പു​സ്​​ത​കാ​സ്വാ​ദ​നം; മാനവികതയിൽ വിടരുന്ന പ്രണയസുഗന്ധം

‘‘ഏ​തു വ​സ്തു​വും ന​മു​ക്ക് അ​ത്ര​മേ​ൽ പ്രി​യ​ത​ര​മാ​യി​രു​ന്നു​വെ​ന്ന് തി​രി​ച്ച​റി​യു​ന്ന​ത്, അ​ത് സ്വ​ന്ത​മാ​കു​ന്ന​തി​ന് മു​മ്പും അ​ത് ന​ഷ്​​ട​പ്പെ​ട്ടു ക​ഴി​ഞ്ഞു​മാ​ണ്’’ -സൗ​ദി​യി​ൽ പ്ര​വാ​സി​യാ​യ എ​ഴു​ത്തു​കാ​രി സ​ബീ​ന എം. ​സാ​ലി​യു​ടെ നോ​വ​ൽ ലേ​ഡി ലാ​വ​ണ്ട​റി​ലെ ഹൃ​ദ​യ​ത്തി​ൽ പ​തി​ഞ്ഞ വ​രി​ക​ളാ​ണി​വ.

അ​ഭ​യാ​ർ​ഥി​ക​ളു​ടെ നീ​റു​ന്ന ജീ​വി​ത​ക്കാ​ഴ്ച​ക​ൾ​ക്കൊ​പ്പം തീ​വ്ര​വാ​ദ​ത്തി​െൻറ​യും ഫാ​ഷി​സ​ത്തി​െൻറ​യും പ​ശ്ചാ​ത്ത​ല​ത്തി​ൽ സ​ബീ​ന എ​ഴു​തി​യ തി​ക​ച്ചും വ്യ​തി​രി​ക്ത​മാ​യ റൊ​മാ​ൻ​സ് ഫി​ക്ഷ​നാ​ണി​ത്. ഡി.​സി ബു​ക്​​സ്​ റൊ​മാ​ൻ​സ് ഫി​ക്ഷ​ൻ മ​ത്സ​ര ചു​രു​ക്ക​പ്പ​ട്ടി​ക​യി​ൽ ഇ​ത്​ ഇ​ടം​പി​ടി​ച്ചി​രു​ന്നു.

അ​ല​റി​വി​ളി​ക്കു​ന്ന ദു​ര​ന്ത​ത്തി​െൻറ കൊ​ടു​ങ്കാ​റ്റ് ജീ​വി​ത​ത്തി​ലു​ട​നീ​ളം പ​ര​ന്നു​വീ​ശു​മ്പോ​ഴും സ​മാ​ന​ത​ക​ളി​ല്ലാ​ത്ത പ്ര​ണ​യം​കൊ​ണ്ട് വാ​ചാ​ല​രാ​കു​ക​യാ​ണ് ആ​ദി​ലും യൊ​ഹാ​നും. അ​ഭ​യാ​ർ​ഥി​ക​ളു​ടെ സാ​ക്ഷാ​ത്ക​രി​ക്ക​പ്പെ​ടാ​ത്ത സ്വ​പ്ന​ങ്ങ​ൾ​ക്ക് സ്നേ​ഹം​കൊ​ണ്ടൊ​രു തു​ന്നി​ക്കെ​ട്ടാ​ണ് ഈ ​നോ​വ​ലെ​ന്നാ​ണ് ആ​മു​ഖ​ത്തി​ൽ നോ​വ​ലി​സ്​​റ്റി​െൻറ സാ​ക്ഷ്യം. വാ​യ​ന പു​രോ​ഗ​മി​ക്കു​മ്പോ​ൾ അ​തി​നും മു​ക​ളി​ലു​ള്ള ഹൃ​ദ​യാ​ലു​ത്വ​വും അ​ഭ​യ​മ​റ്റ​വ​രോ​ടു​ള്ള അ​ക്ഷ​രൈ​ക്യ​വും ദു​ര​ന്ത​ങ്ങ​ൾ​ക്കി​ട​യി​ലും നി​റ​യു​ന്ന ആ​ദി​ലി​െൻറ​യും യോ​ഹാ​െൻറ​യും നി​രു​പാ​ധി​ക​വും ആ​ത്മാ​ർ​ഥ​ത തു​ളു​മ്പു​ന്ന​തു​മാ​യ പ്ര​ണ​യ​ത്തി​െൻറ ലാ​വ​ണ്ട​ർ സു​ഗ​ന്ധ​വു​മാ​ണ് അ​നു​ഭ​വ​പ്പെ​ടു​ന്ന​ത്. ആ​ദ്യ അ​ധ്യാ​യം പ​ദ​ശു​ദ്ധി​യാ​ലും പ​ദ​പ്ര​യോ​ഗ​ങ്ങ​ളു​ടെ കാ​വ്യ​സൗ​ര​ഭ്യം തു​ളു​മ്പു​ന്ന ന​ട​ന​ല​യ​ത്താ​ലും മ്യൂ​ണി​ക്​ ന​ഗ​ര​ത്തി​െൻറ ഓ​രോ അ​ണു​വി​നെ​യും കാ​ഴ്ച​യെ​യും ഒ​രു ച​ല​ച്ചി​ത്ര​ത്തി​ലെ​ന്ന​പോ​ലെ അ​നു​ഭ​വി​പ്പി​ക്കു​ന്നു​വെ​ന്ന്​ പ​റ​ഞ്ഞാ​ൽ ഒ​ട്ടും അ​തി​ശ​യോ​ക്തി​യി​ല്ല. ‘മ​ത​ത്തി​െൻറ​യും വം​ശ​ത്തി​െൻറ​യും രാ​ഷ്​​ട്ര​ത്തി​െൻറ​യും വേ​ലി​ക്കെ​ട്ടു​ക​ളി​ല്ലാ​തെ, സ​ക​ല സ്പ​ർ​ധ​ക​ളെ​യും വൈ​ര​ങ്ങ​ളെ​യും കെ​ടു​ത്തി​ക്ക​ള​ഞ്ഞു​കൊ​ണ്ട് എ​ന്തു​കൊ​ണ്ട് മ​നു​ഷ്യ​ന് ജീ​വി​ച്ചു​കൂ​ടാ?’ എ​ന്ന് യൊ​ഹാ​നി​ലൂ​ടെ നോ​വ​ലി​സ്​​റ്റ്​ ചോ​ദി​ക്കു​ന്ന​ത്, നി​ർ​വ​ചി​ക്കാ​ൻ ക​ഴി​യാ​ത്ത വി​കാ​ര​മാ​യി ആ​ത്മാ​വി​ലേ​ക്കാ​ണ് പ​ട​രു​ന്ന​ത്.

