ത്വാ​ഇ​ഫി​ൽ ജീ​വ​നൊ​ടു​ക്കി​യ ത​മി​ഴ്​ യു​വാ​വി​​ന്റെ മൃ​ത​ദേ​ഹം അ​ൽ ബാ​ഹ​യി​ൽ സം​സ്‌​ക​രി​ച്ചു

ത്വാ​ഇ​ഫ്: ത്വാ​ഇ​ഫി​ൽ ആ​ത്മ​ഹ​ത്യ ചെ​യ്ത ത​മി​ഴ് യു​വാ​വി​​ന്റെ മൃ​ത​ദേ​ഹം സാ​മൂ​ഹി​ക പ്ര​വ​ർ​ത്ത​ക​രു​ടെ ശ്ര​മ​ഫ​ല​മാ​യി അ​ൽ ബാ​ഹ​യി​ൽ സം​സ്ക​രി​ച്ചു. മ​ധു​രൈ നെ​ല്ലൂ​ർ തെ​നൈ​യ്യ​മം​ഗ​ലം സ്വ​ദേ​ശി​യാ​യ തേ​തം​പ​ട്ടി രാ​ജ രാ​ജേ​ന്ദ്ര​​ന്റെ (33) മൃ​ത​ദേ​ഹ​മാ​ണ് ക​ഴി​ഞ്ഞ ദി​വ​സം സം​സ്ക​രി​ച്ച​ത്.

മേ​യ് അ​ഞ്ചി​ന് ത്വാ​ഇ​ഫി​ലെ അ​ൽ ഉ​സാ​മി​ൽ താ​മ​സ​സ്ഥ​ല​ത്താ​ണ് രാ​ജേ​ന്ദ്ര​ൻ തൂ​ങ്ങി​മ​രി​ച്ച​ത്. മ​ര​ണാ​ന​ന്ത​ര ന​ട​പ​ടി​ക​ൾ പൂ​ർ​ത്തീ​ക​രി​ക്കാ​ൻ ത്വാ​ഇ​ഫി​ലു​ള്ള സ​ഹോ​ദ​ര​ൻ ന​ന്ദീ​ശ്വ​ര​ൻ രാ​ജേ​ന്ദ്ര​നെ കു​ടും​ബം ചു​മ​ത​ല​പ്പെ​ടു​ത്തി​യി​രു​ന്നു. ത്വാ​ഇ​ഫ് കെ.​എം.​സി.​സി സെ​ൻ​ട്ര​ൽ ക​മ്മി​റ്റി പ്ര​സി​ഡ​ൻ​റും ജി​ദ്ദ ഇ​ന്ത്യ​ൻ കോ​ൺ​സു​ലേ​റ്റ് ക​മ്യൂ​ണി​റ്റി വെ​ൽ​ഫെ​യ​ർ അം​ഗ​വു​മാ​യ നാ​ല​ക​ത്ത് മു​ഹ​മ്മ​ദ് സ്വാ​ലി​ഹ് നി​യ​മ​ന​ട​പ​ടി​ക​ള്‍ പൂ​ര്‍ത്തി​യാ​ക്കാ​ൻ രം​ഗ​ത്തു​ണ്ടാ​യി​രു​ന്നു. മൃ​ത​ദേ​ഹം ജി​ദ്ദ​യി​ൽ കൊ​ണ്ടു​പോ​യി സം​സ്ക​രി​ക്കാ​ൻ കാ​ല​താ​മ​സം നേ​രി​ട്ട​തി​നാ​ൽ അ​ൽ ബാ​ഹ​യി​ൽ​നി​ന്നും അ​നു​മ​തി ല​ഭ്യ​മാ​ക്കി സം​സ്ക​രി​ക്കു​ക​യാ​യി​രു​ന്നു. ആ​റു​വ​ർ​ഷ​മാ​യി ത്വാ​ഇ​ഫി​ലെ ജൈം ​ഹോ​ട്ട​ലി​ൽ ഷ​വ​ർ​മ മേ​ക്ക​റാ​യി ജോ​ലി ചെ​യ്‌​തി​രു​ന്ന രാ​ജേ​ന്ദ്ര​ൻ ഈ ​വ​ർ​ഷം ജ​നു​വ​രി​യി​ലാ​ണ് അ​വ​ധി ക​ഴി​ഞ്ഞ് നാ​ട്ടി​ൽ നി​ന്ന് തി​രി​ച്ചെ​ത്തി​യ​ത്.

ആ​ത്‍മ​ഹ​ത്യ ചെ​യ്യാ​നു​ണ്ടാ​യ കാ​ര​ണം വ്യ​ക്ത​മ​ല്ല. മാ​താ​വും ഭാ​ര്യ​യും മൂ​ന്ന്​ വ​യ​സ്സു​ള്ള മ​ക​നു​മു​ണ്ട്.