ഭീഷണി വെച്ചുപൊറുപ്പിക്കില്ല -സൗദി 

റിയാദ്​: സൗദി അറേബ്യയെയും യു.എ.ഇയെയും ആക്രമിക്കാൻ ഹൂതി വിമതർക്ക്​ ഇറാൻ സായുധ സഹായം നൽകുകയാണെന്ന്​ അറബ്​ സഖ്യസേന. യമനിൽ ഇറാ​​െൻറ ഇടപെടലിനുള്ള എല്ലാ തെളിവുകളും പക്കലുണ്ടെന്ന്​ സഖ്യസേന വക്​താവ്​ കേണൽ തുർക്കി അൽ മാലികി റിയാദിൽ വാർത്ത സമ്മേളനത്തിൽ പറഞ്ഞു. രാജ്യസുരക്ഷക്ക്​ നേരെയുള്ള ഒരു ഭീഷണിയും വെച്ചുപൊറുപ്പിക്കില്ലെന്ന്​ വിദേശകാര്യമന്ത്രി ആദിൽ ജുബൈറും വ്യക്​തമാക്കി. അയൽ രാജ്യങ്ങളിലുള്ള ഇറാ​​െൻറ കടന്നുകയറ്റം ആഗോള സമാധാനത്തിനും സുരക്ഷക്കും വൻ വെല്ലുവിളിയാണ്​ ഉയർത്തുന്നതെന്നും അദ്ദേഹം കൂട്ടിച്ചേർത്തു. 

അതിനിടെ ആയുധക്കടത്ത്​ തടയാൻ യമനിലെ മുഴുവൻ കര, വ്യോമ, നാവിക കവാടങ്ങളും സഖ്യസേന താൽകാലികമായി അടച്ചു. സൗദി തലസ്​ഥാനമായ റിയാദിലെ കിങ്​ ഖാലിദ്​ വിമാനത്താവളത്തിന്​ നേർക്ക്​ ഹൂതികളുടെ ബാലിസ്​റ്റിക്​ മിസൈൽ പ്രയോഗത്തെ തുടർന്നാണ്​ നടപടി. ശനിയാഴ്​ച രാത്രിയായിരുന്നു സംഭവം. സൗദി വ്യോമ പ്രതിരോധ സംവിധാനം മിസൈൽ തകർത്തതിനാൽ വലിയ അപകടങ്ങളുണ്ടായില്ല. ഇൗ മിസൈൽ ഉൾപ്പെടെ സൗദിക്ക്​ നേരെ ഹൂതികൾ പ്ര​േയാഗിക്കുന്ന മിസൈലുകൾ എല്ലാം ഇറാൻ നിർമിതമാണ്​. റിയാദിൽ തകർന്ന മിസൈലി​​െൻറയും ജൂലൈയിൽ ഹൂതികൾ തൊടുത്ത മിസൈലി​​െൻറയും ഭാഗങ്ങൾ വിശദ പരിശോധനക്ക്​ വിധേയമാക്കിയതിൽ നിന്നാണ്​ ഇക്കാര്യം വ്യക്​തമായത്​. തീവ്രവാദ കുറ്റകൃത്യങ്ങളുമായി ബന്ധപ്പെട്ട്​ പിടികിട്ടാനുള്ള 40 ഹൂതികളുടെ പട്ടികയും പ്രസിദ്ധീകരിച്ചിട്ടുണ്ട്​. ഇവരെ സംബന്ധിച്ച്​ വിവരം നൽകുന്നവർക്ക്​ പാരിതോഷികവും പ്രഖ്യാപിച്ചു. 

സഖ്യസേന വക്​താവ്​ കേണൽ തുർക്കി അൽ മാലികിയുടെ വാർത്ത സമ്മേളനത്തിൽ ഹൂതികളിൽ നിന്ന്​ സഖ്യസേന പിടിച്ചെടുത്ത ഇറാൻ നിർമിത മിസൈലുകളുടെയും മറ്റ്​ ആയുധങ്ങളുടെയും ചിത്രങ്ങളും പ്രദർശിപ്പിച്ചു. ഹൂതികൾക്ക്​ ഡ്രോണുകളും ഇറാൻ നൽകുന്നുണ്ടെന്നും അദ്ദേഹം കൂട്ടിച്ചേർത്തു. ഹുദൈദ തുറമുഖം വഴി പാർട്​സുകളായി കൊണ്ടുവരുന്ന ആയുധങ്ങൾ പിന്നീട്​ കൂട്ടിച്ചേർത്ത്​ ഉപയോഗിക്കുകയാണ്​. ചാവേർ ബോട്ടുകൾ ഉപയോഗിച്ച്​ അന്താരാഷ്​ട്ര നാവിക പാതയിൽ ഹൂതികൾ ഭീഷണി സൃഷ്​ടിക്കുന്നുണ്ടെന്നും കേണൽ തുർക്കി പറഞ്ഞു.