‘വെ​റു​പ്പി​നു​ള്ള ഔ​ഷ​ധം സ്നേ​ഹ​മാ​ണ്, പ്ര​ണ​യ​മാ​ണ്. അ​തു​കൊ​ണ്ട് ഞാ​ൻ മ​നു​ഷ്യ​ജാ​തി​യാ​ണ്. എ​െൻറ മ​തം സ്നേ​ഹ​മാ​ണ്. എ​െൻറ രാ​ഷ്​​ട്രം പ്ര​ണ​യ​മാ​ണ്’. യ​സീ​ദി കു​ല​ത്തി​ൽ ജ​നി​ച്ചു​വെ​ന്ന കാ​ര​ണ​ത്താ​ൽ അ​നു​ഭ​വി​ക്കേ​ണ്ടി​വ​ന്ന യാ​ത​ന​ക​ളാ​ൽ യൊ​ഹാ​െൻറ ഹൃ​ദ​യ മു​റി​വു​ക​ളി​ലൂ​ടെ, നോ​വു​ക​ളി​ലൂ​ടെ നീ​റി​നീ​റി വാ​യ​ന നീ​ളു​മ്പോ​ൾ ച​രി​ത്ര​കു​തു​കി​യാ​യ ഗ്ര​ന്ഥ​കാ​രി​യെ അ​വ​രു​ടെ അ​ശ്രാ​ന്ത അ​ന്വേ​ഷ​ണ വാ​യ്പി​നെ​ക്കൂ​ടി​യാ​ണ് വാ​യ​ന​ക്കാ​ർ ക​ണ്ടെ​ത്തു​ന്ന​ത്. ത​െൻറ സ്ത്രീ​ത്വ​ത്തെ അ​പ​മാ​നി​ച്ച​വ​നെ സ്വ​യ​ര​ക്ഷ​ക്കാ​യി ഹ​നി​ക്കേ​ണ്ടി വ​ന്ന​പ്പോ​ഴും അ​വ​െൻറ ശ​രീ​ര​ത്തി​ൽ​നി​ന്ന് ഒ​ഴു​കി​പ്പ​ര​ക്കു​ന്ന ചോ​ര​യി​ൽ മു​ങ്ങി​മ​രി​ക്കു​ന്ന ഒ​രു​പ​റ്റം ഉ​റു​മ്പു​കൂ​ട്ട​ങ്ങ​ളാ​ണ് അ​വ​ളു​ടെ ക​ണ്ണു​ക​ളെ സ​ജ​ല​ങ്ങ​ളാ​ക്കു​ന്ന​ത്. ആ ​ഉ​റു​മ്പു​ക​ളെ ഓ​ർ​ത്തി​ട്ടാ​ണ് അ​വ​ൾ വേ​ദ​നി​ക്കു​ന്ന​ത്. ആ ​സ​ന്ദ​ർ​ഭ​ത്തി​ൽ സ്ത്രീ​ത്വ​ത്തി​െൻറ ശ​ക്ത​മാ​യ ര​ണ്ട് ഭാ​വ​ങ്ങ​ളാ​ണ് ഒ​രേ​സ​മ​യം എ​ഴു​ത്തു​കാ​രി കോ​ർ​ത്തി​ണ​ക്കു​ന്ന​ത്.

