ബിനാമി സ്വർണക്കച്ചവടം: അഞ്ച്​ പേർക്ക് 14 വർഷം തടവ്​, 60 ലക്ഷം റിയാൽ പിടിച്ചെടുത്തു

റിയാദ്​: മദീന, നജ്‌റാൻ എന്നിവിടങ്ങളിൽ സ്വർണവ്യാപാരത്തിൽ ബിനാമിയിടപാട്​ നടത്തിയ അഞ്ച്​ പേരെ ആകെ​ 14 വർഷം തടവിന്​ ശിക്ഷിച്ചു​. രണ്ട് സ്ഥാപനങ്ങൾ വഴിയാണ്​ ബിനാമിയിടപാട്​ നടത്തിയതെന്ന്​ തെളിഞ്ഞതിനെ തുടർന്ന്​​ മദീന ക്രിമിനൽ കോടതിയാണ്​ സ്വദേശി പൗരനും നാല്​ യമൻ പൗരനുമെതിരെ വിധി പുറപ്പെടുവിച്ചത്​. ഇവർക്കെതിരെയുള്ള കോടതിയുടെ ശിക്ഷാവിധി വാണിജ്യ മന്ത്രാലയം പ്രസിദ്ധീകരിച്ചു. അഞ്ചുപേർക്കുമായി മൊത്തം​ 14 വർഷം തടവാണ്​​ വിധിച്ചത്​​. സൗദി പൗരനും മൂന്ന്​ യമനി പൗരന്മാർക്കും മൂന്ന്​ വർഷം വീതവും അവശേഷിച്ച യമൻ പൗരന്​​ രണ്ട് വർഷവുമാണ്​ തടവ്​ വിധിച്ചത്​.

ബിനാമി കുറ്റകൃത്യത്തി​െൻറ ഫലമായുണ്ടായ സമ്പാദ്യം പിടിച്ചെടുക്കുകയും കണ്ടുകെട്ടുകയും ചെയ്​തു. ഇതി​െൻറ മൂല്യം 60 ലക്ഷം റിയാൽ കവിയും. പണം, ബാങ്ക് ബാലൻസ്, 28 കിലോഗ്രാം സ്വർണം, ഒരു വാഹനം, ഒരു സ്​മാർട്ട്ഫോൺ എന്നിവ കണ്ടുകെട്ടിയതിലുൾപ്പെടും. കൂടാതെ ഒരു ലക്ഷം റിയാൽ പിഴയും വിധിച്ചിട്ടുണ്ട്​. വേറെയും ശിക്ഷാനടപടികൾ കോടതി ആവശ്യപ്പെട്ടിട്ടുണ്ട്​. ഈ ബിനാമി സ്ഥാപനങ്ങളുടെ പ്രവർത്തനം അവസാനിപ്പിക്കണം, വാണിജ്യ രജിസ്​ട്രേഷനും ലൈസൻസും റദ്ദാക്കുക, പ്രതിയായ സ്വദേശി പൗരനെ അഞ്ച്​ വർഷത്തേക്ക് വാണിജ്യ പ്രവർത്തനം നടത്തുന്നതിൽനിന്ന് തടയുക, ഇയാളിൽനിന്ന്​ സകാത്ത്, ഫീസ്, നികുതി എന്നിവ വസൂലാക്കുക, വിദേശികളായ മറ്റ്​ പ്രതികളെ തടവുശിക്ഷ പൂർത്തിയാക്കു​േമ്പാൾ നാടുകടത്തുക, വീണ്ടും സൗദിയിലെത്തി ജോലി ചെയ്യുന്നതിന്​ വിലക്ക്​ ഏർപ്പെടുത്തുക, പ്രതികളുടെ ചെലവിൽ വിധിയുടെ വിശദാംശങ്ങൾ മാധ്യമങ്ങളിൽ പ്രസിദ്ധീകരിക്കുക എന്നിവയാണത്​​.

രാജ്യത്ത്​ ബിനാമി ഇടപാടുകൾ നിരീക്ഷിക്കുന്നത് കർശനമായി തുടരുകയാണ്​. വ്യാപാര സ്ഥാപനങ്ങളുടെ ബിനാമിയിടപാടുകൾ തടയുന്നതിന്​ പത്ത്​ മാനദണ്ഡങ്ങളാണ്​ ബിനാമി വിരുദ്ധ ദേശീയ പ്രോഗാം നിശ്ചയിച്ചിട്ടുള്ളത്​. ഇവ പാലിക്കുന്നുണ്ടേയെന്ന്​ ഉറപ്പുവരുത്താൻ തുടർച്ചയായ നിരീക്ഷണം തുടരുകയാണ്​. ബിനാമി കുറ്റകൃത്യത്തിലേർപ്പെടുന്നവർക്ക്​ അഞ്ച് വർഷം വരെ തടവ്, 50 ലക്ഷം റിയാൽ വരെ പിഴ, കള്ളപ്പണം പിടിച്ചെടുക്കൽ, കണ്ടുകെട്ടൽ എന്നിവയും ബിനാമിവിരുദ്ധ പ്രോഗാം വ്യവസ്ഥ ചെയ്യുന്നുണ്ട്​.