പ്രവർത്തകരുടെ സഹായത്തോടെ നാടണഞ്ഞു.മൂന്നു വർഷം മുമ്പ്​ വീട്ടുജോലിക്കായി സൗദിയിലെത്തിയ സുവർണ മലേക്ക​ താൻ ആവശ്യപ്പെട്ട രീതിയിലുള്ള ജോലിക്കാരി ആയില്ലെന്ന്​ പറഞ്ഞ്​ സ്പോൺസർ ഏജൻറിനെ തിരികെ ഏൽപ്പിച്ചു. തനിക്ക് ചെലവായ 30,000 സൗദി റിയാൽ ആറുമാസത്തിനകം തിരികെ നൽകണമെന്ന് സ്പോൺസർ ഏജൻറിനോട് ആവശ്യപ്പെട്ടു.ഏജൻറ്​ സുവർണയെ അൽഖർജിലുള്ള മറ്റൊരു സൗദി പൗരന് കൈമാറി. സ്പോൺസറിൽനിന്നും വാങ്ങിയ പണം തിരികെ നൽകിയതുമില്ല.

തുടർന്ന് രണ്ടര വർഷം അൽഖർജിൽ ജോലിചെയ്ത സുവർണ ത​െൻറ അമ്മ സുഖമില്ലാതെ കിടപ്പിലായതറിഞ്ഞപ്പോൾ ജോലി ചെയ്യുന്ന വീട്ടിലെ കുടുംബനാഥനോട്​ നാട്ടിൽ പോകണമെന്ന് ആവശ്യപ്പെട്ടു. ആവശ്യം അംഗീകരിച്ച വീട്ടുകാർ സുവർണയെ ഏജൻറിനെ ഏൽപിച്ചു.

ഏജൻറ്​ സുവർണയെ സ്‌പോൺസറുടെ അടുക്കൽ പോയി പാസ്​പോർട്ട്​​ വാങ്ങി നാട്ടിലയക്കാമെന്ന്​ പറഞ്ഞു കൊണ്ടുപോയി വഴിയിൽ ഉപേക്ഷിച്ചു. വിഷയം ഇന്ത്യൻ എംബസിയുടെ ശ്രദ്ധയിൽ പെട്ടതോടെ ഈ വിഷയം പരിഹരിച്ചു സുവർണയെ നാട്ടിലയക്കാൻ ചാരിറ്റി ഓഫ് പ്രവാസി മലയാളി എന്ന സംഘടനയുടെ പ്രസിഡൻറ്​ അയൂബ് കരൂപ്പടന്നയെ ചുമതലപ്പെടുത്തി. ക്ഷമ സ്ത്രീ കൂട്ടായ്മയുടെയും ചാരിറ്റി ഓഫ് പ്രവാസി മലയാളിയുടെ പ്രവർത്തകരും ഒപ്പംനിന്നു. യാത്രക്കുള്ള ടിക്കറ്റും തുടർ ചികിത്സക്കുള്ള സാമ്പത്തിക സഹായവും നൽകി സുവർണയെ നാട്ടിലയച്ചു. ക്ഷമ സ്ത്രീ കൂട്ടായ്മ പ്രസിഡൻറ്​ തസ്നീം റിയാസ്, ഡോ. ആമിന സെറിൻ, സിമി ജോൺസൺ, നിമിഷ, ഷെമി ജലീൽ എന്നിവർ സുവർണക്ക്​ സഹായങ്ങളും നൽകി.