അ​ഭ​യാ​ർ​ഥി​ക​ൾ അ​നു​ഭ​വി​ക്കു​ന്ന കൊ​ടും​ക്രൂ​ര​ത​ക​ൾ നി​റ​ഞ്ഞ ഭാ​ഗ​ങ്ങ​ളി​ലൂ​ടെ വാ​യ​ന നീ​ണ്ട​പ്പോ​ൾ നോ​വ​ലി​െൻറ പി​റ​വി നേ​ര​ങ്ങ​ളി​ൽ എ​ഴു​ത്തു​കാ​രി അ​നു​ഭ​വി​ച്ചി​ട്ടു​ള്ള അ​ന്തഃ​സം​ഘ​ർ​ഷ​ങ്ങ​ളി​ലേ​ക്കും എ​ഴു​ത്തു​ന്മാ​ദ​ങ്ങ​ളി​ലേ​ക്കു​മാ​ണ് മ​ന​സ്സോ​ടി​പ്പോ​യ​ത്. വാ​യ​ന തീ​രു​മ്പോ​ൾ ‘ടേ​ക് യു​വ​ർ ടൈം ​ആ​ൻ​ഡ്​ ഫാ​ൾ ഇ​ൻ ല​വ്’ എ​ന്ന ആ​ദി​ലി​െൻറ ഇ​ഷ്​​ട​ഗാ​നം ടേ​ക് യു​വ​ർ ടൈം ​ആ​ൻ​ഡ് ‘റെ​യ്‌​സ് ഇ​ൻ ല​വ്’ എ​ന്ന് തി​രു​ത്തി​യെ​ഴു​താ​നാ​ണ് തോ​ന്നി​യ​ത്. തീ​വ്ര​മാ​യ അ​ഭ​യാ​ർ​ഥി നൊ​മ്പ​ര​ങ്ങ​ൾ​ക്കും തീ​വ്ര​വാ​ദ​ത്തി​െൻറ​യും ഫാ​ഷി​സ​ത്തി​െൻറ​യും പ​ച്ച​യാ​യ ത​ല​ങ്ങ​ൾ​ക്കു​മൊ​പ്പം പ്ര​ണ​യ​ത്തി​െൻറ ഉ​യ​ർ​ച്ച​യേ​യും ഉ​ണ​ർ​ച്ച​യേ​യു​മാ​ണ് ലേ​ഡി ലാ​വ​ണ്ട​ർ സ​മ്മാ​നി​ക്കു​ന്ന​ത്.

തു​ട​ങ്ങി​യാ​ൽ വാ​യ​ന പൂ​ർ​ത്തി​യാ​യി​ത്തീ​രാ​തെ ഈ ​പു​സ്ത​കം അ​ട​ച്ചു​വെ​ക്കാ​ൻ ക​ഴി​യി​ല്ല എ​ന്ന​താ​ണ് അ​നു​ഭ​വം. കാ​ഴ്ച​യി​ൽ​നി​ന്ന് കേ​ൾ​വി​യി​ലേ​ക്കും അ​നു​ഭൂ​തി​ത​ല​ത്തി​ലേ​ക്കും ഹൃ​ദ​യ​ങ്ങ​ളെ ച​ലി​പ്പി​ക്കു​ന്ന​തി​നൊ​പ്പം കെ​ട്ടി​ലും മ​ട്ടി​ലും ആ​ക​ർ​ഷ​ക​മാ​യ പു​സ്ത​ക​രൂ​പ സു​ഖ​മേ​കു​ന്നു​ണ്ട് ലേ​ഡി ലാ​വ​ണ്ട​ർ.